The Phnom Penh Post Search

Search form




Logo of Phnom Penh Post newspaper Phnom Penh Post - ជន​សង្ស័យ​រំលោភ​ក្មេង​២ឆ្នាំ នាំ​ទៅ​ស្នង​ការ​ខេត្ត




ជន​សង្ស័យ​រំលោភ​ក្មេង​២ឆ្នាំ នាំ​ទៅ​ស្នង​ការ​ខេត្ត

ជន​សង្ស័យ​រំលោភ​ក្មេង​២ឆ្នាំ នាំ​ទៅ​ស្នង​ការ​ខេត្ត

កំពង់ចាមៈ ជន​សង្ស័យ​ដែល​បី​ក្មេង​អាយុ​២ឆ្នាំ​យក​ទៅ​រំលោភ​ក្បែរ​ពំនូក​ចំបើង​ហើយ ត្រូវ​សមត្ថកិច្ច​ឃាត់​ខ្លួន​កាល​ពី​យប់​ថ្ងៃ​ទី២៩​មករា ត្រូវ​បញ្ជូន​ទៅ​ស្នងការ​ខេត្ត​កំពង់ចាម​នៅថ្ងៃ​ព្រហស្បតិ៍​នេះ​បន្ទាប់ ពី​គ្រូ​ពេទ្យ​ធ្វើ​កោសល្យ​វិច័យ​រក​ឃើញ​ស្នាម​របួស​លើ​ប្រដាប់​ភេទ ក្មេង​រងគ្រោះ។

លោក ខេង ស្រេង អធិការ​នគរបាល​ស្រុក​ស្រី​សន្ធរ​ឲ្យ​ដឹង​ថា ជន​សង្ស័យ​ដែល​ចាប់​ក្មេង​ស្រី​រំលោភ​នោះ លោក​បញ្ជូន​បន្ត​ទៅ​ស្នង​ការ​ខេត្ត​នៅ​ថ្ងៃ​ព្រហស្បតិ៍​នេះ​ហើយ​បន្ទាប់​ពី បញ្ចប់​ការ​សាកសួរ។

លោកបន្ត​ថា៖ «ក្រោយ​ឃាត់​ខ្លួន ខ្ញុំ​បាន​ហៅ​ជន​សង្ស័យ​ចូល​ក្នុង​បន្ទប់​ឲ្យ​ស្រាត​ខោ​ពិនិត្យ រក ឃើញ​ថា​មាន​ឈាម​ប្រឡាក់​នឹង​ប្រដាប់​ភេទ​ជាមួយ​នឹង​ទឹក​កាម រីឯ​ក្មេង​រងគ្រោះ​ក្រោយ​ពី​ធ្វើ​កោសល្យ​វិច័យ​គ្រូ​ពេទ្យ​បញ្ជាក់​ថា​ប្រដាប់​ភេទ​មាន​ស្នាម​ដាច់​រយះ»។

លោកឲ្យដឹង​ដែរ​ថា ជន​សង្ស័យ អ៊ន់ សួស អាយុ​២២​ឆ្នាំ មាន​ទី​លំនៅ​ភូមិ​ខ្ចាបឹង​វែង ឃុំ​បារាយណ៍ ស្រុក​ស្រីសន្ធរ ខេត្ត​កំពង់ចាម មាន​ផ្ទះ​ចម្ងាយ​ពី​ផ្ទះ​ក្មេង​ស្រី​រងគ្រោះ​២០​ម៉ែត្រ​ប៉ុណ្ណោះ។

លោក រំឭក​ប្រាប់​ថា មុន​កើត​ហេតុ​ម៉ោង៧​យប់ ក្មេង​រង​គ្រោះ​បាន​រត់​លេង​ជាមួយ​នឹង​ក្មេង​ពីរបី​នាក់​ទៀត​នៅ​មុខ​ផ្ទះ​ជន សង្ស័យ​ពេល​នោះ​ជន​សង្ស័យ​បាន​បី​ក្មេង​រងគ្រោះ​ដើរ​ទៅ​ខាង​ក្រោយ​ផ្ទះ​សម្ងំ រំលោភ​នៅ​ក្បែរ​ពំនូក​ចំបើង​ឪពុក​ក្មេង​ដែល​បាត់​កូន បាន​ឆោឡោ​ឲ្យ​អ្នក​ភូមិ​ជួយ​ដើរ​រក។

លុះម៉ោង​ប្រមាណ​ជា១០​យប់​ទើប​អ្នក​ភូមិ​ឃើញ​ជន​សង្ស័យ​បី​ក្មេង​រងគ្រោះ​ដើរ​ចេញ​មក ហើយ​សមត្ថកិច្ច​ក៏​ឃាត់​ខ្លួន​តែ​ម្តង។

លោក បន្តថា ភ្លាម​នោះ​សមត្ថកិច្ច​និង​អ្នក​ភូមិ​បាន​នាំ​គ្នា​ពិនិត្យ​មើល​ក្មេង​ដោយ ឃើញ​មាន​ឈាម​ត្រង់​ប្រដាប់​ភេទ ក្បាល​ប្រឡាក់​ដីរី​ឯ​ជន​សង្ស័យ​ព្យាយាម​ប្រកែក​ថា​ខ្លួន​គ្រាន់​តែ​បាន ប្រលែង​លេង​តែ​ប៉ុណ្ណោះ ប៉ុន្តែ​ក្រោយ​ពី​សមត្ថកិច្ច​ហៅ​ចូល​បន្ទប់​ឲ្យ​ស្រាត​ខោ​ពិនិត្យ​ឃើញ មាន​ឈាម​និង​ទឹក​កាម​ប្រឡាក់​ខោ​ទើប​គេ​ឆ្លើយ​សារភាព។

ដោយឡែក​ក្មេងស្រី​រងគ្រោះ​ខាង​គ្រូពេទ្យ​ពិនិត្យ​ឃើញ​ថា​ពិត​ជា​បាន​ចាប់​រំលោភ រយះ​ប្រដាប់​ភេទ​មែន។ លោក​អធិការ​ឲ្យដឹង​ថា​ ឪពុក​ម្តាយ​ក្មេង​រងគ្រោះ​លែង​លះ​គ្នា គេ​រស់​នៅ​ជាមួយ​ឪពុក​ដែល​គ្មាន​សតិ​មិន​ល្អ ហើយ​ស្ថិត​ក្នុង​ភាព​ក្រីក្រ​ទៀត​ផង។

លោកប្រាប់ថា ក្មេង​រងគ្រោះ​ឥឡូវ​ប្រគល់​ឲ្យ​អង្គការ Sishaដែល​ធ្វើ​ការងារ​លើ​វិស័យ​ច្បាប់​នាំ​ទៅ​មណ្ឌល។ បុគ្គលិក​អង្គការ​លន់ ឈៀង​លាប បាន​ប្រាប់​ថា​នាង​បាន​នាំយក​ក្មេង​រង​គ្រោះ​ទៅ​ថែទាំ​សិន តែ​មិន​ហ៊ាន​ថា យក​ក្មេង​នេះ​ទៅ​ចិញ្ចឹម​ឬយ៉ាង​ណា​នោះ​នៅ​ឡើយ​ទេ។

ករណីរំលោភ​នេះ​ដែរ កាល​ពី​ថ្ងៃទី​២៨ មករា បុរស​ម្នាក់​នៅ​ភូមិ​តាងួន សង្កាត់​កាកាប ខណ្ឌ​ពោធិ៍សែន​ជ័យ ត្រូវ​សមត្ថកិច្ច​ឃាត់​ខ្លួន​បន្ទាប់​ពី​បាន​ប្រើ​ល្បិច​ឲ្យ​លុយ​ក្មេងៗ​២០០ រៀល​ម្នាក់​ដែល​លេង​ជាមួយ​ក្មេង​រងគ្រោះ​អាយុ​៦ឆ្នាំ ទិញ​នំស៊ី ហើយ​ខ្លួន​ក៏ចាប់​ក្មេង​ស្រី​រងគ្រោះ​ទៅ​បន្ទប់​រំលោភ។ រំលង​២-៣​ថ្ងៃ​ក្រោយ​ទើប​ឪពុក​ម្តាយ​ដឹង​ប្តឹង​ឲ្យ​ឃាត់​ខ្លួន៕

អត្ថបទគួរចាប់អារម្មណ៍