The Phnom Penh Post Search

Search form




Logo of Phnom Penh Post newspaper Phnom Penh Post - ជិះទូកទៅ​ទិញ​ពោត​លិច​ស្លាប់​២​នាក់​ជួយ​សង្គ្រោះ​បាន​៦នាក់




ជិះទូកទៅ​ទិញ​ពោត​លិច​ស្លាប់​២​នាក់​ជួយ​សង្គ្រោះ​បាន​៦នាក់

ជិះទូកទៅ​ទិញ​ពោត​លិច​ស្លាប់​២​នាក់​ជួយ​សង្គ្រោះ​បាន​៦នាក់

ភ្នំពេញៈ ២នាក់​ស្លាប់​បាត់​បង់​ជីវិត​និង​មិត្តភក្តិ​៦​នាក់​ទៀត​ត្រូវ​បាន សង្គ្រោះ​ទាន់​ពេល​វេលា​ក្នុង​ឧប្បត្តិ​ហេតុ​លិច​ទូក​នៅ​ទន្លេ​បាសាក់​ ខណៈ​ជិះ​ទូក​ឆ្លង​ទន្លេ​ទៅ​ទិញ​ពោត​មក​ស្ងោរ​ហូប កាល​ពីវេលា​ម៉ោង​១​និង​៤០​នាទី​រសៀល​ថ្ងៃទី​៣ កុម្ភៈ ២០១៣ ស្ថិតក្នុង​ភូមិ​ព្រែក​ធំ សង្កាត់​ក្បាល​កោះ ខណ្ឌ​មាន​ជ័យ។

លោក ហោ វេង​ណៃ ចៅសង្កាត់​ក្បាល​កោះ បាន​ឲ្យ​ដឹង​ថា ពួកគេ​ទាំង​៨​នាក់​បាន​នាំ​គ្នា​ជិះ​ទូក​ម៉ាស៊ីន​ក្នុង​បំណង ទៅដើរ​លេង​នៅ​ឯ​ចម្ការ​ពោត​ត្រើយ​ម្ខាង​លុះពេល​នាំ​គ្នា​ជិះ​ត្រឡប់ មក​វិញ ជិត​ដល់​ច្រាំង​ក៏​លិច​ចូល​ទៅ​ក្នុង​ទឹក​តែ​ម្តង​ធ្វើ​ឲ្យ​ជន​រងគ្រោះ​២ នាក់​លិច​បាត់​និង​៦នាក់​ទៀត​ត្រូវ​បាន​អ្នក​ទូក​ជួយ​សង្គ្រោះ​បាន។

លោក បាន​ឲ្យ​ដឹង​ថា ជន​រងគ្រោះ​ទាំង​២​នាក់​ដែល​ស្លាប់​នោះ ឈ្មោះ​ផាន់ រិទ្ធី​សិទ្ធ ភេទ​ប្រុស អាយុ​១៧​ឆ្នាំ បាន​រក​ឃើញ​សាកសព និង​ស្រី​ឈ្មោះ ភិម ស្រីណិត អាយុ​១៨​ឆ្នាំ ពុំ​ទាន់​រក​សាកសព​ឃើញ​ទេ អ្នក​ទាំង​២​មាន​ទី​លំនៅ​ភូមិ​ព្រែក​ធំ សង្កាត់​ក្បាល​កោះ ​ខណ្ឌ​មាន​ជ័យ។ មូល​ហេតុ​ដែល​បណ្តាល​ឲ្យ​កើត​ឧបទ្ទវ​ហេតុ​នេះ​គឺ​ពួកគេ​ទៅ​ទិញ​ពោត​យក​មក ស្ងោរ​ហូប។

លោក​បាន​គូស​បញ្ជាក់​ឲ្យ​ដឹង​បន្ថែម​ទៀត​ថា៖ «មូល​ហេតុ​ដែល​បណ្តាល​ឲ្យ​ទូក​គ្រលែង​ផ្អៀង​ធ្លាក់​ដោយសារ​តែ​ពួកគេ ប្រឡែង​គ្នា​ហើយ​ធ្លាក់​ជន​រងគ្រោះ​ចូល​ក្នុង​ទឹក​តែ​ម្តង ព្រោះ​ទឹក​ទន្លេ​ស្ងប់​គ្មាន​រលក​បន្តិច​ណាទេ»៕

អត្ថបទគួរចាប់អារម្មណ៍