The Phnom Penh Post Search

Search form

Logo of Phnom Penh Post newspaper Phnom Penh Post - នៅ​ជិត​ព្រះ​ដឹង​ចិត្ត​លួច​និង​បំបែក​ព្រះ​យក​មាស




នៅ​ជិត​ព្រះ​ដឹង​ចិត្ត​លួច​និង​បំបែក​ព្រះ​យក​មាស

នៅ​ជិត​ព្រះ​ដឹង​ចិត្ត​លួច​និង​បំបែក​ព្រះ​យក​មាស

កំពង់ចាមៈជន​សង្ស័យ​ជា​តៃកុង​ឡាន​ដែល​គាស់​ទ្វារ​​កុដិ​លួច​លុយ​លោក​អស់ ១.៣៦២​ដុល្លារ​និង​លុយ​ខ្មែរ​៤០​ម៉ឺន​រៀល រួច​វាយ​បំបែក​ពុទ្ធ​បដិមា​យក​មាស​ដែល​ស្រោប​ជាង​មួយ​តម្លឹង​ នៅ​វត្ត​កោះ​ត្រែង ​ស្រុក​ក្រូច​ឆ្មារ​ ​ត្រូវ​ប៉ូលិស​ខេត្ត​កំពង់​ចាម​បញ្ជូន​ទៅ​សាលា​ដំបូង​ខេត្ត​កាលពី​ព្រឹក ថ្ងៃទី​៣ មីនា​ម្សិល​មិញ។

លោក ជឹម​ សេង​ហុង ស្នង​ការ​រង​ខេត្ត​បាន​ប្រាប់​ឲ្យដឹង​ថា ជន​សង្ស័យ​ដែល​សមត្ថកិច្ច​ស្រុក​ក្រូច​ឆ្មារ​ចាប់​ខ្លួន​ដែល​បញ្ជូន​មក ស្នង​ការ​ដ្ឋាន​ខេត្ត កាល​ពី​ថ្ងៃទី​២ ​មីនា បាន​បញ្ជូន​ទៅ​សាលា​ដំបូង​ខេត្ត​កាល​ពី​ព្រឹក​ថ្ងៃ​អាទិត្យ។

លោកថា៖«យើង​បាន​បញ្ជូន​សំ​ណុំ​រឿង​និង​ជន​សង្ស័យ​ទៅ​ឲ្យ​ចៅក្រម​ស៊ើប​សួរ​និង​ចោទ​ប្រកាន់​ពី​បទ​លួច​មាន​ស្ថាន​ទម្ងន់​ទោស»។​

លោក ​ សាំ​ ហេង អធិការ​នគរបាល​ស្រុក​ក្រូច​ឆ្មារ​ប្រាប់​ថា ការចាប់​ជន​សង្ស័យ​នេះ​គឺ​ធ្វើ​តាម​ពាក្យ​បណ្ដឹង​របស់​ចៅ​អធិការ​វត្ដ ព្រះ​នាម យិត សុខា ព្រះ​ជន្ម​៥១ ឆ្នាំ ដែល​ជា​អនុគណ​ស្រុក​ក្រូច​ឆ្មារ គង់​នៅ​វត្ដ​ទីបត្យា​រាម ហៅ​វត្ដ​កោះត្រែង​ ភូមិ​ជួរ​កណ្ដាល ឃុំ​កោះពីរ ស្រុក​ក្រួច​ឆ្មារ ដែល​បាន​សង្ស័យ​ឈ្មោះ ហ៊ាង រ៉ាវី​អាយុ​២៩ឆ្នាំ មាន​លំនៅ​ភូមិ​ព្រែក​សង្កែ​លិច​ឃុំ ពាម​កោះ​ស្នា ស្រុក​ស្ទឹង​ត្រង់ ខេត្ដ​កំពង់ចាម​ជា​តៃ​កុង​ឡាន​ប្រចាំ​នៅ​វត្ត​កោះត្រែង​ថា បាន​ធ្វើ​សកម្ម​ភាព​លួច​គាស់​ទ្វារ​កុដិ​លួច​យក​ប្រាក់ ដុល្លារ​១.៣៦២​ដុល្លារ​និង​ប្រាក់​រៀល​៤០​ម៉ឺន​រៀល​និង​យក​ពុទ្ធ បដិមាស្រោប​មាស​៣​ព្រះអង្គ​ទៅ​វាយ​បំបែក​យក​មាស​១​តម្លឹង​១ជី។

ជនសង្ស័យ​សារភាព​ប្រាប់​ប៉ូលិស​ថា នៅ​យប់​ថ្ងៃទី​២៧ ខែកុម្ភៈ មក​ពី​ដើរ​លេង​វិញគេ ឃើញ​ទ្វារ​កុដិ​ចៅ​អធិការ​វត្ដ​របើក​ទើប​រូបគេ​យក​ដែក​ថ្នាំង​អំពៅ ប៉ុន​មេដៃ​ទៅ​គាស់​ហើយ​ទៅ​បើក​ថត​តុ​មាន​លុយ​២០​ម៉ឺន​រៀល និង​ថតតុ​ចំហៀង​ឃើញ​លុយ​ខ្មែរ ៤០​ម៉ឺន​រៀល និង​លុយ ដុល្លារ​១៣៦២ដុល្លារ​ យក​ទុក​ក្នុង កាតាប និង​បាន​យក​ពុទ្ធ​បដិមា​៣​ទៀត​ទៅ​បោក​បំបែក​បក​យក​មាស។ ប្រាក់​និង​មាស​ដែល​គេ​លួច​បាន ជននេះ​ប្រាប់​ពី​កន្លែង​លាក់​ដល់​សមត្ថកិច្ច​រក​ឃើញ​វិញ​ទាំងអស់៕

អត្ថបទគួរចាប់អារម្មណ៍