The Phnom Penh Post Search

Search form




Logo of Phnom Penh Post newspaper Phnom Penh Post - តៃកុង​និង​ព្រូ​ឡាន​ជាប់​ចោទ​វាយ​យោ​ធិន​ម្នាក់​ស្លាប់​ក្នុង​គ្រោះ​ថ្នាក់​ចរាចរណ៍




តៃកុង​និង​ព្រូ​ឡាន​ជាប់​ចោទ​វាយ​យោ​ធិន​ម្នាក់​ស្លាប់​ក្នុង​គ្រោះ​ថ្នាក់​ចរាចរណ៍

តៃកុង​និង​ព្រូ​ឡាន​ជាប់​ចោទ​វាយ​យោ​ធិន​ម្នាក់​ស្លាប់​ក្នុង​គ្រោះ​ថ្នាក់​ចរាចរណ៍

បាត់ដំបងៈ ជន​សង្ស័យ​ជា​តៃកុង​និង​ព្រូ​ឡាន​ដែល​សង្ស័យ​វាយ​សម្លាប់​ជន​រង​គ្រោះ​ជា​យោធា​ក្នុង​ជម្លោះ​គ្រោះ​ថ្នាក់​ចរាចរណ៍​នៅ​ស្រុក​បាណន់ ខេត្ត​បាត់​ដំបង​កាល​ពី​ថ្ងៃ​ចន្ទ ត្រូវ​នគរបាល​ខេត្ត​បញ្ជូន​ខ្លួន​ទៅ​តុលាការ​ម្សិល​មិញ។

លោក ជេត វណ្ណី ស្នងការ​រង​នគរបាល​ខេត្ត​បាន​ឲ្យ​ដឹង​ថា ជន​សង្ស័យ​ជា​តៃកុង​ឡាន​ដឹក​ទឹក​កក​ដែល​វាយ​មនុស្ស​ស្លាប់​ក្នុង​គ្រោះ​ចរាចរណ៍​នោះ សមត្ថកិច្ច​បាន​បញ្ចប់​ការ​សាក​សួរ​ហើយ ពេល​គេ​សារភាព​ពី​ការ​សម្លាប់​នោះ។

លោកថា៖​«ជន​សង្ស័យ​បាន​បញ្ជូន​ទៅ​តុលាការ​កាល​ពី​រសៀល​ថ្ងៃ​អង្គារ ក្រោម​ការ​ចោទ​ពី​បទ​ឃាតកម្ម»។ ជន​សង្ស័យ​ជា​អ្នក​បើក​ឡាន​ទឹក​កក​យីហោ​សេះ​ហោះ​មាន​ជ័យ B201​ឈ្មោះ កុច កាយ ប្រុស អាយុ​១៨​ឆ្នាំ រស់​នៅ​ស្រុក​ព្រះ​នេត្រ​ព្រះ​ខេត្ត​បន្ទាយ​មាន​ជ័យ​និង​លឹម តិក អាយុ​១៧​ឆ្នាំ ព្រូ​ជា​អ្នក​លាយ​ទឹក​កក រស់​នៅ​ស្រុក​បរិបូណ៌ ខេត្ត​កំពង់​ឆ្នាំង។

លោក​ឲ្យ​ដឹង​ថា ជន​រង​គ្រោះ​មាន សុខ អាយុ​៤៩​ឆ្នាំ​ជិះ​ម៉ូតូ​ម៉ាក​វ៉េវ​ពាក់​ស្លាក កង​ការពារ​ព្រំ​ដែន​៥០៣ ជា​យោធា​វរសេនា​តូច​៥១៥ កង​ពល​តូច​លេខ​៥១ ប្រចាំ​ការ​នៅ​បឹង​ត្រកួន ត្រូវ​អង្គភាព​បញ្ជូន​មក​រៀន​នៅ​សាលា​ពលទា​ហាន​ខេត្ត​ត្រូវ​ជន​សង្ស័យ​ប្រើ​ដែក​សរសៃ​វាយ​លើ​គុម្ព​ត្រចៀក ធ្លាយ​ខួរ​ស្លាប់ នៅ​ក្នុង​ទឹក​ប្រឡាយ។

លោក ប៊ុត សំបូរ អធិការ​ស្រុក​បាណន់​រំឭក​ថា ឡាន​ដឹក​ទឹក​កក​និង​ម៉ូតូ​បើក​បញ្ច្រាស​ទិស​គ្នា ប៉ះ​គ្នា​កាល​ពី​ថ្ងៃ​ទី​១០​ធ្នូ នៅ​ស្រុក​បាណន់​រឿង​បើក​ភ្លើង​ហ្វា​ជះ​ទៅ​លើ​អ្នក​បើក​ម៉ូតូ ក៏​កើត​ជម្លោះ​ដេញ​វាយ​គ្នា​ទៅ​វិញ​ទៅ​មក​រហូត​ម្ចាស់​ម៉ូតូ​ដេក​ដួល ឯ​អ្នក​បើក​ឡាន​​ក៏​បើក​គេច​ទៅ។ បន្ទាប់​ពី​ប្រពន្ធ​ជន​រង​គ្រោះ​បាន​ដឹង ក៏​មក​ប្តឹង​ប៉ូលិស​ចុះ​អន្តរាគមន៍​ភ្លាមៗ៕

អត្ថបទគួរចាប់អារម្មណ៍