The Phnom Penh Post Search

Search form




Logo of Phnom Penh Post newspaper Phnom Penh Post - ប៉ូលិស​ក្រុង​ឃាត់​ខ្លួន​មនុស្ស​៤នាក់ ពី​បទ​ពង្រត់​ក្មេងស្រី




ប៉ូលិស​ក្រុង​ឃាត់​ខ្លួន​មនុស្ស​៤នាក់ ពី​បទ​ពង្រត់​ក្មេងស្រី

ប៉ូលិស​ក្រុង​ឃាត់​ខ្លួន​មនុស្ស​៤នាក់ ពី​បទ​ពង្រត់​ក្មេងស្រី

ភ្នំពេញៈ មនុស្ស​៤​នាក់ ត្រូវ​សមត្ថកិច្ច​នគរបាល​ប្រឆាំង​ការ​ជួញ​ដូរ​មនុស្ស​និង​ការពារ​អនីតិជន​រាជធានី​ភ្នំពេញ ព័ទ្ធ​ចាប់​ក្នុង​បន្ទប់​ផ្ទះ​សំណាក់​មួយ នៅ​ក្នុង​សង្កាត់​អូឡាំពិក ពី​បទ​សង្ស័យ​ថា​មាន​ជាប់​ពាក់ព័ន្ធ​នឹង​ករណី​ពង្រត់​ក្មេង​ស្រី​ជា​អនីតិជន​និង​បាន​នាំ​ខ្លួន​ទៅ​ស៊ើប​សួរ​កាល​ពី​ថ្ងៃ​ទី​២១ ខែ​កុម្ភៈ។

លោក កែវ ធា ប្រធាន​ការិយាល័យ​នគរបាល​ប្រឆាំង​ការ​ជួញ​ដូរ​មនុស្ស​និង​ការពារ​អនីតិជន​រាជធានី​ភ្នំពេញ បាន​ប្រាប់​ឲ្យ ដឹង​កាល​ពី​ម្សិល​មិញ​ថា ជន​សង្ស័យ​ទាំង​៤​នាក់ ដែល​កម្លាំង​សមត្ថកិច្ច​លោក បាន​ធ្វើ​ការ​ឃាត់​ខ្លួន គឺ​ធ្វើ​ឡើង​បន្ទាប់​ពី​ឪពុក​ម្តាយ​ក្មេងស្រី​រង​គ្រោះ បាន​ដាក់​ពាក្យ​ប្តឹង ដោយ​បាន​ចោទ​ប្រកាន់​ថា មាន​មនុស្ស​ចាប់​ពង្រត់​កូន​ស្រី​គាត់​ហើយ​សមត្ថកិច្ច ក៏ចុះ​ស្រាវជ្រាវ​និង​ឆែកឆេរ​និង​បាន​រក​ឃើញ​នៅក្នុង​បន្ទប់​លេខ​១០៥ ក្នុង​ផ្ទះ​សំណាក់​ហង្ស​ពេជ្រ ស្ថិត​នៅ​ក្នុង​សង្កាត់​អូឡាំពិក ខណ្ឌ​ចំការមន រាជធានី​ភ្នំពេញ។

លោក កែវ ធា ប្រាប់​ឲ្យ​ដឹង​ដែរ​ថា៖ «ជន​សង្ស័យ​ទាំង​៤​នាក់​មាន​តែ​ម្នាក់​ទេ​ដែល​ត្រូវ​ឃាត់​ខ្លួន​ជា​បណ្តោះ​អាសន្ន រីឯ​៣នាក់​ទៀត​សមត្ថកិច្ច​យើង​កំពុង​តែ​រៀប​ចំ​ឯកសារ និង​ធ្វើ​ការ​អប់រំ​ដើម្បី​ឲ្យ​ម្តាយ​ឪពុក​មក​ចុះ​កិច្ច​សន្យា​ទទួល​យក កូន​ទៅវិញ»។

លោកបញ្ជាក់​ឲ្យ​ដឹង​ថា ជន​សង្ស័យ​ម្នាក់​ដែល​សមត្ថកិច្ច​ឃាត់​ខ្លួន​មាន​ឈ្មោះ យ៉ាន់ រាជ អាយុ​១៩​ឆ្នាំ ឯក្មេងស្រី​រងគ្រោះ​លោក​សុំ​មិន​ប្រាប់​ឈ្មោះ​និង​អត្តសញ្ញាណ​ទេ គ្រាន់​តែ​ប្រាប់​ថា នាង​មាន​អាយុ​១៤ឆ្នាំ។

ក្រុម​គ្រួសារក្មេងស្រី​ជាអនីតិជន​មិន​អាច​ទាក់​ទង​សុំ​ការ​អត្ថាធិប្បាយ​បានទេ​ពី​ម្សិលមិញ៕

អត្ថបទគួរចាប់អារម្មណ៍