The Phnom Penh Post Search

Search form




Logo of Phnom Penh Post newspaper Phnom Penh Post - ដាក់​ឃុំ​នៅ​ព្រៃស ករណី​រំលោភ​ហើយ​បង្ហោះ​រូប​តាម​ហ្វេស​បុក




ដាក់​ឃុំ​នៅ​ព្រៃស ករណី​រំលោភ​ហើយ​បង្ហោះ​រូប​តាម​ហ្វេស​បុក

ដាក់​ឃុំ​នៅ​ព្រៃស ករណី​រំលោភ​ហើយ​បង្ហោះ​រូប​តាម​ហ្វេស​បុក

ភ្នំពេញៈ ជន​សង្ស័យ​ដែល​រំលោភ​រាង​កាយ​មិត្ត​ស្រី​ហើយ​ថត​រូប​បង្ហោះ​តាម​ហ្វេក​បុក​និង​គំរាម​នាង​ធ្វើ​ជា​ទាសករ​ផ្លូវ​ភេទ​ត្រូវ​សាលា​ដំបូង​រាជធានី​ភ្នំពេញ​បញ្ជូន​ទៅ​ឃុំ​ខ្លួន​នៅ​ពន្ធនាគារ​ព្រៃស កាល​ពី​ល្ងាច​ថ្ងៃ​សុក្រ​ក្នុង​សប្តាហ៍​មុន បន្ទាប់​ពី​សមត្ថកិច្ច​នគរបាល​ធ្វើ​ការ​ចាប់​ខ្លួន​តាម​ដីកា​បង្គាប់​របស់​តុលាការ​បាន​តែ​ប៉ុន្មាន​ម៉ោង។

លោកស្រី ស៊ី វណ្ណី ព្រះរាជអាជ្ញារង​អម​សាលា​ដំបូង​ភ្នំពេញ ដែល​កាន់​សំណុំ​រឿង​នេះ​និង​បាន​ចេញ​ដីកា​បង្គាប់​ឲ្យ​នាំ​ខ្លួន​មក​តុលាការ​បាន​ប្រាប់​ឲ្យ​ដឹង​កាល​ពី​ម្សិល​មិញ​ថា ជន​សង្ស័យ​ដែល​រំលោភ​គំរាម​សម្លាប់​លើ​មិត្ត​ស្រី និង​បង្ហោះ​រូប​ភាព​អាសអាភាស​លើ​ហ្វេស​បុក ត្រូវ​សាលា​ដំបូង​រាជធានី​ភ្នំពេញ​បញ្ជូន​ទៅ​ឃុំ​នៅ​ពន្ធនាគារ​ព្រៃស​ហើយ កាល​ពី​ល្ងាច​ថ្ងៃ​ទី​១១ មករា បន្ទាប់​ពី​ជន​សង្ស័យ​បាន​ស្វះ​ស្វែង​រក​មេធាវី​ការពារ​ក្តី​រួច​មក។

លោកស្រីប្រាប់​ថា៖ «ខ្ញុំ​មិន​ដឹង​ថា ចៅក្រម​ស៊ើប​សួរ​ណា​មួយ​កាន់​សំណុំ​រឿង​បន្ត​ពី​ខ្ញុំ​ទេ ដែល​បាន​បញ្ជូន​ជន​សង្ស័យ​ទៅ​ពន្ធនាគារ​នោះ ប៉ុន្តែ​កាល​ពី​ក្នុង​ដីកា​បង្គាប់​ឲ្យ​នាំ​ខ្លួន​ជន​នេះ គឺ​ពាក់​ព័ន្ធ​នឹង​បទ​រំលោភ​គំរាម​សម្លាប់​និង​ចែក​ចាយ​រូប​ភាព​អាស​អាភាស​របស់​មិត្ត​ស្រី»។

ជន​សង្ស័យ​ករណី​នេះ​ឈ្មោះ ស៊ឹម តារា ត្រូវ​សមត្ថកិច្ច​នគរបាល​ចាប់​ខ្លួន កាល​ពី​ថ្ងៃ​សុក្រ នៅ​ផ្ទះ​លេខ​៤០៥ ផ្លូវលំ ភូមិ​បឹង​ឈូក សង្កាត់​ទឹក​ថ្លា ខណ្ឌ​សែន​សុខ និង​នាំ​មក​សាលា​ដំបូង​រាជធានី​ភ្នំពេញ នៅ​ពេល​ល្ងាច​ថ្ងៃ​ដដែល។

តាម​ពាក្យ​បណ្តឹង​ជន​រង​គ្រោះ ស៊ឹម តារា អាយុ​២៦​ឆ្នាំ ពី​អំឡុង​ដើម​ឆ្នាំ​២០១១ បាន​ស្គាល់​គ្នា​ជាមួយ​នារី​រង​គ្រោះ​ជា​អនីតិ​ជន តាម​រយៈ​បណ្តាញ​ទំនាក់​ទំនង​សង្គម​ហ្វេស​ប៊ុក​ហើយ​ក៏​មាន​ទំនាក់​ទំនង​ស្នេហា​និង​បាន​ណាត់​គ្នា​ដើរ​លេង​ជា​ញឹក​ញាប់។ នៅ​ពេល​ទៅ​ញ៉ាំ​អី​នៅ​ម្តុំ​សន្ធរ​ម៉ុក​ថ្ងៃ​នោះ ស៊ឹម តារា បាន​ឱ្យ​នារី​រង​គ្រោះ​ផឹក​ទឹក​ក្រូច​កូកា​កូឡា បន្ទាប់​មក​ក៏​បបួល​នាង​ជិះ​ម៉ូតូ ដើរ​លេង​បន្ត។ ជន​សង្ស័យ​ដឹង​ថា នាង​មាន​អារម្មណ៍​មិន​នឹង​នរ ក៏​បាន​ដឹក​នាង​ចូល​ផ្ទះ​សំណាក់​«សារិកា» ហើយ​ក៏​បាន​រំលោភ​នាង​នៅ​ទី​នោះ។ ក្រោយ​មក​ពេល​នាង​ដឹង​ខ្លួន ជន​សង្ស័យ​បាន​គំរាម​កុំ​ឱ្យ​ប្រាប់​រឿង​នេះ​ដល់​គេ​និង​ក្រុម​គ្រួសារ បើ​មិន​ដូច្នេះ​ទេ​គេ​នឹង​សម្លាប់​នាង ព្រម​ទាំង​ហែក​កេរ្ដិ៍ រឿង​រំលោភ​នេះ ​និង​បញ្ចេញ​រូប​ភាព​ដេក​ជាមួយ​គ្នា​ជា​សាធារណៈ​ព្រម​ទាំង​បាន​បង្ហាញ​កាំភ្លើង​ជា​ការ​គំរាម​ផង​មុន​នឹង​ជូន​នាង​វិល​ត្រឡប់​មក​ផ្ទះ​វិញ។

ក្រោយ​មក​ដោយ​សារ​តែ​នារី​រង​គ្រោះ​សុំ​ឲ្យ​ឈប់​ទាក់​ទង​គ្នា ឈ្មោះ ស៊ឹម តារា បាន​គំរាម​បង្ខំ​នាង​ជា​ច្រើន​ដង​និង​គំរាម​បង្ហោះ រូប​ភាព​ដេក​រួម​រ័ក​គ្នា និង​ហែក​កេរ្ដិ៍​រឿង​នេះ​ឲ្យ​គ្រួសារ និង​គូដណ្តឹង​នាង​ផង។ ដោយសារ​តែ​នាង​បដិសេធ​ចុង​ក្រោយ នៅ​ថ្ងៃ​ទី៣ ខែ​វិច្ឆិកា ឆ្នាំ​២០១១ ស្រាប់​តែ​នៅ​ថ្ងៃ​ទី២១ ខែ​តុលា ឆ្នាំ​២០១២ ជន​នេះ​ក៏​បង្ហោះ​រូប​មិន​គួរ​គប្បី​រវាង​ពួកគេ​ទាំង​២នាក់ និង​បញ្ជូន​រូប​ភាព​ទាំង​នោះ​ទៅ​គូ​ដណ្ដឹង និង​គ្រួសារ​ថែម​ទៀត ហើយ​ដោយ​សារ​តែ​ទង្វើ​នេះ ជន រង​គ្រោះ​នាង​ក៏​សម្រេច​ចិត្ដ​រក​មេធាវី​ដាក់​ពាក្យ​បណ្ដឹង​មក​កាន់​សាលា​ដំបូង​រាជធានី​ភ្នំពេញ។

ជន​ជាប់​ចោទ មេធាវី​ការពារ និង​ក្រុម​គ្រួសារ​មិន​អាច​ទាក់​ទង​រក​ការ​បញ្ជាក់​បាន​ទេ​កាល​ពី​ថ្ងៃ​អាទិត្យ៕

អត្ថបទគួរចាប់អារម្មណ៍