The Phnom Penh Post Search

Search form




Logo of Phnom Penh Post newspaper Phnom Penh Post - ដាក់​សព​ទារិកា​ក្នុង​វ៉ា​លិស ប្លុង​ចោល​នៅ​ម្តុំ​ព្រែក​ឯង




ដាក់​សព​ទារិកា​ក្នុង​វ៉ា​លិស ប្លុង​ចោល​នៅ​ម្តុំ​ព្រែក​ឯង

ដាក់​សព​ទារិកា​ក្នុង​វ៉ា​លិស ប្លុង​ចោល​នៅ​ម្តុំ​ព្រែក​ឯង

ភ្នំពេញៈសព​ទារិកា​នៅ​មិន​ទាន់​ជ្រុះ​ទង​សុក​ម្នាក់ ត្រូវ​គេ​ញាត់​ចូល​ក្នុង​វ៉ាលិស​យក​ទៅ​ប្លុង​ចោល​តាម​ផ្លូវ​លំ​មួយ​នៅ​ក្នុង​ភូមិ ម្តុំ​ព្រែក​ឯង ក្នុង​ខណ្ឌ​មាន​ជ័យ។

សមត្ថកិច្ច​នគរបាល​ខណ្ឌ​មាន​ជ័យ មិន​ទាន់​អាច​បញ្ជាក់​បាន​ពី​អត្តសញ្ញាណ​ថា ទារិកា​នេះ​ត្រូវ​គេ​យក​ពី​ទី​ណា​មក​ទេ គឺ​គ្រាន់​តែ​សន្និដ្ឋាន​ថា សព​នោះ​ត្រូវ​គេ​ប្លុង​ចោល​នៅ​ចន្លោះ​ម៉ោង​១១-១២ ថ្ងៃ​ត្រង់​ថ្ងៃ​ទី៦ មករា។

លោក ស៊ុម មុន្នី ប្រធាន​នគរបាល​បច្ចេក​ទេស​ខណ្ឌ​មាន​ជ័យ​បាន​ឲ្យ​ដឹង​ថា សព​ទារិកា​នេះ​ត្រូវ​គេ​យក​ទៅ​ប្លុង​ចោល​នៅ​តាម​ផ្លូវ​លំ​មួយ​ក្នុង​ភូមិ​មិត្ត​ភាព សង្កាត់​ព្រែក​ឯង ខណ្ឌ​មាន​ជ័យ ដោយ​ញាត់​សព​ចូល​ក្នុង​វ៉ាលិស។

លោកថា ពេល​ធ្វើ​កោសល្យ​វិច័យ​សព ឃើញ​មាន​ទង​សុក​នៅ​ជាប់​ប្រឡាក់​ឈាម​ផង ហើយ​ខ្លួន​ប្រាណ​មាន​សភាព​ខ្មៅ គឺ​ទំនង​ជា​ត្រូវ​កម្តៅ​ថ្ងៃ​និង​ហប់។

លោក​ថ្លែង​ថា៖​«សព​ទារិកា​នេះ​មិន​ដឹង​ប្រាកដ​ថា ម្តាយ​ឬ​ក៏​អ្នក​ណា​យក​ទៅ​ប្លុង​ចោល ក្រោយ​ពី​ស្លាប់ ឬ​ក៏​ប្លុង​ចោល​ទាំង​រស់​នោះ​ទេ។ ប៉ុន្តែ បើ​តាម​ការ​ពិនិត្យ​សាក​សព​គេ​សង្ស័យ​ថា អាច​ត្រូវ​គេ​ប្លុង​ចោល​ក្រោយ​ពេល​ស្លាប់ ព្រោះ​មាន​ធំក្លិន​និង​មាន​ស្រមោច​រោម​ផង។ ខ្ញុំ​សួរ​អ្នក​ភូមិ​ក្បែរ​នោះ​ថា​មាន​អ្នក​ណា​ឈឺ​ពោះ​ឆ្លង​ទន្លេ​ទេ តែ​អ្នក​ភូមិ​អះ​អាង​ថា គ្មាន​ទេ»។

ចៅសង្កាត់​ព្រែក​ឯង​លោក​នេត សារ៉ែន ដែល​ទទួល​សាក​សព​ថា សព​ទារិកា​នោះ​បាន​ប្រគល់​ទៅ​ឲ្យ​គណៈ​កម្មការ​វត្ត​ព្រែក​ឯង ហើយ តា​អាចារ្យ​បាន​បូជា​ហើយ៕

អត្ថបទគួរចាប់អារម្មណ៍