The Phnom Penh Post Search

Search form




Logo of Phnom Penh Post newspaper Phnom Penh Post - នៅ​មេមត់​ចោរ​ប្រើ​ដំបង​ប្លន់​វាយ​របួស​៤នាក់​យក​បាន​ប្រាក់.ម៉ូតូ១




នៅ​មេមត់​ចោរ​ប្រើ​ដំបង​ប្លន់​វាយ​របួស​៤នាក់​យក​បាន​ប្រាក់.ម៉ូតូ១

នៅ​មេមត់​ចោរ​ប្រើ​ដំបង​ប្លន់​វាយ​របួស​៤នាក់​យក​បាន​ប្រាក់.ម៉ូតូ១

កំពង់ចាមៈ មនុស្ស​៤​នាក់​រង​របួស ជាមួយ​នឹង​ការ​បាត់​បង់​ប្រាក់​៧០០​ដុល្លារ​និង​ម៉ូតូ​១​គ្រឿង​ផង នៅ​ក្នុង​អំពើ​ប្លន់​ប្រើ​ដំបង​ជា​អាវុធ កាល​ពី​ថ្ងៃ​ចន្ទ នៅ​ក្នុង​ស្រុក​មេមត់ ខេត្ត​កំពង់​ចាម។

លោក ឌីម ហួ មន្ត្រី​នគរបាល​ស្រុក​មេមត់​ឲ្យ​ដឹង​ថា អំពើ​ប្លន់​ប្រើ​ដំបង​នេះ កើត​ឡើង​នៅ​ម៉ោង​៧​កន្លះ​យប់​ថ្ងៃ​ចន្ទ នៅ​នឹង​ផ្ទះ​ដាច់​ពី​ភូមិ​មួយ​ដែល​ក្រុម​ចោរ​មាន​គ្នា​ពី​៣​ទៅ​៤នាក់។ នេះ​បើ​តាម​ជន​រង​គ្រោះ ជិន នាង នៅ​ភូមិ​ថ្មដា ឃុំ​ជាំ​ក្រវៀន​បាន​ឲ្យ​ដឹង។

លោកបន្ត​ថា ម្ចាស់​ផ្ទះ​ឈ្មោះ​ជិន នាង អាយុ​៥២​ឆ្នាំ ត្រូវ​ចោរ​វាយ​នឹង​ដំបង​ឫស្សី របួស​ជាំ​មុខ​និង​ក្បាល កូន​ស្រី ថ្លៃ ស្រីពៅ អាយុ ១៦​ឆ្នាំ និង ញឹម ស្រីអូន ជា​ក្មួយ​ស្រី អាយុ​១៨​ឆ្នាំ​ត្រូវ​ពួក​ចោរ​ចាប់​ចង។ អ្នក​ជិត​ខាង ឡេវ អេវ អាយុ​៤០​ឆ្នាំ បាន​រង​របួស,កូន​ប្រុស ថ្លៃ មុម អាយុ​១៩​ឆ្នាំ​(ដែល​មក​លេង)​បាក់​ដៃ ឯពីរ​នាក់​ទៀត ក្នុង​នោះ​ម្នាក់​ជា​ប៉ូលិស នៅ​ច្រក​ត្រពាំង​ថ្លុង ត្រូវ​ចោរ​វាយ​នឹង​ដែក​បំពង់​ទីប របួស​ក្បាល​ធ្ងន់ធ្ងរ។ ពួក​ចោរ​យក​បាន​លុយ​ពី​ប៉ូលិស​ចំនួន​៧០០ ដុល្លារ ម៉ូតូ​ម៉ាក​វ៉េវ​១​គ្រឿង​និង​ទូរស័ព្ទ​ដៃ​២​គ្រឿង។

លោក​បន្ត​ថា ៖ «សមត្ថកិច្ច​មិន​ទាន់​ដឹង​ច្បាស់​ថា ក្រុម​ចោរ​ប្រើ​កាំភ្លើង​ឬ​តែ​ដំបង​ទេ តែ​ជន​រងគ្រោះ​ទាំង​៤​នាក់​សុទ្ធ​តែ​ត្រូវ​ក្រុម​ចោរ​វាយ​នឹង​ដំបង ត្រូវ​នាំ​ទៅ​សង្គ្រោះ​នៅ​មន្ទីរ​ពេទ្យ»។

លោក ជឹម សេងហុង ស្នងការ​រង​នគរបាល​ខេត្ត​កំពង់​ចាម​បាន​ប្រាប់​ថា តាម​ការ​ស្រាវ​ជ្រាវ​របស់​ក្រុម​ជំនាញ​ក្រុម​ចោរ​បាន​ប្រើ​ដំបង​និង​បំពង់​ទីប ជា​មធ្យោបាយ​ធ្វើ​សកម្ម​ភាព​ប្លន់។ លោក​បន្ត​ថា ៖ «ក្រុម​ចោរ​ទាំង​នេះ​មិន​មែន​ជា​ចោរ​ឆ្លង​ខេត្ត​នោះ​ទេ កម្លាំង​មាន សមត្ថកិច្ច​ខេត្ត​កំពុង​តែ​បន្ត​តាម​រក​មុខ​សញ្ញា​ក្រុម​នេះ»៕

អត្ថបទគួរចាប់អារម្មណ៍