បាត់ដំបងៈ បុរស​ម្នាក់​កាល​ពី​យប់​ថ្ងៃ​ពុធ បាន​ដឹក​ប្រពន្ធ​និង​កូន​ស្រី​អាយុ ៣​ឆ្នាំ មក​បាញ់​សម្លាប់​នៅ​មុខ​សាលា ស្រុក​ភ្នំព្រឹក ខេត្ត​បាត់ដំបង រួច​ហើយ​ក៏​បាញ់​សម្លាប់​ខ្លួន​ឯង​តាម​ក្រោយ ស្លាប់​យ៉ាង​អាណោច​អាធ័ម​ទាំង​បី​នាក់​នៅ​កន្លែង​កើត​ហេតុ ដោយ​មិន​ដឹង​មូល​ហេតុ។ លោក អាន យឿត នាយ​រង​ប៉ុស្តិ៍​ពេជ្រាដា កាល​ពី​ម្សិល​មិញ​បាន​ឲ្យ​ដឹង​ថា បុរស​ជា​ឃាតករ និង​ធ្វើ​អត្តឃាត​ខ្លួន​ឯង​នោះ ដោយ​យក​កាំភ្លើង​ខ្លី​មក​បាញ់​សម្លាប់​ប្រពន្ធ​ក្រោយ និង​កូន​ស្រី​ខ្លួន​ឯង​ដោយ​គ្មាន​ញញើត​ដៃ។