The Phnom Penh Post Search

Search form




Logo of Phnom Penh Post newspaper Phnom Penh Post - ប្រពន្ធ​ជន​ពិការ​ប្តឹង​ចោទ​ប៉េអឹម​ម្នាក់​រឿង​វាយ​ប្តី​របួស




ប្រពន្ធ​ជន​ពិការ​ប្តឹង​ចោទ​ប៉េអឹម​ម្នាក់​រឿង​វាយ​ប្តី​របួស

ប្រពន្ធ​ជន​ពិការ​ប្តឹង​ចោទ​ប៉េអឹម​ម្នាក់​រឿង​វាយ​ប្តី​របួស

130208 09b
ជនរងគ្រោះត្រូវប៉េអឹមវាយបែកមាត់ រូប សហការី

កោះកុងៈ ប្រពន្ធ​ជន​រង​គ្រោះ​ជា​អតីត យោធា​ពិការ​ម្នាក់​បាន​ដាក់​ពាក្យ​​ប្តឹង​មន្រ្តី​កង​រាជ​អាវុធ​ហត្ថ​ ខេត្ត​កោះ​កុងម្នាក់​ ​ដោយ​បាន​ចោទ​​មន្រ្តី​រូប​​នោះថា ​បាន​វាយ​ប្តី​គាត់​ឲ្យ​របួស​​ធ្លាក់​ឈាម​ និង​ដេរ៥​ថ្នេរ ហើយ​បាន​មក​សម្រួល​សង​ប្រាក់​២០០​ដុល្លារ​តែ​គាត់​​មិន​ព្រម​យក​និង​សុំ​ឲ្យ​ ច្បាប់​រក​យុត្តិធម៌។ លោក ឡាយ​ ម៉េង​ឡាំង​ មន្ត្រី​នគរបាល​ខេត្ត​កោះកុង​ឲ្យ​ដឹង​ថា​ពាក្យ​បណ្តឹង​ដែល​ស្រ្តី​ ប្រពន្ធ​អតីត​យោធាពិការ​ប្តឹង​មន្រ្តី​កង​រាជ​អាវុធ​ហត្ថ​នោះ ​បញ្ជូន​ទៅ​សាលា​ដំបូង​ខេត្ត​កាល​ពី​ថ្ងៃ​ទី​៦ ​កុម្ភៈ។ លោក​បន្ត ថា ក្នុង​បណ្តឹង​នោះ​ប្តឹង​ចោទ​មន្រ្តី​កង​រាជ​អាវុធ​ហត្ថ​ពី​បទ​បង្ក​ហិង្សា​ ដោយ​ចេតនា​។ លោក​ប្រាប់​ថា​៖​«​ស្រ្តី​ប្រពន្ធ​ជន​រង​គ្រោះ​ បាន​ប្តឹង​ទាមទារ​ជំងឺ​ចិត្ត​២​ពាន់​ដុល្លារ ​ដើម្បី​យក​ទៅ​ព្យាបាល​របួស​ប្តី ​តែ​ខាង​ចុង​ចោទ​បដិសេធ​ថា​គេ​គ្រាន់​តែ​វាយ​ការ​ពារ​ខ្លួន​ប៉ុណ្ណោះ​»។​ លោក ​ថា តាម​សម្តី​ចុង​ចោទ​ថា គាត់​វាយ​ដើម​ចោទ​ការ​ពារ​ខ្លួន ​ព្រោះ​តែ​ការ​ជេរ​ប្រមាថ​មើល​ងាយ​គាត់​តែ​គាត់​មិន​ត្រូវ​របួស​ធ្ងន់​ទេ​ ប៉ុន្តែ​ខាង​ជន​រងគ្រោះ​ត្រូវ​របួស​ច្រើន​។ លោក​ នាង​ បូរ៉ាទីណូ មន្រ្តី​សមាគម​សិទ្ធិ​មនុស្ស​អាដ​ហុក​ប្រចាំ​ខេត្ត​កោះកុង​បាន​ប្រាប់​ថា ​​រឿង​នេះ​មាន​បណ្តឹង​ពី​ប្រពន្ធ​ជនរងគ្រោះ​មក​ដែរ ប៉ុន្តែ ខាង​អាដហុក​នៅ​មិន​ទាន់​បាន​ចុះ​ស៊ើប​អង្កេត​នៅ​ឡើយ​។ លោក​បន្ត​ថា​៖​«​ ខ្ញុំ​នឹង​បន្ត​តាម​ដាន​ចំណាត់​ការ​របស់​តុលាការ​ ព្រោះ​រឿង​នេះ​ មាន​ការ​ចោទ​ប្រកាន់​គ្នា​ទៅ​វិញ​ទៅ​មក​តាម​ផ្លូវ​តុលាការ​តែ​ខាង​ជន​រង​ គ្រោះ​ប្រាប់​ខ្ញុំ​ថា ​គាត់​មាន​សាក្សី​សំអាង​»។ អ្នក​ស្រី​ សំ​ សម្ផស្ស អាយុ​៤៦​ឆ្នាំ​ ប្រពន្ធ​ជន​រងគ្រោះ ប៉ោ ឌឿន ​អាយុ​៤៥​ឆ្នាំ​នៅ​ភូមិ១ ឃុំ​ស្មាច់មានជ័យ ​ក្រុង​ខេមរ​ភូមិន្ទ បាន​ប្រាប់​ថា ប្តី​គាត់​ឈ្លោះ​ជាមួយ​ឈ្មោះ​ ឡូ​ ជា​មន្រ្តី​ប៉េអឹម​ខេត្ត​រឿង​លេង​បាល់ ហើយ​មន្ត្រី​ស័ក្តិ៤​ប៉េអឹម​នោះ បាន​វាយ​ទាត់​ធាក់​ប្តីគា​ត់​តែ​ម្តង និង​គ្មាន​អ្នក​ណា​ហ៊ាន​ជួយ​គាត់​ទេ។ ​ឥឡូវ​​ប្តីគា​ត់​ធ្លាក់​ឈាម​និង​បាន​ដឹក​យក​ទៅ​ពេទ្យ​ខេត្ត​ដេរ​របួស​មាត់ ៥​ថ្នេរ​ទៀត​ផង​។ អ្នក​ស្រី​បន្ត​ថា​៖ «ក្រោយ​វាយ​ប្តី​ខ្ញុំ មាន​បុរស​ម្នាក់​អះអាង​ថា ខ្លួន​ជា​ចៅ​ក្រម​មក​និយាយ​សម្រួល​ឲ្យ​លុយ​ខ្ញុំ​២០០​ដុល្លារ​ តែ​ខ្ញុំ​មិន​យក​ ខ្ញុំ​ចាំ​មើល​ខាង​តុលាការ​ខេត្ត​កោះ​កុង​ចាត់​ការ​ក្នុង​រឿង​នេះ»​។ មន្ត្រី​ប៉េ​អឹម​រងការ​ចោទ​មិន​អាច​ទាក់​ទង​បាន​ទេ កាល​ពី​ម្សិ​លមិញ​៕

អត្ថបទគួរចាប់អារម្មណ៍