The Phnom Penh Post Search

Search form




Logo of Phnom Penh Post newspaper Phnom Penh Post - បញ្ជូន​ក្រុម​ទំនើង​កាប់​គ្នា​ស្លាប់​ក្នុង​វង់រាំ​ទៅ​តុលាការ




បញ្ជូន​ក្រុម​ទំនើង​កាប់​គ្នា​ស្លាប់​ក្នុង​វង់រាំ​ទៅ​តុលាការ

បញ្ជូន​ក្រុម​ទំនើង​កាប់​គ្នា​ស្លាប់​ក្នុង​វង់រាំ​ទៅ​តុលាការ

ភ្នំពេញៈ មនុស្ស៩​នាក់​ដែល​សង្ស័យ​ថា​មាន​ពាក់​ព័ន្ធ​នឹង​ការ​ចាក់​សម្លាប់​មនុស្ស កាល​ពីថ្ងៃ​ទី​១៦​កុម្ភៈក្បែរ​វង់រាំ​បុណ្យ​ដារលាន​នៅ​ភូមិ​ស្រែ​ក្នុង ខណ្ឌ​ពោធិ៍សែន​ជ័យ​ត្រូវ​ចាប់​បញ្ជូន​ទៅ​សាលា​ដំបូង​រាជធានី​ភ្នំពេញ​នៅ ថ្ងៃអង្គារ​នេះ​ដើម្បី​ឲ្យ​ចៅក្រម​បន្ត​ការ​ស៊ើប​សួរ​និង​ចោទ​ប្រកាន់។

លោក ប៊ន សំអាត អធិការ​នគរបាល​ខណ្ឌ ពោធិ៍​សែន​ជ័យ​ឲ្យ​ដឹង​ថា ជន​សង្ស័យ​ទាំង​៩​នាក់​ដែល​សមត្ថកិច្ច​ឃាត់​ខ្លួន​សង្ស័យ​ពាក់​ព័ន្ធ​នឹង រឿង​ឃាតកម្ម​ចាក់​មនុស្ស​ស្លាប់​ម្នាក់​ដោយ​ក្រុម​ក្មេង​ទំនើង​នៅ​ភូមិ ស្រែ ក្នុង​សង្កាត់​កន្ទោក កាល​ពី​យប់​ថ្ងៃ​ទី១៦​កុម្ភៈ ត្រូវ​បញ្ជូន​ទៅ​តុលាការ​នៅថ្ងៃ​អង្គារ​នេះ។

លោកអធិការ​បន្ត​ថា៖ «ពួកគេ​ត្រូវ​ចោទ​ប្រកាន់​ពី​បទ​មនុស្ស​ឃាត​គិត​ទុក​ជាមុន ប៉ុន្តែ​រឿង​នេះ​ស្រេច​លើ​តុលាការ​ជា​អ្នក​សម្រេច​ជាចុង​ក្រោយ​ដែរ»។

លោក យ៉ង់ ស៊ីថុល ចៅ​សង្កាត់​កន្ទោក​បាន​រំឭក​ថា អំពើ​ឃាតកម្ម​នោះ​បាន​កើត​ឡើង​ចន្លោះ​ម៉ោង​១០​ទៅ​ម៉ោង​១១​យប់​ថ្ងៃ​ទី​១៦​ ខែ​កុម្ភៈ​គឺ​ផ្តើម​ឡើង​ដោយ​ក្មេង​​ទំនើង​២​ក្រុម​ឈ្លោះ​គ្នា​ក្នុង​វង់រាំ​កម្សាន្ត​ពិធី​បុណ្យ​ដារលាន។

លោកបន្តថា មុន​កើត​ហេតុ​អ្នក​ភូមិ​ចាក់​ធុង​បាស់​រាំ តែ​មួយ​សន្ទុះ​ក្រោយ​មក​ក៏​មាន​ការ​ឈ្លោះ​ប្រកែកគ្នា។ អ្នក​ភូមិ​បាន​ឮ​ក្មេងៗ​ទាំង​នោះ​បបួល​គ្នា​ចេញ​ពី​កន្លែង​រាំ​ប្រមាណ​ជា ២០​ម៉ែត្រ ក៏​បើក​ការ​វាយ​កាប់​ចាក់​គ្នា​តែ​ម្តង។

តាមសម្តី​ប្រពន្ធ​ជន​រង​គ្រោះថា​ដោ​យប្តី​គាត់​បាន​ឮ​សំឡេង​ក្មេងៗ​ស្រែក គាត់​ក៏​ដើ​រចេញ​ពី​ផ្ទះ​ទៅ​មើល​បន្ទាប់​ពី​បាន​ចូល​រាំ ប៉ុន្តែ​ពេល​ដើរ​ទៅ​មិន​ទាន់​ដល់​ផង​ក្រុម​ក្មេង​ឈ្លោះ​គ្នា​ទំនង​ដោយ​សារ តែ​យប់​ងងឹត គាត់​ក៏​ត្រូវ​គេ​ចាក់​មួយ​កាំបិត​ក្រោម​ដោះ​ដួល​ស្លាប់​តែ​ម្តង មិន​ដឹង​ថា​ជាកាំ​បិតអីទេ។

លោក​ចៅ​សង្កាត់​ប្រាប់​ថា​ទំនាស់​ចាក់​សម្លាប់​គ្នា​នេះ ទំនង​មិន​មែន​តែ​ក្មេងៗ​ក្នុង​ភូមិ​ជាមួយ​គ្នា​ទេ គឺ​អាច​ជា​ក្រុម​ក្មេង​ក្រៅ​ភូមិ​ដែល​មក​រាំ​កម្សាន្ត​បុណ្យ​ដារលាន​ហើយ​ប្រហែល​ជា​ទាស់​សម្តី​គ្នា​ហើយ ទើប​បង្ក​ទំនាស់​បែប​នេះ។

លោក សាន ប៊ុននី ជា​ញាតិ​ជន​រងគ្រោះ​បាន​ប្រាប់​ពីម្សិល​មិញ​ថា ជន​រងគ្រោះ​ឈ្មោះ​សាន រដ្ឋា អាយុ​៣៣ ឆ្នាំ​មាន​ប្រពន្ធ​និង​កូន​៣​នាក់​ក្នុង​បន្ទុក​ នៅ​ភូមិ​កន្ទោក​សង្កាត់​កន្ទោក​។ មុន​​កើត​ហេតុ​គាត់​បាន​មក​អង្គុយ​លេង​នៅ​ផ្ទះ​ឪ​ពុក​​នៅ​ទល់​មុខ​កន្លែង​ រាំង​ធុង​បាស់​នោះ ហើយ​ក៏​បាន​រាំ​លេង​សប្បាយ​ជាមួយ​គេ​ផង​ដែរ។

លោក​ ប្រាប់​​ថា​ ជន​រង​គ្រោះ​ជា​មនុស្ស​ស្លូត​មិន​ដែល​បង្ក​ទំ​នាស់​ជា​​មួយ​នឹង​អ្នក​ស្រុក​ ណាម្នាក់​ទេ​​ប៉ុន្តែ​យប់​ថ្ងៃ​កើត​ហេតុ​នោះ​គាត់​បាន​​ដើ​រ​ទៅ​មើល​ក្មេង​ៗ ​ឈ្លោះគ្នា​ហើ​យ​ត្រូវ​គេ​ចាក់​ត្រូវ​តែ​ម្តង​។​ជន​រង​គ្រោះក៏មិ​ន​ដឹង​ថា​ ខ្លួន​ត្រូវ​គេ​ចាក់​​ដែរ​ ​ដើរ​មក​ជិ​ត​ដល់​ផ្ទះទើ​ប​ដួល​និង​ប្រុង​​ដឹក​ទៅ​មន្ទីរ​ពេទ្យ​ដែរ តែ​​គាត់​​​ដាច់​ខ្យល់​ស្លាប់​ទៅ។​

លោក​ ប៊ុន​នី​ ​ថា ​ជន​សង្ស័​យ​​ទាំង​នេះ បើ​តុលាការ​រក​ឃើញ​ថា ​ជន​ណា​ម្នាក់​សម្លាប់​ជន​រង​គ្រោះ​ទោះ​ជា​តុលាការ​ឲ្យជា​ប់​គុក​ក៏​ត្រូវ​​ ទារ​សំណង​ជំងឺ​ចិ​ត្តដែរ​​៕

អត្ថបទគួរចាប់អារម្មណ៍