The Phnom Penh Post Search

Search form

Logo of Phnom Penh Post newspaper Phnom Penh Post - បញ្ជូន​ជន​ពាក់​ព័ន្ធ​ថ្នាំ​ញៀន​១៥​នាក់​ទៅ​ឃុំ​&​អប់រំ​កែប្រែ




បញ្ជូន​ជន​ពាក់​ព័ន្ធ​ថ្នាំ​ញៀន​១៥​នាក់​ទៅ​ឃុំ​&​អប់រំ​កែប្រែ

បញ្ជូន​ជន​ពាក់​ព័ន្ធ​ថ្នាំ​ញៀន​១៥​នាក់​ទៅ​ឃុំ​&​អប់រំ​កែប្រែ

សៀមរាបៈ ជន​សង្ស័យ​៩នាក់ ត្រូវ​ប៉ូលិស​ប្រឆាំង​គ្រឿង​ញៀន​ចាប់​បញ្ជូន​ទៅ​ពន្ធនាគារ​ខេត្ត​សៀមរាប​និង​៦នាក់​បញ្ជូន​ទៅ​មណ្ឌល​អប់រំ​កែប្រែ​ជា​បន្ត​បន្ទាប់​កាល​ពី​ថ្ងៃ​ទី​៣០-៣១​មីនា​ពាក់​ព័ន្ធ​នឹង​ការ ជួញ​ដូរ ចែក​ចាយ​និង​ប្រើ​ប្រាស់​គ្រឿង​ញៀន នៅ​ក្នុង​សង្កាត់​ស្វាយ​ដង្គុំ ក្រុង​-ខេត្ត​សៀមរាប។

លោក អ៊ុំ សាអាត មន្ត្រី​នគរបាល​ប្រឆាំង​គ្រឿង​ញៀន​ខេត្ត​សៀមរាប​ឲ្យ​ដឹង​ថា ជន​ពាក់​ព័ន្ធ​បទ​ល្មើស​គ្រឿង​ញៀន​សរុប​មាន​១៥​នាក់​ត្រូវ​សមត្ថកិច្ច ចាប់​ខ្លួន​នៅ២ទី​តាំង​ផ្សេង​គ្នា​ក្នុង​នោះ ស្រី​៦​នាក់ ត្រូវ​បញ្ជូន​ទៅ​ពន្ធនាគារ​ហើយ​កាល​ពី​ថ្ងៃទី​៣០-​៣១ មីនា បន្ទាប់​ពី​សាលា​ដំបូង​ខេត្ត​ធ្វើ​ការ​ចោទ​ប្រកាន់​ជាផ្លូវ​ការ។

លោកថ្លែងថា៖«យើង​បាន​ចាប់​ខ្លួន​ពួកគេ​ពី​បទ​ជួញ​ដូរ​និង​ចែក​ចាយ​គ្រឿង​ញៀន​ជាក់​ស្តែង។​ ករណី​នេះ​បើ​តុលាការ​រក​ឃើញ​កំហុស​មែន​ពួកគេ​អាច​ត្រូវ​ជាប់​ពន្ធនាគារ​ពី២​ឆ្នាំ​ទៅ​៥ឆ្នាំ​ដោយ​មិន​អាច​លើក​លែង​ទោស​ឲ្យ​បាន​ទេ»។

លោកប្រាប់​ដែរថា ជន​សង្ស័យ​ដែល​បាន​បញ្ជូន​ទៅ​ពន្ធនាគារ​ម្សិល​មិញ​មាន​ឈ្មោះ ស ពៅ​(ប្រុស)​អាយុ ៣១​ឆ្នាំ​ជា​មេខ្លោង​ត្រូវ​ចាប់​ខ្លួន​ដល់​ផ្ទះ​ក្នុង ភូមិ​សាលា​កំរើក សង្កាត់​ស្វាយ​ដង្គុំ ក្រុង​សៀមរាប ឈ្មោះ អ៊ុក សំបូរ អាយុ​២៦​ឆ្នាំ​និង​ជា​ប្តី​ស្រ្តីឈ្មោះ​ទេព​កល្យាណ អាយុ​២២​ឆ្នាំ​ជា​ប្អូន​ថ្លៃ​មេខ្លោង ង៉ែត មករា​(ប្រុស)​អាយុ​២៣​ឆ្នាំ ផាន់​ សុខាក់ (ប្រុស) អាយុ​២០ឆ្នាំ​ថ្លាង សុ​ខៃ​ (ប្រុស) អាយុ​២០​ឆ្នាំ ហេង សុខា​(ប្រុស)​អាយុ​៤៧​ឆ្នាំ ជួន ចាន់​សូវង្ស (ប្រុស) អាយុ​៤៧​ឆ្នាំ​និង ឈន ចាន់​នឿន​ (ស្រី) អាយុ​២១​ឆ្នាំ ឯជន​៦​នាក់​ទៀត​ ជា​អ្នក​ប្រើ​ប្រាស់​គ្រឿង​ញៀន​ត្រូវ​ចៅ​ក្រម​លើក​ការ​ចោទ​ប្រកាន់​និង បញ្ជូន​ទៅ​មណ្ឌល​អប់រំ​កែប្រែ។

លោក​រំឭកថា វត្ថុតាង​របស់​ជន​សង្ស័យ១២​នាក់ ដែល​រឹប​អូស​បាន​កាល​ពីថ្ងៃទី​២៨​ខែ​មីនា​មាន​ថ្នាំ​ម៉ាទឹក​កក មេ​តំហ្វេតា​មីន ១៣​កញ្ចប់​តូច ទម្ងន់​៦​ជី​៤ហ៊ុន ឯ​ជន​សង្ស័យ​៣​នាក់​ទៀត​សមត្ថកិច្ច​រឹបអូស​បាន​រថយន្ត​ម៉ាក​ឡិច​ស៊ីស​RX300 មួយគ្រឿង ពណ៌​ទឹក​មាស ពាក់​ស្លាក​លេខ ​2Q-6062 ដែល​ពួកគេ​ជិះ​ធ្វើ​សកម្ម​ភាព ចែក​ចាយ​ថ្នាំ​ញៀន និង​យក​បាន​ថ្នាំ​ញៀន​ប្រភេទ​ម៉ា​ទឹកកក​១​កញ្ចប់ និង​ប្រាក់​អាមេរិក​ចំនួន​៣០០​ដុល្លារ៕

អត្ថបទគួរចាប់អារម្មណ៍