The Phnom Penh Post Search

Search form

Logo of Phnom Penh Post newspaper Phnom Penh Post - ថៅកែខោអាវ​កូរ៉េ​ម្នាក់​ឃើញ​ចងក​ស្លាប់




ថៅកែខោអាវ​កូរ៉េ​ម្នាក់​ឃើញ​ចងក​ស្លាប់

ថៅកែខោអាវ​កូរ៉េ​ម្នាក់​ឃើញ​ចងក​ស្លាប់

130328_09b
សាកសពបុរសជាថៅកែខោអាវជាតិកូរ៉េ ស្រាយទម្លាក់ចុះពីធ្នឹមផ្ទះ សហការី

ភ្នំពេញៈ បុរស​ជន​ជាតិ​កូរ៉េ​ម្នាក់​ត្រូវ​ប្រពន្ធ​ខ្មែរ​ប្រទះ​ឃើញ​ចង​ក​ស្លាប់​នឹង​ក្រមា​នៅ​បន្ទប់​ជាន់​ក្រោម​ដី នៅ​ក្នុង​ហាង​លក់​ខោអាវ​របស់​ខ្លួន កាល​ពីថ្ងៃ​ទី២៧​មីនា ដោយ​ប្រពន្ធ​អះអាង​ថា មក​ពី​គាត់​ជំពាក់​បំណុល​គេ​ច្រើន​ពេក។

លោក គឹម លីដូ នាយ​នគរបាល​ប៉ុស្តិ៍​បឹង​សាឡាង​ឲ្យ​ដឹង​ថា ​បុរស​កូរ៉​ស្លាប់​មាន​ឈ្មោះ JUHG JINHAK អាយុ​៥៧​ឆ្នាំ​មាន​ប្រពន្ធ​ខ្មែរ​ឈ្មោះ លី ណា អាយុ​៣៨​ឆ្នាំ ផ្ទះ​នៅ​ផ្លូវ​២៧១ សង្កាត់​បឹង​សាឡាង​ខណ្ឌ​ទួល​គោក។ លោកបន្ត​ថា៖​«សមត្ថកិច្ច​កំពុង​ស៊ើប​រក​មូល​ហេតុ តែ​ប្រពន្ធ​ជន​រងគ្រោះ​ប្រាប់​សមត្ថកិច្ច​ថា ប្តី​នាង​តប់​ប្រមល់​រឿង​ជំពាក់​លុយ​គេ​ច្រើន»។

តាមសម្តី​ប្រពន្ធ​ជនរង​គ្រោះ នាង​ប្រទះ​ឃើញ​សព​ប្តី​ពេល​ចុះ​ទៅ​បន្ទប់​ក្រោម​ដី​រក​មើល​ខោអាវ ក៏​ឃើញ​ប្តី​ចង​ក​ភ្ជាប់​នឹង​ផ្នឹម​បន្ទប់ ស្លាប់​បាត់​ទៅ​ហើយ។

នាងលី ណា ប្រាប់​សមត្ថកិច្ច​ថា ប្តី​គាត់​ជា​ថៅ​កែទ​ទួល​ទិញ​លក់​ខោអាវ​បោះ​ដុំ​និង​រាយ​ ហើយ​ក៏​ទទួល​ទិញ​ពី​រោងចក្រ​នៅ​ក្នុង​ស្រុក​ខ្មែរ​និង​ពី​ប្រទេស​កូរ៉េ​ដែរ តែ​មិន​ដឹង​ថា ការ​ទិញ​លក់​នោះ​ពាក់​ព័ន្ធ​នឹង​លុយ​កាក់​បែប​ម៉េច​ទេ តែ​ប្តី​ធ្លាប់​ប្រាប់​ថា​ជំពាក់​លុយ​គេ​ច្រើន គាត់​ពិបាក​ចិត្ត តែ​មិន​ឲ្យ​គាត់​ជួយ​ដោះស្រាយ​ទេ។

មន្រ្តីសន្តិសុខម្នាក់​ឲ្យ​ដឹងថា ក្រោយ​ហេតុ​ការណ៍​គេ​ឃើញ​មាន​ខាង​ស្ថាន​ទូត​កូរ៉េចុះ​ទៅ​ពិនិត្យ​មើល​សព ដោយ​មាន​នគរបាល​ជំនាញ​ចុះ​ធ្វើ​កោសលវិច័យ ផង ​តែ​មិន​មាន​ប្រាប់​ថា​ម៉េច​ទេ៕

អត្ថបទគួរចាប់អារម្មណ៍