The Phnom Penh Post Search

Search form




Logo of Phnom Penh Post newspaper Phnom Penh Post - បញ្ជូន​ជន​សង្ស័យ​៣​នាក់ លួច​កុំព្យូទ័រ​ចិន​៤​គ្រឿង​ទៅ​តុលាការ​ខេត្ត​កោះ​កុង




បញ្ជូន​ជន​សង្ស័យ​៣​នាក់ លួច​កុំព្យូទ័រ​ចិន​៤​គ្រឿង​ទៅ​តុលាការ​ខេត្ត​កោះ​កុង

បញ្ជូន​ជន​សង្ស័យ​៣​នាក់ លួច​កុំព្យូទ័រ​ចិន​៤​គ្រឿង​ទៅ​តុលាការ​ខេត្ត​កោះ​កុង

130102_10a
ជនសង្ស័យពីរនាក់ក្នុងចំណោមបីនាក់ ដែលប៉េអឹមខេត្តកោះកុងចាប់បញ្ជូនទៅតុលាការ សហការី

កោះកុងៈ សមត្ថកិច្ច​កង​រាជ​អាវុធ​ហត្ថ​ខេត្ត​កោះកុង កាល​ពី​ម្សិល​មិញ​បាន​បញ្ជូន​ជន​សង្ស័យ​៣​នាក់ បន្ត​គ្នា​ទៅ​សាលា​ដំបូង​ខេត្ត​កោះ​កុង ដើម្បី​ស៊ើប​សួរ​បន្ត ក្នុង​ករណី​ចូល​លួច​កុំព្យូទ័រ​យួរ​ដៃ​របស់​ជន​ជាតិ​ចិន​ដី​គោក​ចំនួន​៤​គ្រឿង​នៅ​ទី​តាំង​ផ្សេង​គ្នា​ក្នុង​ស្រុក​មណ្ឌល​សីមា​និង​នៅ​ស្រុក​ថ្ម​បាំង​ខេត្ត​កោះកុង។

លោក រស់ សុខខឿន ប្រធាន​មន្ទីរ​ស្រាវ​ជ្រាវ​កង​រាជ​អាវុធ​ហត្ថ​ខេត្ត​បាន​ឲ្យ​ដឹង​ថា ជន​សង្ស័យ​ទាំង​២​នាក់ ត្រូវ​កម្លាំង​កង​រាជ​អាវុធ​ហត្ថ​ខេត្ត​និង​ស្រុក​មណ្ឌល​សីមា ស្ទាក់​ចាប់​ខ្លួន​បាន នៅ​ចំណុច​ចម្ការ​អំពៅ​ក្នុង​ស្រុក​មណ្ឌល​សីមា ខេត្ត​កោះ​កុង​បន្ទាប់​ពី​លួច​បាន​រួច​បម្រុង​រត់​គេច​ខ្លួន។

លោក​ថ្លែង​ថា៖ «ផ្អែក​តាម​ចម្លើយ​សារភាព និង​វត្ថុ​តាង​ជន​សង្ស័យ​ជាប់​ចោទ​ពី​បទ​ចោរកម្ម​ហើយ​យើង​កសាង​សំណុំ​រឿង​បញ្ជូន​ពួកគេ​ទៅ​តុលាការ​ហើយ​កាល​ពី​រសៀល​ម្សិល​មិញ»។

លោក​រំឭក​ថា ជន​សង្ស័យ ឈ្មោះ ចាន់ ម៉ៅ ហៅ ខ្លឹម ភេទប្រុស អាយុ​២៩​ឆ្នាំ រស់​នៅ​តំបន់ ទំនប់​រលក ខណ្ឌ​មិត្ត​ភាព ខេត្ត​ព្រះ​សីហនុ និង​ឈ្មោះ​យឹម សើង ភេទ​ប្រុស អាយុ​១៩​ឆ្នាំ មាន​លំនៅ ភូមិ​ត្រពាំង ឃុំ-ស្រុក​ស្រែ​អំបិល​ខេត្ត​កោះ​កុង​ដោយ​ពួកគេ​ពុំ​មាន​មុខ​របរ​ពិត​ប្រាកដ​ទេ។

លោក សុខខឿន បាន​ប្រាប់​ថា វត្ថុ​តាង​ដែល​ជន​សង្ស័យ​លួច​កាល​ពី​ថ្ងៃ​អាទិត្យ​នោះ​សមត្ថកិច្ច​ដក​ហូត​បាន​រួម​មាន កុំព្យួទ័រ​យួរ​ដៃ​ចំនួន​៣​គ្រឿង ម៉ូតូ​ហុង​ដា សេ​១២៥ ពណ៌​ខ្មៅ​១​គ្រឿង ទូរស័ព្ទ​ដៃ​៣​គ្រឿង ជា​របស់​ជន​ជាតិ​ចិន​បម្រើ​ការ​នៅ​ការ​ដ្ឋាន​វារី​អគ្គិសនី​ស្រុក​ថ្ម​បាំង ខេត្ត​កោះ​កុង។

លោក​ឲ្យ​ដឹង​ផង​ដែរ​ថា ជន​សង្ស័យ​ម្នាក់​ទៀត​ក៏​បាន​ចូល​លួច​កុំព្យូទ័រ​យួរ​ដៃ​១​គ្រឿង ម៉ាក ASUS​របស់​ជន​ជាតិ​ចិន​ដែរ​នៅ​ក្នុង​ក្រុម​ហ៊ុន​ចិន ត្រង់​ចំណុច​វាល​បួន ភូមិ​កោះ​ប៉ោ ឃុំ​បាក់​ខ្លង ខេត្ត​កោះកុង ហើយ​ត្រូវ​កម្លាំង​កង​រាជ​អាវុធ​ហត្ថ​ស្រុក ចាប់​ខ្លួន​បញ្ជូន​មក​កង​រាជ​អាវុធ​ហត្ថ​ខេត្ត និង​បាន​បញ្ជូន​បន្ត​ទៅ​សាលា​ដំបូង​ខេត្ត​ឃុំ​ខ្លួន​នៅ​ពន្ធនាគារ​ហើយ​កាល​ពី​ថ្ងៃ​អាទិត្យ។

លោក​ប្រាប់​ដែរ​ថា ជន​សង្ស័យ​មាន​ឈ្មោះ សូ ចាន់ឌី អាយុ​២៦​ឆ្នាំ មាន​ស្រុក​កំណើត​នៅ​ភូមិ​លេខ​៥ ឃុំ​គង​ជ័យ ស្រុក​អូររាំង​ឪ ខេត្ត​កំពង់​ចាម ជា​កម្មករ​ជីក​ដី​ដាក់​បង្គោល​ភ្លើង​ឲ្យ​ក្រុម​ហ៊ុន​ចិន នៅ​ស្រុក​កោះ​កុង។ ជន​ម្នាក់​នេះ​ត្រូវ​ចាប់​ខ្លួន​ភ្លាមៗ បន្ទាប់​ពី​លួច​បាន​និង​ព្យាយាម​ដើរ​ចេញ​ពី​បរិវេណ​ក្រុមហ៊ុន៕

អត្ថបទគួរចាប់អារម្មណ៍