The Phnom Penh Post Search

Search form

Logo of Phnom Penh Post newspaper Phnom Penh Post - ប៉ូលិស​ម្នាក់​បាញ់​សម្លាប់​​ខ្លួនឯង​​នៅ​កំពង់​សិលា​




ប៉ូលិស​ម្នាក់​បាញ់​សម្លាប់​​ខ្លួនឯង​​នៅ​កំពង់​សិលា​

ប៉ូលិស​ម្នាក់​បាញ់​សម្លាប់​​ខ្លួនឯង​​នៅ​កំពង់​សិលា​

ព្រះសីហនុៈ មន្ត្រី​នគរបាល​ស្រុក​កំពង់​សិលា​ម្នាក់​បាន​ធ្វើ​អត្តឃាត​ដោយ​បាញ់ ខ្លួន​ឯង​នឹង​កាំភ្លើង​ខ្លី​កា-៥៩ ចំសៀត​ផ្កា កាល​ពី​យប់​ថ្ងៃ​ទី​១៣ ខែ​មីនា នៅ​ក្នុង​រមណីយ​ដ្ឋាន​ថ្ម​រូង​នៅ​ឃុំ​អូរ​បាក់​រទេះ ស្រុក​កំពង់​សិលា ខេត្ត​ព្រះ​សីហនុ ត្រូវ​អធិការ​ស្រុក​អះអាង​ថា​នៅ​មិន​ទាន់​ដឹង​ពី​មូល​ហេតុ​ពិត​នៅ​ឡើយ។

លោក ហ៊ី ដួង អធិការនគរបាល​ស្រុក​កំពង់​សិលា​បាន​ឲ្យ​ដឹងថា កូន​ប៉ូលិស​លោក​ដែល​បាន​បាញ់​សម្លាប់​ខ្លួន​ឯង​នោះ​មក​ដល់​ថ្ងៃទី​១៤ មីនា ស៊ើប​មិន​ទាន់​ដឹង​ថា មក​ពី​មូលហេតុ​អ្វី​ច្បាស់​លាស់​ទេ ហើយ​មុន​សម្លាប់​ខ្លួន​ក៏​មិន​មាន​ទំនាស់​អ្វី​ជាមួយ​មិត្ត​រួម​ការងារ អីដែរ។ ជន​រងគ្រោះ​ឈ្មោះ ហង្ស វុទ្ធី ភេទ​ប្រុស អាយុ​២៩​ឆ្នាំ ជា​នគរបាល​បម្រើ​ការ​នៅ​អធិការ​ដ្ឋាន​នគរ​បាល​ស្រុក​កំពង់​សិលា។

លោកថ្លែងថា៖«ខ្ញុំ​ព្យាយាម​រក​មូល​ហេតុ​ពិត​នៃការ​សម្លាប់​ខ្លួន​នេះ​ដែរ តែ​ក្រុម​គ្រួសារ និង​ម្តាយ​ជន​រង​គ្រោះ​និយាយ​ត្រឹម​ថា កូន​គាត់​មិន​គួរ​គិត​ខ្លីបែប​នេះទេ»។

លោកឲ្យដឹងថា ជនរង​គ្រោះ​ពីមុន​មក​នៅ​ប្រចាំ​ប៉ុស្តិ៍ តែ​ដោយ​មាន​បញ្ហា​ផឹកស្រា​រំខាន​ដល់​ការងារ លោក​ក៏ឲ្យ​ផ្លាស់​មក​នៅ​អធិការ​ដ្ឋាន​ស្រុក​វិញ​តែ​កន្លង​មក មិន​ធ្លាប់​មាន​បញ្ហា​អ្វី​ជាមួយ​មិត្ត​រួមការ​ងារទេ ហើយ​មុន​ថ្ងៃ​កើត​ហេតុ​គេ​បាន​សុំច្បាប់​២ថ្ងៃ ដើម្បី​ទៅ​ផ្ទះតែ​គេ​ទៅ​បាន​មួយ​ថ្ងៃក៏ត្រ​ឡប់​មក​អង្គភាព​វិញ។

លោកឲ្យដឹងតាម​ម្តាយ​ជនរងគ្រោះ​ប្រាប់​ថា​មុនថ្ងៃ​កើត​ហេតុ​ប៉ុន្មាន​ថ្ងៃជន រងគ្រោះ​បាន​ទៅសុំ​លុយ​ម្តាយ​២រយ​ដុល្លារ ហើយ​គាត់​ឲ្យ​តែ​១០០​ដុល្លារ​ទេ និង​មិន​ដឹង​ថា កូន​សុំ​លុយ​យក​ទៅ​ធ្វើអ្វី​ដែរ ស្រាប់​តែ​មាន​បញ្ហា​តែ​ម្តង។

មន្រ្តីនគរបាលក្នុង​ស្រុក​កំពង់​សិលា​បាន​ឲ្យដឹង​ថា មុន​ពេល​កើត​ហេតុ​គេ​បាន​ឃើញ​ជន​រងគ្រោះ​ខ្ចី​ម៉ូតូ​មិត្តភកិ្ត​ជា​ប៉ូលិស ដូចគ្នា​ជិះ​ចេញ​ទៅ​ក្រៅ​ប្រាប់​ថា​ទៅ​ទិញ​ទឹក​ផឹក។ លុះ​ទៅ​យូរ​ពេក​ម្ចាស់​ម៉ូតូ​ក៏បបួល​លោក​អធិការ​រង​ស្រុក​ម្នាក់ ​ចេញ​ទៅ​តាម​រក។ មន្ត្រី​រូប​នេះ​ប្រាប់​ថា យប់​កើត​ហេតុ​នោះ​មិត្ត​រួមកា​រងារ​ដែល​ទៅ​ហៅ​មក​វិញ​នោះ ឃើញ​ជន​រងគ្រោះ​ខុស​ប្លែក​ដោយ​នៅ​ក្នុងដៃ កាន់​អាវុធ​ខ្លី​១ដើម​លើក​រេ​ចុះ​ឡើង​ហើយ​ប្រកែក​មិន​មក​អង្គភាព​វិញ ក្រោយ​មក​ក៏​ឮ​ស្នូរ​បាញ់​សម្លាប់​ខ្លួន​តែ​ម្តង៕

អត្ថបទគួរចាប់អារម្មណ៍