The Phnom Penh Post Search

Search form

Logo of Phnom Penh Post newspaper Phnom Penh Post - បញ្ជូន​អ្នក​ចែក​ចាយ​ថ្នាំ​ញៀន​នៅ​បាវិត​ទៅ​តុលាការ




បញ្ជូន​អ្នក​ចែក​ចាយ​ថ្នាំ​ញៀន​នៅ​បាវិត​ទៅ​តុលាការ

បញ្ជូន​អ្នក​ចែក​ចាយ​ថ្នាំ​ញៀន​នៅ​បាវិត​ទៅ​តុលាការ

130311_09b
គ្រឿងញៀនជាវត្ថុតាងដែលរឹបអូសពីក្រុមល្មើសកន្លងមក សហការី

 ស្វាយរៀងៈ ជន​សង្ស័យ​ប្រុស​ស្រី​វៀតណាម​៣​នាក់​និង​បុរស​ជន​ជាតិ​ចិន​ម្នាក់​ដែល​សមត្ថកិច្ច​ឡោម​ព័ទ្ធ​និង​សម្រុក​ចូល​ចាប់​បាន​នៅ​ក្នុង​កាស៊ីណូ​ជាមួយ​នឹង​ថ្នាំញៀន​ប្រភេទ​ម៉ាទឹកកក​ចំនួន​៤៥​កញ្ចប់​តូច ធំ​កាល​ពីថ្ងៃ​ទី៩ ខែមីនា នៅទី​ក្រុង​បាវិត ខេត្ត​ស្វាយ​រៀង ត្រូវ​បញ្ជូន​ទៅ​សាលា​ដំបូង​ខេត្ត​កាលពី​រសៀល​ថ្ងៃអាទិត្យ។

លោក កាន កេន នាយ​ការិយាល័យ​នគរបាល​ប្រឆាំង​ការ​ជួញ​ដូរ​គ្រឿង​ញៀន​ខេត្ត​បាន​ឲ្យ​ដឹង ថា សមត្ថកិច្ច​ខេត្ត​ចាប់​បាន​ជន​ពាក់​ព័ន្ធ​គ្រឿង​ញៀន​ចំនួន​៤​នាក់ ក្នុង​នោះ​មាន​ជន​ជាតិ​វៀតណាម​៣នាក់ និង​ជន​ជាតិ​ចិន​ម្នាក់ ហើយ​ដោយ​ផ្អែក​ទៅ​លើ​បទ​ល្មើស​ជាក់​ស្តែង សមត្ថកិច្ច​យើង​បាន​កសាង​សំណុំ​រឿង​ដើម្បី​ដាក់​បន្ទុក​និង​បញ្ជូន​ពួកគេ​ទៅ​សាលា​ដំបូង​ខេត្ត​ហើយ។

លោក ថ្លែង​ថា៖ «ពួកគេ​ត្រូវ​កសាង​សំណុំរឿង​ពីបទ​ជួញ​ដូរ​និង​ចែក​ចាយ​គ្រឿង​ញៀន​ហើយ ទាំងអស់​គ្នា​នឹង​ត្រូវ​សាលា​ដំបូង​ខេត្ត​ធ្វើ​ការ​ចោទ​ប្រកាន់​ជា ផ្លូវ​ការ​បន្ទាប់ពី​សាក​សួរ​ចប់»។

លោក​បានឲ្យដឹងថា សមត្ថកិច្ច​បាន​ប្រើ​ពេល​២ថ្ងៃ​ក្នុង​ប្រតិបត្តិ​ការ​នេះ​ចាប់​ផ្តើម ពី​យប់​ថ្ងៃ​ទី៨​មក ទើប​អាច​ឈាន​ទៅ​​ឆែក​ឆេរ​បន្ទប់​ចំនួន​៣​នៅ​ផ្ទះ​សំណាក់​ម៉ាល័យ ផ្ទះ​សំណាក់​ផ្កាឈូក និង​កាស៊ីណូ​ឡាវី​ហ្គាស។

ក្នុងប្រតិបត្តិការ​បង្ក្រាប​គ្រឿង​ញៀន​មួយ​នេះ សមត្ថកិច្ច​រឹបអូស​បាន​ម្សៅ​ក្រាម​ពណ៌​ស​ប្រភេទ មេតំហ្វេ​តាមីន ប្រភេទម៉ាទឹក​កក​ចំនួន២​៩​កញ្ចប់​ធំ​និង១៦​កញ្ចប់​តូច ទូរស័ព្ទ​ដៃ​០៤​គ្រឿង ជញ្ជីង​ថ្លឹង១ ថង់​ប្លាស្ទិក​សម្រាប់​ខ្ចប់​រាប់​រយ និង​សម្ភារ​សេព​គ្រឿង​ញៀន​មួយ​ចំនួន​ទៀត។

លោក កាន កេន បាន​ប្រាប់​ថា ជនជាតិ​ចិន​ឈ្មោះ ចាំង វុយ ហៅ កឺកឺ ភេទ​ប្រុស អាយុ​៤៤​ឆ្នាំ ស្នាក់​នៅ​បន្ទប់ ៣០៣ នៃ​ផ្ទះសំ​ណាក់​ម៉ា​ល័យ ត្រូវ​ចាប់​ខ្លួន​នៅមុខ​ផ្ទះ​សំណាក់​ថៃ​សាន ទី២-ឈ្មោះ ង្វៀន ទី​ហាំង ហៅ​ កា​ហាំង ភេទ​ស្រី អាយុ​៣០​ឆ្នាំ ជន​ជាតិ​វៀតណាម ចាប់​ខ្លួន​នៅ​កាស៊ីណូ​ឡា​វីហ្គាស ទី៣-​ឈ្មោះ​ង្វៀង ម៉ិញ ង៉ុក ហៅ​អា​ង៉ុក​ឬ​អាសក់​វែង ភេទ​ប្រុស អាយុ​៣៤​ឆ្នាំ ជន​ជាតិ​វៀតណាម ចាប់​ខ្លួន​នៅផ្ទះ​សំណាក់​ផ្កា​ឈូក​បន្ទប់​៣០៦ និង​ទី៤ ឡេ ធី​រ៉ាក់ ភេទ​ស្រី អាយុ​៦០​ឆ្នាំ ហៅ យាយ​អ៊ុក ជាតិ​វៀតណាម ចាប់​ខ្លួន​នៅ​កាស៊ីណូ​ឡាវី​ហ្គាស។

គួររំឭកថា ក្រុម​ជួញដូរ​នេះ​ធ្វើ​សកម្មភាព​នៅ​កាស៊ីណូ​និង​ផ្ទះ​សំណាក់​យូរ​មក​ហើយ ដោយ​មិន​ខ្លាច​ញញើត​សមត្ថកិច្ច​ឡើយ តែ ក្រុម​នេះ​ក៏នៅតែ​គេច​មិន​រួច​ពី​ដៃ​សមត្ថកិច្ច​ដែរ ខណៈ​មាន​ការ​ណែ​នាំ​ឲ្យ​ម្ចាស់​ទីតាំង​ផ្តល់​ព័ត៌មាន​មក​មូលដ្ឋាន ដើម្បី​បង្ការ និង​ទប់ស្កាត់​សកម្មភាព​ជួញដូរ និង​ប្រើប្រាស់​គ្រឿងញៀន៕

អត្ថបទគួរចាប់អារម្មណ៍