The Phnom Penh Post Search

Search form




Logo of Phnom Penh Post newspaper Phnom Penh Post - ដាច់​ខ្សែ​រ៉ត​ជណ្តើរ​យោង​ច្នៃ​របួស​កម្មករ​ខ្វៃ​ជ្រូក​៥​នាក់




ដាច់​ខ្សែ​រ៉ត​ជណ្តើរ​យោង​ច្នៃ​របួស​កម្មករ​ខ្វៃ​ជ្រូក​៥​នាក់

ដាច់​ខ្សែ​រ៉ត​ជណ្តើរ​យោង​ច្នៃ​របួស​កម្មករ​ខ្វៃ​ជ្រូក​៥​នាក់

ភ្នំពេញៈ បុរស​ជា​កម្មករ​ខ្វៃ​ជ្រូក​៥​នាក់​បាន​រង​របួស​បាក់​ជើង ខ្លះ​បាក់​ឆ្អឹង​ខ្នង ដោយសារ​តែ​ដាច់​ខ្សែ​រ៉ត​យោង​ទ្រុង​ដែក​ច្នៃ​សម្រាប់​ឡើង​ចុះ​ផ្ទះ ពី​ជាន់​ទី​៥​មក ពេល​នាំ​គ្នា​ជញ្ជូន​ជ្រូក​យក​ទៅ​ខ្វៃ កាល​ពី​ព្រលប់​ថ្ងៃ​អង្គារ។

ថៅកែស្រី ចក់ ដារី អាយុ​៤៦​ឆ្នាំ​ជា​អ្នក​គ្រប់​គ្រង​ហាង​ជ្រូក​ខ្វៃ​នោះ បាន​ប្រាប់​ឲ្យ​ដឹង​កាល​ពី​ម្សិល​មិញ​ថា ជណ្តើរ​យោង​នោះ​ជា​ប្រភេទ​ទ្រុង​ដែក​ច្នៃ គឺ​គាត់​ធ្វើ​សម្រាប់​យោង​ជ្រូក​មាន់​ទា យក​ទៅ​ខ្វៃ​និង​ពេល​ខ្លះ​កម្មករ​គាត់​ក៏​ជិះ​ឡើង​ចុះ​ជាមួយ​ដែរ។ ប៉ុន្តែ ថ្ងៃ​កើត​ហេតុ​នោះ កម្មករ​នាំ​គ្នា​ជិះ​ដល់​ទៅ​៥​នាក់ ហើយ​ពួក​គេ​បញ្ជា​ឲ្យ​ក្មេង​ចុច​ចុះ​ចុច​ឡើង​បណ្តាល​ឲ្យ​ដាច់​ខ្សែ​រ៉ត​ធ្លាក់​របួស​ទាំង​៥​នាក់ និង​ងាប់​ជ្រូក​មួយ​ចំនួន​ផង។ អ្នក​ស្រី ដារី ថា៖ «កម្មករ​ខ្លះ​របួស​ដៃ ខ្លះ​របួស​ជើង ខ្ញុំ​បាន​បញ្ជូន​ពួកគេ​ទៅ​ព្យាបាល​នៅ​គ្លីនិក​គឹម​សុង នៅ​សង្កាត់​ផ្សារ​ដេប៉ូ២ និង​ខ្លះ​ទៅ​មន្ទីរ​ពេទ្យ​កាល់​ម៉ែត»។

លោក ប៊ុន សុខសារ៉ាវុន នាយ​នគរបាល​ប៉ុស្តិ៍​ទឹក​ល្អក់១ បាន​ប្រាប់​ថា គ្រោះ​ថ្នាក់​ដាច់​ខ្សែ​រ៉ត​ជណ្តើរ​យន្ត​ច្នៃ​នៅ​ផ្ទះ​លក់​ជ្រូក​ខ្វៃ​យី​ហោ ហេង ប៉ោ នៅ​ផ្លូវ​១៣៨ នោះ​អ្នក​របួស​ទាំង​៥​នាក់ ដាច់​ខ្សែ​រ៉ត​ធ្លាក់​ពី​ជាន់​ទី​៣​មក ព្រោះ​តែ​នាំ​គ្នា​ឡើង​ជិះ​លើស​ទម្ងន់។ លោក​ថា កម្មករ​របួស​មាន​ឈ្មោះ ចិត្រ អាយុ​២៥​ឆ្នាំ បាក់​ជើង​ស្តាំ សន ម៉ុញ អាយុ​២៥​ឆ្នាំ របួស​មុខ​និង​ខ្លួន កង ប៊ុន​សារុំ អាយុ​៣៥​ឆ្នាំ បាក់​ជើង​ស្តាំ​សន សុផល អាយុ ២៧​ឆ្នាំ រង​របួស​បាក់​ឆ្អឹង​ខ្នង និង អ៊ី ប៉ឹង អាយុ​៣៨​ឆ្នាំ រង​របួស​បាក់​ឆ្អឹង​ខ្នង​ដូច​គ្នា។ អ្នក​ទាំង​៥ មាន​ស្រុក​កំណើត​នៅ​ភូមិ​រវៀង ឃុំ​ប្រាំ​បីមុំ ស្រុក​ទ្រាំង ខេត្ត​តាកែវ។

លោកស ម៉ូរ៉ា ប្រធាន​សហជីព​ចំណី​អាហារ​និង​សេវាកម្ម​កម្ពុជា​យល់​ថា កត្តា​គ្រោះ​ថ្នាក់​បែប​នេះ​ពាក់​ព័ន្ធ​នឹង​ច្បាប់​ការ​ងារ ដែល​ខាង​ក្រុម​ហ៊ុន​និង​សហ​គ្រាស​ត្រូវ​តែ​ទទួល​ខុស​ត្រូវ ទាំង​ស្រុង ទៅ​លើ​ការ​គ្រោះ​ថ្នាក់​របស់​កម្មករ​និង​រៀប​ចំ​បុណ្យ​សព​ផង៕

អត្ថបទគួរចាប់អារម្មណ៍

  • ស្ដង់ដា​គណនេយ្យ ជា​ធាតុ​ផ្សំ​ដ៏សំខាន់​មួយ​ក្នុង​ក្របខ័ណ្ឌ​គណនេយ្យ និង​ការរាយការណ៍​ហិរញ្ញវត្ថុ ព្រមទាំង​ជួយ​សម្រួល​ដល់​ក្រុមហ៊ុន​/​សហគ្រាស និង​ថ្នាក់ដឹកនាំ​របស់​ក្រុមហ៊ុន ដើម្បី​កំណត់​ឱ្យ​បាន​ច្បាស់លាស់​ពី​ស្តង់ដា​ដែល​ក្រុមហ៊ុន​បាន​ប្រើប្រាស់​សម្រាប់​ការរៀបចំ​របាយការណ៍​ហិរញ្ញវត្ថុ​។

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។