The Phnom Penh Post Search

Search form




Logo of Phnom Penh Post newspaper Phnom Penh Post - បុរស​អ៊ីស្រាអែល​អាយុ ៥៧ ឆ្នាំ​ធ្លាក់​ពី​ជាន់​ទី​៥ផ្សារ​សូរិយា​ស្លាប់

បុរស​អ៊ីស្រាអែល​អាយុ ៥៧ ឆ្នាំ​ធ្លាក់​ពី​ជាន់​ទី​៥ផ្សារ​សូរិយា​ស្លាប់

បុរស​អ៊ីស្រាអែល​អាយុ ៥៧ ឆ្នាំ​ធ្លាក់​ពី​ជាន់​ទី​៥ផ្សារ​សូរិយា​ស្លាប់

ភ្នំពេញៈ បុរស​ជនជាតិ​អ៊ីស្រាអែល​ម្នាក់ បាន​ធ្លាក់​មក​ពី​លើ​អគារ​ជាន់ទី​ប្រាំ​នៃ​ផ្សារ​ទំនើប​សូរិយា​ស្លាប់​នៅ​នឹង កន្លែង​ ក្នុង​សង្កាត់​ផ្សារ​ថ្មីទី១ ខណ្ឌ​ដូនពេញ កាលពី​ម៉ោង​៦:៣០​នាទី​ល្ងាច​ថ្ងៃ​ម្សិលមិញ។

តាម​លោក​ស្រី​ចៅ សង្កាត់ ស៊ីន តូន និង​លោក សេង វុត្ថា នាយ​ប៉ុស្តិ៍​សង្កាត់​ផ្សារ​ថ្មី​ទី១ ឲ្យ​ដឹង​ថា អាជ្ញាធរ​បាន​ស្វែងរក​សញ្ញាណ​បុរស​បរទេស​រូប​នេះ​ភ្លាមៗ​ ជា​មួយ​នឹង​ការ​ពិនិត្យ​​សាកសព។

លោក សេង វុត្ថា និយាយ​ថា ៖ «គាត់​មាន​ប៉ាស្ព័រ​ថត​ចម្លង​មួយ ប្រើ​ឈ្មោះ Tenne Bin Jamin កើត​ឆ្នាំ​១៩៥៥​។ បុរស​នេះ​មាន​កម្ពស់ ១,៧០ ម៉ែត្រ»។

លោក​បន្ត​ថា បុរស​ដែល​មាន​រូបរាង​ស្គម មាន​ពាក់អាវ​យឺត​ពណ៌​ ក្រហម និង​ខោ​យោធា​ជើង​ខ្លី​បាន​ធ្លាក់​ពី​លើ​ជាន់​ទីប្រាំ​ក្នុង​ផ្សារ​សូរិយា មក​ដី​ក្បែរ​ជណ្តើរ​យន្ត។ តែ​គេ​នៅ​មិន​ទាន់​សន្និដ្ឋាន​ថា​ជា​ការ​សម្លាប់​ខ្លួន​ឬ​ក៏​ជា​ការ​ធ្វេស ប្រហែស​ណា​មួយ​នៅ​ឡើយ​។

លោក​មេ​ប៉ុស្តិ៍​បាន​បន្ត​ឲ្យ​ដឹង​ថា៖ «​ឥឡូវ​អាជ្ញាធរ​កំពុង​ធ្វើ​កោសល្យ​វិច័យ​សាកសព រួច​បញ្ជូន​ទៅ​តម្កល់​នៅ​វត្ត​ស្ទឹងមានជ័យ​»។ បើ​តាម​សាក្សី​ ដំបូង​គេ​ឮ​សូរ​ធ្លាក់​កញ្ចក់​បែក បន្ទាប់​មក​ក៏​ឃើញ​សាកសព​បុរស​ម្នាក់​នេះ​ធ្លាក់​មក​ដល់​ដី​ក្នុង ផ្សារ​នេះ​»៕

អត្ថបទគួរចាប់អារម្មណ៍