The Phnom Penh Post Search

Search form




Logo of Phnom Penh Post newspaper Phnom Penh Post - បុរស​ជាតិ​គ្រឹង​ម្នាក់​ត្រូវ​ឃុំ​ខ្លួន​ព្រោះ​តែ​វាយ​ប្រពន្ធ​ស្លាប់




បុរស​ជាតិ​គ្រឹង​ម្នាក់​ត្រូវ​ឃុំ​ខ្លួន​ព្រោះ​តែ​វាយ​ប្រពន្ធ​ស្លាប់

បុរស​ជាតិ​គ្រឹង​ម្នាក់​ត្រូវ​ឃុំ​ខ្លួន​ព្រោះ​តែ​វាយ​ប្រពន្ធ​ស្លាប់

រតនគិរីៈ បុរស​ជន​ជាតិ​ភាគ​តិច​គ្រឹង​ម្នាក់​ត្រូវ​នគរបាល​ស្រុក​អូរជុំ ចាប់​ឃុំ​ខ្លួន បន្ទាប់​ពី​បាន​យក​ឈើ​មូល​ប្រវែង​៦​តឹក វាយ​ប្រពន្ធ​រហូត​ស្លាប់​នៅ​ក្នុង​ចម្ការ​ក្បែរ​ភូមិ ហើយ​អូស​សាក​សព​យក​ទៅ​ចង​ក​ក្នុង​ព្រៃ​ព្រោះ​តែ​ខឹង​ដាំ​បាយ​មិន​ឆ្អិន​ទាន់ ខណៈ​ខ្លួន​ត្រឡប់​ពី​ធ្វើ​ចម្ការ​កាល​ពី​ថ្ងៃ​ទី​២២​មករា នៅ​ឃុំ​ល្អក់​ស្រុក​អូរជុំ ខេត្ត​រតនគិរី។

លោក នួន មុល អធិការ​រង​នគរបាល​ស្រុក​អូរ​ជុំ​បាន​ប្រាប់​ថា ជន​សង្ស័យ​ដែល​វាយ​សម្លាប់​ប្រពន្ធ​លោក​បញ្ជូន​ខ្លួន​ទៅ​ស្នង​ការ​ខេត្ត​នៅ​ថ្ងៃ​ព្រហស្បតិ៍​នេះ បន្ទាប់​ពី​ចាប់​ខ្លួន កាល​ពី​ថ្ងៃ​ទី​២២​មករា ពាក់​ព័ន្ធ​នឹង​បទ​មនុស្ស​ឃាត។

លោក​នួន មុល​ប្រាប់​ដែរ​ថា ជន​សង្ស័យ​ឈ្មោះ រ ង៉វ អាយុ​៣០​ឆ្នាំ ឯ​ប្រពន្ធ​ឈ្មោះ តឹង ប៉ុង អាយុ​២៥​ឆ្នាំ​ជន​ជាតិ​គ្រឹង មាន​កូន​២​នាក់ កូន​ប្រុស​អាយុ​៩ឆ្នាំ និង​កូន​ស្រី​អាយុ​៣ឆ្នាំ។

លោក​ឲ្យ​ដឹង​ទៀត​ថា គ្រួសារ​នេះ​បាន​ធ្វើ​ខ្ទម​ស្នាក់​នៅ​ឯ​ចម្ការ​ហើយ​មុន​កើត​ហេតុ​ជន​សង្ស័យ​បាន​ត្រឡប់​មក​ពី​ធ្វើ​ចម្ការ ពេល​មក​ដល់​ប្រហែល​ជា​ឃ្លាន​បាយ​ក៏​ស្ទុះ​ទៅ​បើក​ឆ្នាំង តែ​ដោយ​មិន​ឃើញ​មាន​បាយ ជន​សង្ស័យ​ក៏​មាន​កំហឹង​ស្ទុះ​ទៅ​យក​បាន​ឈើ​មូល​ប៉ុន​ក​ដៃ​មនុស្ស​ចាស់​វាយ​សំពង​មក​លើ​ប្រពន្ធ​ដែល​អង្គុយ​មិន​ដឹង​ខ្លួន ដោយ​គ្មាន​ប្រណី។

តាម​សម្តី​កូន​ជន​រងគ្រោះ​ថា៖​«ស្រ្តី​ជា​ម្តាយ​មិន​ត្រឹម ត្រូវ​ប្តី​វាយ​សំពង​ទេ តែ​ថែម​ទាំង​យក​ឈើ​បុក​ពេញ​ខ្លួន​ឡើង​ទក់​សាច់​អស់​ដែល​សូម្បី​តែ​ប្រដាប់​ភេទ ក៏​បែក​សាច់​អស់​ដែរ រួច​ហើយ​អូស​យក​ទៅ​ចង​ក​នឹង​ខ្សែ​វល្លិ​ក្នុង​ព្រៃ​ក្បែរ​ខ្ទម​ក្នុង​ចម្ការ»។

លោក​ថា ថ្ងៃ​នោះ​ជន​សង្ស័យ​មិន​បាន​ផឹក​ស្រា​ស្រវឹង​ទេ ប៉ុន្តែ​គេ​តែង​រក​រឿង​ឈ្លោះ និង​វាយ​ធ្វើ​បាប​ប្រពន្ធ​ជា​ញឹក​ញាប់៕

អត្ថបទគួរចាប់អារម្មណ៍