The Phnom Penh Post Search

Search form




Logo of Phnom Penh Post newspaper Phnom Penh Post - ទៅ​លែប​ខាយ​អតីត​ប្រពន្ធ​ឆ្កួត​ជ្រូក​ ត្រូវ​នឹង​បុ័ងតោ​ដេក​ពេទ្យ




ទៅ​លែប​ខាយ​អតីត​ប្រពន្ធ​ឆ្កួត​ជ្រូក​ ត្រូវ​នឹង​បុ័ងតោ​ដេក​ពេទ្យ

ទៅ​លែប​ខាយ​អតីត​ប្រពន្ធ​ឆ្កួត​ជ្រូក​ ត្រូវ​នឹង​បុ័ងតោ​ដេក​ពេទ្យ

ស្វាយរៀងៈ ស្រ្តី​ដៃ​ដល់​ដែល​កាប់​អតីត​ស្វាមី​នឹង​កាំបិត​ប៉័ង​តោ​ដាច់ ម្រាម​ដៃ​និង​ក្បាល ក្នុង​ជម្លោះ​ព្រោះ​ស្រដី​ឌឺដង​គ្នា​ កាល​ពី​ថ្ងៃ​ទី​១៨​កុម្ភៈ​ នៅ​សង្កាត់-ក្រុង ស្វាយរៀង​នោះ ក្រុម​ញាតិ​នៃ​ភាគី​ទាំង​ពីរ​គិត​សម្រួល​បង់​លុយ​២​លាន​រៀល​បញ្ចប់​ រឿង ​ខណៈ​ស្រ្តី​ដៃ​ដល់ ត្រូវ​បញ្ជូន​ទៅ​ស្នងការ​ខេត្ត។

លោក ប្រាក់ ជុត អធិការ​រង​នគរបាល​ក្រុង​ស្វាយរៀង​ពី​ម្សិលមិញ​ប្រាប់​ថា​ អាជ្ញាធរ​ស្រុក​បាន កសាង​សំណុំ​រឿង​បញ្ជូន​ទៅ​ស្នងការដ្ឋាន​នគរបាល​ខេត្ត​ កាល​ពី​ថ្ងៃ​ត្រង់​ម្សិលមិញ ខណៈ​សាច់​ញាតិ​ខាង​ស្រ្តី​ដៃ​ដល់​មាន​បំណង​ដោះស្រាយ​បញ្ចប់​រឿង​ដែរ​ តែ​ពួក​គេ​អត់​មាន​លុយ​ដោះស្រាយ។

លោក​ប្រាប់​ថា​៖​ «សាច់​ញាតិ​ស្រ្តី​បង្ក​មក​សុំ​ផ្តល់​សំណង​លុយ​កាក់​ ឲ្យ​ខាង​ជន​រងគ្រោះ​ តែ​ខ្ញុំ​មិន​ដឹង​ថា សង​ប៉ុន្មាន​ទេ​ ព្រោះ​ខាង​ស្រ្តី​ដៃ​ដល់​ក្រីក្រ ហើយ​ខ្ញុំ​ក៏​មិន​អាច​ទុក​បាន​ដែរ ព្រោះ​ខ្ញុំ​ធ្វើ​ទៅ​តាម​ច្បាប់ និង​ចោទ​ពី​បទ​ហិង្សា​ឯកពន្ធ​មាន​ស្ថាន​ទម្ងន់​ទោស»។

លោក សេង សំអុល នាយ​នគរបាល​ប៉ុស្តិ៍​សង្ឃ័រ​បាន​ប្រាប់​ថា​ ស្រ្តី​ជា​ជន​ដៃ​ដល់​ត្រូវ​នគរបាល​ឃុំ​ខ្លួន​បណ្តោះ​អាសន្ន នៅ​អធិការ​ដ្ឋាន​នគរ​បាល​ក្រុង​មុន​នឹង​បញ្ជូន​ទៅ​ស្នង​ការ​ខេត្ត​កាលពី ម្សិលមិញ។​

លោក​ប្រាប់​ថា​៖​«ស្រ្តី​ដៃ​ដល់​ជា​មនុស្ស​ឆ្កួត​ជ្រូក ​ព្រោះ​ខ្ញុំ​ទៅ​កន្លែង​ព្រហ្មទណ្ឌ​ស្រុក​​បាន​ឃើញ​សំបុត្រ ពេទ្យ​មាន​បញ្ជាក់​ច្បាស់​។ ​ខ្ញុំ​មិន​ដឹង​ថា ​សមត្ថកិច្ច​នឹង​ចាត់​ការ​បែប​ណា​ទេ ករណី​នេះ​»។

តាម​សម្តី​អ្នក​ភូមិ​រំឭក​ថា មុន​កើត​ហេតុ​ទាំង​ស្រ្តី​ដៃ​ដល់​ឈ្មោះពុធ ស៊ីម៉ៅ​ អាយុ​២៦​ឆ្នាំ​និង​អតីត​ស្វាមី​ឈ្មោះ ​អៀង ទូច ​អាយុ​២៧​ឆ្នាំ​ បាន​អង្គុយ​ជុំ​គ្នា​លេង​ និង​មាន​ផឹក​ស្រា​ស​ផង។ ខណៈ​នោះ​អៀងទូច និយាយ​លែប​ខាយ​សរសើរ​អតីត​ប្រពន្ធ​ថា ស្អាត ហើយ​ថា​ការ​ផឹក​ស៊ី​នេះ​ជា​នាទី​ចុង​ក្រោយ​ឮ​ដូច​នេះ ស៊ីម៉ៅ ក៏​លើក​កាំបិត​ជន្ល​លេង​ ឯ​ជន​រង​គ្រោះ​ថា«បើ​អូន​ឯង​ចិត្ត​ដាច់​កាប់​បង​ទៅ!» នាង​ក៏​កាប់​ប្រាវ​តែ​ម្តង​ទៅ។​

លោក បញ្ជាក់​ថា​៖ «ស្រ្តី​ដៃ​ដល់​ជា​មនុស្ស​ឆ្កួតជ្រូក ​ព្រោះ​នាង​មាន​សំបុត្រ​ពេទ្យ តែ​នាង​កាប់​ជន​រងគ្រោះ​ត្រូវ​ដាច់​ម្រាម​ដៃ​មួយ រយះ ដៃ​និង​ក្បាល​ របួស​ធ្ងន់​ត្រូវ​បញ្ជូន​ទៅ​សង្គ្រោះ​នៅ​មន្ទីរ​ពេទ្យ​ខេត្ត​ស្វាយរៀង»។

លោក នាយប៉ុស្តិ៍​ប្រាប់​ថា ប្តី​ប្រពន្ធ​មួយ​គូ​មាន​កូន​ម្នាក់ ​និង​បាន​លែង​លះ​គ្នា​ជាង​៣​ឆ្នាំ​ហើយ​​​ឯ​ប្តី​នោះ​ក៏​មាន​ប្រពន្ធ​ទៀត​ ដែរ តែ​នៅ​ថ្ងៃ​កើត​ហេតុ​គេ​បាន​មក​លេង​ប្រពន្ធ តែ​ចៃដន្យ​ក៏​កើត​ហេតុ​បែប​នេះ​ តាម​សម្តី​អ្នក​ជិត​ខាង​ថា​ ស្រ្តី​ដៃ​ដល់​ មុន​កាប់​ប្តី​នាង​គឺ​ទើប​តែ​ងើប​ពី​ប្រកាច់​ដែរ​ទេ។

លោក មេប៉ុស្តិ៍​ប្រាប់​ថា តាម​លោក​ដឹង ​សាច់​ញាតិ​ខាង​ស្រ្តី​ដៃ​ដល់​ចង់​ដោះស្រាយ​សម្រួល​សង​លុយ ឯ​ខាង​ជន​រង​គ្រោះ​គេ​ក៏​មិន​ប្តឹង​ប្តល់​អី​ដែរ​ទេ​ ដោយ​ទារ​ប្រាក់​សំណង​ត្រឹម​តែ​២​លាន​រៀល​ទេ​យក​ទៅ​ព្យាបាល​របួស ព្រោះ​ថា​សុទ្ធ​ជា​គ្រួសារ​ក្រីក្រ​ដូចគ្នា ។

ចៅ​សង្កាត់​សង្ឃ័រ ប្រាប់​ថា ពួក​គេ​​លែង​​លះ​គ្នា​ជាង​៣​ឆ្នាំ​ហើយ ​ដោយ​នាំ​គ្នា​ទៅ​ប្រាប់​ចៅ​សង្កាត់​ឲ្យ​ដឹង​ឮ​ផង ​ព្រោះ​ខាង​ស្រី​មាន​ជំងឺ​ឆ្កួត​ជ្រូក​ ទើប​សុំ​ប្តី​លែង៕

អត្ថបទគួរចាប់អារម្មណ៍