The Phnom Penh Post Search

Search form

Logo of Phnom Penh Post newspaper Phnom Penh Post - តុលាការ​កំពូល​កាត់​ទោស​រឿង​ថៅកែ​ឡ​បន្លំ​យក​ដី​រដ្ឋ​១០០​ហិកតា




តុលាការ​កំពូល​កាត់​ទោស​រឿង​ថៅកែ​ឡ​បន្លំ​យក​ដី​រដ្ឋ​១០០​ហិកតា

តុលាការ​កំពូល​កាត់​ទោស​រឿង​ថៅកែ​ឡ​បន្លំ​យក​ដី​រដ្ឋ​១០០​ហិកតា

ភ្នំពេញៈ តុលាការ​កំពូល​បាន​ដំណើរ​ការ​ជំនុំ​ជម្រះ​សំណុំ​រឿង​កាប់​បំផ្លាញ​ព្រៃឈើ និង​ដាំ​ដើម​អាកាស្យា​ជាង​១០០​ហិកតា លើដី​អភិរក្ស​ព្រៃឈើ កាល​ពី​ម្សិល​មិញ​លើ​បណ្តឹង​សារទុក្ខ​របស់​រដ្ឋបាល​ព្រៃឈើ ប្រឆាំង​នឹង​សាលក្រម​សាលា​ដំបូង​ដែល​កាត់​កំបាំង​មុខ​ឲ្យ​ម្ចាស់ សិប្បកម្ម​ឡឥដ្ឋ​នេះ​ជាប់​ពន្ធនាគារ​តែ​៥ ឆ្នាំ។

លោក ឃឹម ប៉ុណ្ណ អនុ​ប្រធាន​តុលាការ​កំពូល​បាន​ហៅ​តំណាង​ដើម​ចោទ​រៀប​រាប់​ថា​រឿង​រ៉ាវ តាំងពី​ឆ្នាំ២​០០៤។ ដើម​ឡើយ​ម្ចាស់​ឡឥដ្ឋ​សុខ​ហុង​ដែល​នៅ​ក្បែរ​នោះ​បាន​ប្រមូល​ទិញ​ដី​ពី ​ប្រជា​ពលរដ្ឋ​បាន​តែ៦​ឈ្មោះទេ តែ​ក្រោយ​មក​ក៏​មាន​ប្លង់​ចេញ​ពី​សុរិយោ​ដី​ខេត្ត​ដល់​៩៥​ប្លង់ គ្រប​ដណ្តប់​ដី​ព្រៃឈើ​ស្ទើរ​ទាំង​អស់។

លោក ហេង ស៊ានហុង នាយ​រង​ខណ្ឌរ​ដ្ឋបាល​ព្រៃឈើ​ខេត្ត​បន្ត​ថា មន្ត្រី​លោក​បាន​ហាម​ឃាត់​ជាច្រើន​ដង​ហើយ តែ​ម្ចាស់​ឡឥដ្ឋ​នៅ​តែ​បង្កើន​ការ​ដាំ​ដើម​អាកាស្យា​ទៀត ទើប​មន្រ្តី​អភិរក្ស​ចាប់​កម្មករ​កាប់​ព្រៃ​៥​នាក់​ប្តឹង​មក​សាលា​ដំបូង​ខេត្ត​ក្នុង​ឆ្នាំ​២០០៤។

លោកថា ករណី​នេះ​ទីស្តី​ការ​គណៈ​រដ្ឋ​មន្រ្តី​បាន​ចេញ​ស.ជ.ណ​ឆ្នាំ​២០០៤ បង្គាប់​ឲ្យ​ព្យួរ​ប័ណ្ណ​ទាំង​៩៥​បណ្តោះ​អាសន្ន​ហើយ​ក៏​បាន​រក​ឃើញ​ថា ការ​កាន់​កាប់​ប្លង់​ដីខុស​ពី​ចំនួន​ពិត រួច​ហើយ​សាលា​ដំបូង​ខេត្ត​បាន​កាត់​ទោស​ឲ្យ​ម្ចាស់​សិប្បកម្ម​ជាប់ ពន្ធនាគារ​៥ឆ្នាំ តែ​ជន​នេះ​​បាន​រត់​គេច​ខ្លួន​ដល់​សព្វថ្ងៃ ហើយ​ឲ្យ​មេធាវី​ប្តឹង​ឡើង​ឧទ្ធរណ៍។ សាលា​ឧទ្ធរណ៍​បាន​សម្រេច​តម្កល់​សាល​ក្រម​សាលា​ដំបូង​ខេត្ត​កោះកុង ប៉ុន្តែ ខាង​លោក​មិន​សុខ​ចិត្ត ​ក៏​ប្តឹង​សារទុក្ខ​មក​តុលាការ​កំពូល​ទៀត សុំ​ឲ្យ​តុលាការ​កំពូល​ចេញ​ដីកា​រក្សា​ការពារ​ដើម្បី​អភិរក្ស​ព្រៃ​ឈើ​ទាំង​ជាង ១០០​ហិកតា​នោះ​ទុក​ជា​ជម្រក​សត្វព្រៃ។ សំណុំ​រឿង​ចៅក្រម​តុលាការ​កំពូល​លើក​យក​ទៅ​ប្រកាស​សាល​ដីកា​នៅ​ថ្ងៃទី៣​ខែ​មេសា ខាង​មុខ៕

អត្ថបទគួរចាប់អារម្មណ៍