The Phnom Penh Post Search

Search form

Logo of Phnom Penh Post newspaper Phnom Penh Post - ប្រពន្ធ​អភិបាល​ខេត្ត កែប ស្លាប់​ក្នុង​គ្រោះថ្នាក់​ចរាចរណ៍




ប្រពន្ធ​អភិបាល​ខេត្ត កែប ស្លាប់​ក្នុង​គ្រោះថ្នាក់​ចរាចរណ៍

ប្រពន្ធ​អភិបាល​ខេត្ត កែប ស្លាប់​ក្នុង​គ្រោះថ្នាក់​ចរាចរណ៍

កំពតៈ មន្រ្តី​សមត្ថកិច្ច​ខេត្ត កែប បាន​និយាយ​ថា លោក​អភិបាល​ខេត្ត កែប និង​កូន​ស្រី​របស់​លោក​រង​របួស​ស្រាល ខណៈ​ពេល​ដែល​ភរិយា​របស់​លោក​បាន​ស្លាប់​បាត់បង់​ជីវិត​ក្នុង​ករណី ក្រឡាប់​រថយន្ត​កាល​ពី​យប់​ថ្ងៃ​ព្រហស្បតិ៍ ទី៣០ ខែ មករា នៅ​ក្នុង​ស្រុក ទឹក​ឈូ។

លោក អ៊ឹង សំអុល ស្នងការ​ខេត្ត កែប បាន​ថ្លែង​ថា លោក កែន សត្ថា អភិបាល​ខេត្ត កែប បាន​ជួប​គ្រោះថ្នាក់​ចរាចរណ៍​ដោយ​ក្រឡាប់​ឡាន នៅ​ពេល​ដែល​លោក​ធ្វើ​ដំណើរ​មក​ពី​ខេត្ត កំពត តាម​បណ្តោយ​ផ្លូវ​ជាតិ​លេខ ៣៣ ដែល​កំពុង​តែ​ធ្វើ​ការ​ជួស​ជុល។

លោក​បាន​ឲ្យ​ដឹង​ទៀត​ថា៖ «លោក​អភិបាល​ខេត្ត និង​កូន​ស្រី​មិន​មាន​ការ​រង​របួស​ធ្ងន់​ធ្ងរ​អី​នោះ​ទេ ប៉ុន្តែ​ជា​អកុសល និង​គួរ​ឲ្យ​សោក​ស្តាយ​បំផុត​សម្រាប់​មន្រ្តី និង​ប្រជា​ពលរដ្ឋ​ក្នុង​ខេត្ត​នោះ​គឺ​ការ​បាត់បង់​នូវ​ភរិយា​របស់​គាត់​គឺ លោក​ស្រី សុង សុរីដែត វ័យ ៦០ឆ្នាំ»។

លោក អ៊ឹង សំអុល និយាយ​ថា៖ «ប្រសិន​បើ​លោក​អភិបាល​ខេត្ត​មិន​គេច​ពី​ម៉ូតូ​នោះ​ទេ គ្រួសារ​របស់​លោក​ក៏​មិន​មាន​គ្រោះថ្នាក់​ដូច​នេះ​ដែរ ប៉ុន្តែ​លោក​បាន​គេច​ពី​ម៉ូតូ​ដែល​បើក​តម្រង់​មក​ឡាន​លោក ដែល​ម៉ូតូ​នោះ​ពុំ​មាន​ភ្លើង​បំភ្លឺ មាន​ដឹក​ជាល​សម្រាប់​ផ្ទុក​អីវ៉ាន់ និង​មាន​ឌុប​កូន និង​ប្រពន្ធ​ផង​ដែរ»។

លោក​បាន​បន្ត​ទៀត​ថា លោក​មិន​មាន​ការ​ចាប់ ឬ​ឃាត់​ខ្លួន​អ្នក​បើកបរ​ម៉ូតូ​នោះ​ទេ ដោយ​សារ​លោក​អភិបាល​ខេត្ត​មិន​មាន​ដាក់​ពាក្យ​បណ្តឹង​មក​ខាង​សមត្ថកិច្ច ហើយ​លោក​ក៏​មិន​ទាន់​ដឹង​ដែ​រថា តើ​លោក​អភិបាល​ខេត្ត​ដាក់​ពាក្យ​បណ្តឹង​ឬ​អត់​នោះ​ទេ ដោយ​រង់ចាំ​ពិធី​បុណ្យ​សព​រួច​រាល់​សិន។ សព​របស់​លោក​ស្រី សុង សុរីដែត នឹង​ធ្វើ​ការ​បូជា​នៅ​ថ្ងៃ​ចន្ទ​នេះ៕

អត្ថបទគួរចាប់អារម្មណ៍