The Phnom Penh Post Search

Search form

Logo of Phnom Penh Post newspaper Phnom Penh Post - នគរ​បាល​ចាញ់ក្តី​ម្នាក់​​ប្តឹង​​ចៅក្រម​សាលាឧ​ទ្ធរ​ណ៍​បី​រូប​




នគរ​បាល​ចាញ់ក្តី​ម្នាក់​​ប្តឹង​​ចៅក្រម​សាលាឧ​ទ្ធរ​ណ៍​បី​រូប​

នគរ​បាល​ចាញ់ក្តី​ម្នាក់​​ប្តឹង​​ចៅក្រម​សាលាឧ​ទ្ធរ​ណ៍​បី​រូប​

ភ្នំពេញៈ ចៅក្រ​មនៃ​សាលា​ឧទ្ធរណ៍​៣រូប ​ត្រូវ​​មន្រ្តីនគរ​បាល​នៅខេត្ត​កំពង់ចាម​ប្តឹង​ចោទ​ថា​មិន​បាន​វិនិច្ឆ័យ​ឲ្យត្រឹម​ត្រូវ​តាម​វិជ្ជា​ជីវៈ​ក្នុង​ការ​កាត់​ក្តី​​ក្នុង​រឿង​ទំនាស់​ដីធ្លី​ ខណៈ​ក្រសួង​រៀបចំ​ដែនដី​រក​ឃើញ​ថា ​មាន​ប័ណ្ណ​កម្ម​សិទ្ធិ​ជាន់​គ្នា​​ហើយ​​ខុទ្ទ​កា​ល័យនាយក​​រដ្ឋ​មន្រ្តី​ក៏​បញ្ជូន​​ទៅ​ក្រសួ​ង​យុត្តិធម៌​ឲ្យ​ពិនិត្យ តែ​រឿង​ក្តីនៅតែចា​ញ់។​

មន្រ្តីនគរ​បាលលោក ​ទូច ញ៉​ ជា​​​ដើម​បណ្តឹង​ប្រាប់​​ថា គាត់​​ប្តឹង​មន្រ្តី​ក្រុម​​ប្រឹក្សា​​ជំនុំ​ជម្រះ​សាលា​ឧទ្ធរ​ណ៍​ រួមមាន​ចៅក្រម ​យន់​​ ណារ៉ុង ​ជាប្រ​ធាន​ក្រុម​ប្រឹក្សា​​ ទី​​២ លោក​ចៅ​ក្រម ​ញូង​ ធុល ​និង​ទី​៣​​លោ​កចៅ​ក្រម​ តាំង ​ស៊ុន​ឡាយ​ ជា​ចៅក្រ​ម​ប្រឹក្សាដែ​ល​ទាំង ​៣​នាក់​ វិនិច្ឆ័យ​មាន​លក្ខណៈ​ប្រាស​ចាក​ពីកា​រពិ​ត​ និង​​មិន​​​បាន​ផ្អែ​ក​លើគោ​លកា​រ​ណ៍​យុត្តិ​ធម៌​។

លោក​ថ្លែង​ថា៖​ «​សាលាឧ​ទ្ធរណ៍​​​កាត់​ក្តី​ឲ្យខ្ញុំ​ចាញ់​ ព្រោះមិ​ន​​​ពិនិត្យ​​មើល​លិ​ខិត​របស់​ក្រសួង​ដែន​ដីន​គរូប​នីយ​កម្ម​និង​សំណង់​និង​លិខិត​របស់​ខុទ្ទកាល័យ​​របស់​សម្តេច​នាយក​រដ្ឋមន្រ្តី​ហ៊ុនសែន​។​ ខ្ញុំសុំ​ឲ្យសាលា​ឧទ្ធរណ៍​សើរើ​រឿង​ទំនាស់​ដី​នេះឡើ​ងវិ​ញ​»។​

លោក​បន្ត​​ឲ្យ​ដឹង​ថា ​ដីនោះ​មាន​ទំហំ​៨០ម៉ែត្រ​x​១១​ម៉ែត្រ​នៅភូមិ​ត្រពាំង​ផ្លុង​១ ស្រុក​ពញា​ក្រែក​ខេត្ត​កំពង់​ចាម​ ​លោក​កាន់​កាប់​តាំង​​ពីឆ្នាំ១​៩៩៣​។​លុះ​ខែ​សីហា​ឆ្នាំ​​២០០៦​ ឈ្មោះ ​សៀង​ ស៊ីថា​ដែល​​មាន​ដីជាប់​គ្នា​បាន​ដាក់​ពាក្យ​​ប្តឹង​ទៅ​សាលា​ដំ​បូងខេត្ត​កំពង់​ចាម​​អះអាង​ថា​ គាត់​មាន​ប័ណ្ណ​កាន់​​កាប់​លើ​ដី​នោះ​ដែ​រ​។

លោក​បន្ត​ថា​ សាលាដំបូង​ខេត្ត​បាន​កាត់​ឲ្យគាត់​​ចាញ់​ និង​បង្គាប់​គាត់​ឲ្យ​រុះរើ​ផ្ទះ​ចេញ​ពីដី​ទំនាស់​និង​​ស​ងជំងឺ​ចិត្ត​៣ម៉ឺន​ដុល្លារ​ តាម​សាល​ក្រ​មរដ្ឋ​ប្បវេណី ចុះ​ថ្ងៃទី​៩​ខែ​​កក្កដា ​ឆ្នាំ២​០០៩​ តែ​លោក​ប្តឹង​ទាស់ឡើង ​​សាលាឧ​ទ្ធរណ៍​​សម្រេច​​លើក​ទី១​ ​តម្កល់​សាល​ក្រម​របស់​សាលា​ដំបូង​ខេត្ត​កំពង់​ចាម​ លោក​​ប្តឹង​សារ​ទុក្ខ​ទៀត​​​មកតុលាការ​កំពូល កំពូលក៏​បង្វិល​​សំណុំ​រឿង​មក​សាលា​ឧទ្ធរ​ណ៍វិញ ​ឥឡូវ​លោក​ប្តឹង​សារទុ​​ក្ខ​មក​​តុលាការ​កំពូល​ម្ត​ង​ទៀត​។

លោ​កចៅ​ក្រម​ទាំង​៣ដែ​លរ​ង​កា​រប្តឹ​ងពី​មន្ត្រី​នគរ​បាល​រូប​នេះ ពីរ​នាក់​មិន​អាច​ទាក់​ទង​បាន​ទេ ​តែ​លោក​ចៅ​ក្រម ​តាំង​ ស៊ុន​ឡាយ​បាន​ប្រាប់​​ពីម្សិល​មិញ​ថា ​ករណី​នេះ​​លោក​មិន​បាន​គិត​ថា​​វា​យ៉ាង​ម៉េច​ទេ ​​ហើយ​បើគា​ត់មិ​ន​សុខ​ចិត្ត​ក្នុងការ​កាត់​ក្តីនោះ​​គាត់​អាច​ប្តឹង​សារ​ទុក្ខ​បាន​។ លោក​ថ្លែង​ថា​៖​«ខ្ញុំ​​មិន​ចាប់​អារម្មណ៍ ចំ​​ពោះកា​រ​ប្តឹ​ងនេះទេ ​តែខ្ញុំ​ធ្វើទៅ​តាម​នីតិ​វិធី​និង​វិជ្ជាជី​វៈ​ ហើយ​ថា នេះ​ជាកា​រ​សម្រេ​ច​​របស់​តុលាការ​ ចំណែក​​គាត់​មាន​​សិទ្ធិ​ប្តឹង​ទៅតាម​​ការ​យល់​​ឃើញ​របស់​គាត់​»។

លោ​ក កៅ​ ទី មេ​ធា​វីខាង​មន្រ្តី​នគរបាលបាន​យល់​ស្រប​តាម​​កូន​ក្តី​ពីកា​រ​ប្តឹង​មន្រ្តី​ចៅ​​ក្រ​ម​​សាលា​ឧ​ទ្ធរណ៍​ព្រោះកា​រ​កា​ត់​​ក្តី​នោះ​មិន​បាន​ផ្ទៀង​ផ្ទាត់​លិ​ខិត​​​របស់​ក្រសួង​ដែន​ដីនិង​លិខិត​របស់​ខុទ្ទ​កា​ល័យ​​​​នា​យក​រដ្ឋម​ន្រ្តី ​​ព្រោះ​វា​មិន​យុត្តិ​ធ៌ម​និ​ង​មា​ន​អំ​ពើពុ​ករ​លួ​យ​៕

អត្ថបទគួរចាប់អារម្មណ៍