The Phnom Penh Post Search

Search form

Logo of Phnom Penh Post newspaper Phnom Penh Post - បញ្ជូនអ្នក​នេ​សាទ​ជាតិ​វៀត​ណាម​១១​នាក់​ទៅ​តុលាការ​




បញ្ជូនអ្នក​នេ​សាទ​ជាតិ​វៀត​ណាម​១១​នាក់​ទៅ​តុលាការ​

បញ្ជូនអ្នក​នេ​សាទ​ជាតិ​វៀត​ណាម​១១​នាក់​ទៅ​តុលាការ​

​​​ពោ​ធិ៍សាត់ៈ ជន​​ជាតិ​វៀត​ណាម​​​​១១​នាក់​​ដែល​​ចូល​នេសាទ​ក្នុង​ដែន​អភិរ​ក្ស​ខុស​ច្បាប់​រួច​ត្រូវ​សមត្ថកិច្ច​ជល​ផល​ស្រុក​បាកាន​ឃាត់​ខ្លួន​ពីថ្ងៃព្រ​ហស្បតិ៍​​ត្រូវ​បញ្ជូ​ន​​ទៅឃុំ​ខ្លួ​ន​នៅ​ពន្ធ​នាគារ​ខេត្ត​​កាល​ពី​ថ្ងៃទី​៩ ខែមី​នា​។

លោក​ ជិន​ ចាន់​ថន​ នាយ​ផ្នែក​ជល​ផល​ស្រុក​បាកាន​បាន​​ឲ្យដឹង​​ថា​ ជន​សង្ស័​​យ​​ល្មើសនេ​សាទ​​ក្នុង​​ដែន​ឡូត៍​អភិរក្ស​ទាំង​១១​នាក់​ ត្រូវ​បញ្ជូន​ទៅ​ឃុំ​​នៅ​ពន្ធនាគារ​ខេត្ត​ពោធិ៍​សាត់​កាល​ពី​ថ្ងៃទី៩​មីនា​ដើម្បី​ដាក់​ទោ​ស​តាម​ច្បាប​់។

លោកបន្ត​ថា៖​«បើតុ​លាកា​រ​រក​ឃើញ​​មាន​កំហុ​ស​ពិត​មែន​នោះ​ពួក​គេ​នឹង​ត្រូវជាប់​គុក​​ពី១​​ទៅ៣​ឆ្នាំ​ តាម​ច្បាប់​ជល​ផល​​ និងពិន័​យ​ជា​ប្រាក់​​ផង​​»​។ ​លោក​បញ្ជាក់​​​ថា កម្លាំ​ង​ចម្រុះ​បង្ក្រាប​បទល្មើសនេះ​នៅ​ក្នុង​អតីត​ឡូត៍​នេសាទ​លេខ​ ១​និង​លេខ​២​ ជា​ឡូត៍អភិរក្ស​ជល​ផល​ដី​រនាប​ ​ក្នុងភូមិ​ដី​រនាប​ ឃុំ​មេទឹក​ ស្រុក​បាកាន​ ដោយ​ឃាត់​ខ្លួន​អ្នក​នេ​សាទ​​វៀត​ណាមបាន​​ ១១​នាក់​ ​​ខណៈ​កំពុង​ប្រើឧបក​រណ៍​ហា​​​មឃា​ត់​​​ប្រភេទ​​អួន​ធំ​​​មួយ​វង់​ប្រើ​កា​ណូតម៉ាស៊ីន​ធំ​អូស​និង​រឹប​អូស​បាន​ទូក​បា​លា​២គ្រឿង ប្រើ​​ម៉ាស៊ីន​១៥០​សេស​មួយ​ មួយ​ទៀត​​ដាក់​់​ម៉ាស៊ីន១៦​សេស​ និង​ទូក​សំប៉ាន​​ដឹក​សម្ភារ​មួយ​​ សាច់​អួន​ក្រឡា​២​ហ៊ុន​ ជម្រៅ​៨​ម៉ែត្រ​ប្រវែង​៤០០​ម៉ែត្រ​។​

ជន​​​ទាំង​១១​នាក់ មាន​ឈ្មោះ​ង្វៀង​ យ៉ាំង​ធា  ​ដាវ​ យ៉ាំ​ង​ហុង​ ជា​ថៅកែ​អួន​ លី​ សុវណ្ណ​ ធាង យ៉ាំ​ង​វ៉ាង​,​​ ​សួង​ ឃឿ​ន​ ដឹក​ កែវ​ ង្វៀ​ង​ យ៉ាំ​ង​ធឿ​ង​,​​​ហៀ​ង​ យ៉ាំ​ង​ហាន់,​​ង្វៀ​ង​ យ៉ាំ​ង​វី​,​ ​ង្វៀ​ង​ យ៉ាំ​ង​ហ្គួ​រ​ និង​​ង្វៀ​ង​ យ៉ាំ​ង​ជឿ​ង​ ជាថៅ​កែ​​អ្នក​ទាំង១០នាក់ខាងលើ៕

អត្ថបទគួរចាប់អារម្មណ៍