The Phnom Penh Post Search

Search form

Logo of Phnom Penh Post newspaper Phnom Penh Post - មេ​ខ្យល់​ជាតិ​ចិន​និង​ខ្មែរ​៤នាក់ ត្រូវ​ចាប់​ខ្លួន​បញ្ជូន​ទៅ​តុលាការ​ភ្នំពេញ




មេ​ខ្យល់​ជាតិ​ចិន​និង​ខ្មែរ​៤នាក់ ត្រូវ​ចាប់​ខ្លួន​បញ្ជូន​ទៅ​តុលាការ​ភ្នំពេញ

មេ​ខ្យល់​ជាតិ​ចិន​និង​ខ្មែរ​៤នាក់ ត្រូវ​ចាប់​ខ្លួន​បញ្ជូន​ទៅ​តុលាការ​ភ្នំពេញ

130405_10a
ក្រុមជនបរទេសដែលចូលមកកម្ពុជា និងរកស៊ីល្មើសច្បាប់ ត្រូវសមត្ថកិច្ចចាប់ខ្លួនពីមុនមក ន ប.ជ ក

ភ្នំពេញៈ មេ​ខ្យល់​ជាជន​​ជាតិ​ចិន​ម្នាក់​ និង​ខ្មែរ៣នាក់​ ត្រូវ​​នគរបាល​ការិយាល័យ​ប្រឆាំង​ការ​ជួញ​ដូរ​មនុស្ស​និង​ការ​ពារ​អនី​ តិ-​ជន​រាជធា​នីភ្នំ​ពេញ​​ ចាត់​បញ្ជូន​ខ្លួន​​ទៅ​កាន់​សាលា​​ដំបូង​​រាជធានី​ភ្នំពេញ​នៅ​ថ្ងៃ​​ សុក្រ​នេះ​ បន្ទាប់​ពី​បាន​ចាប់​ខ្លួនពួក​គេ​ពី​ក្នុង​ផ្ទះ​សំណាក់​នីតា ​នៅ​ម្តុំ​ពោធិ៍ចិនតុង ខណ្ឌ​ពោធិ៍សែន​ជ័យ ពី​បទ​នាំ​ស្ត្រី​ជន​រង​គ្រោះ​១០​នាក់​ ក្នុង​នោះ​​​មាន​ម្នាក់​មិន​ទាន់​​គ្រប់​​អាយុ​​ បម្រុង​ឆ្លង​ដែន​ទៅ​ឲ្យ​រៀបការ​ប្តី​ឬ​ធ្វើ​ជា​កម្មករ នៅ​ក្នុង​ប្រទេស​ចិន​​​ខុស​ច្បាប់​ ។

លោក ​កែវ​ ធា ​ប្រធាន​ការិយាល័យ​ប្រឆាំង​​ការ​​ជួញ​ដូរមនុស្ស​​និង​ការ​ពារ​អនីតិជន​រាជធានី​ភ្នំពេញ​ ប្រាប់​ឲ្យ​ដឹង​​កាល​ពី​ម្សិល​មិញ​ថា ជ​នស​​ង្ស័យ​ជា​​មេ​ខ្យល់​ជាតិ​ចិន​ និង​ខ្មែរ​ចំនួន៤​នាក់​ដែលស​មត្ថ​កិច្ចស្រាវជ្រាវ​ចាប់​ឃាត់​ខ្លួន​កាល​ពី​​ ថ្ងៃ​​ទី​៣​ ខែ​មេសា​ត្រូវ​បញ្ជូន​ទៅ​សាលា​ដំបូង​រាជធានី​ភ្នំពេញ​នៅ​ថ្ងៃ​ទី​៥​មេសា ​ពាក់​ព័ន្ធ​នឹង​ការជួញ​ដូរ​និង​បម្រុង​នាំ​មនុស្ស​ឆ្លង​ដែន​។

លោក កែវ ធា ប្រាប់​ថា​៖«​ខ្ញុំ​បាន​ឃុំ​ខ្លួន​ពួក​គេ​នៅ​ក្នុង​ការិយាល័យ​របស់​ ខ្ញុំ និង​បាន​កសាង​សំណុំ​រឿង​រួច​ហើយ​ដើម្បី​បញ្ជួន​ទៅ​ឲ្យ​ចៅ​ក្រម​ស៊ើប​សួរ​ ដើម្បី​ធ្វើ​ការ​ចោទ​ប្រកាន់​។​ ពួក​មេ​ខ្យល់​បម្រុង​នាំ​មនុស្ស​ឆ្លង​ដែន ​ទៅ​ធ្វើ​កម្មករ​នឹង​អាច​រង​គ្រោះ ក្នុង​នោះ​មាន​ម្នាក់​អាយុ​១៦​ឆ្នាំ​ ហើយ​ត្រូវ​បាន​កែ​​អាយុ​។ ​បន្ទាប់​ពី​ធ្វើ​ការ​ឃាត់​ខ្លួន​ពួកគេ ខ្ញុំ​បាន​អប់រំ​ពួក​គាត់​និង​ពន្យល់​ពី​ច្បាប់​បើ​ជន​បរទេស​ណា​ចង់​រៀប​ ការ​ជា​មួយ​ជន​ជាតិ​កម្ពុជា​ ត្រូវ​មាន​ប្រាក់​ខែ​២.៥០០​ដុល្លារ​»​។

លោក បាន​បញ្ជាក់​ថា នៅ​ក្នុង​ចំណោម​មេ​ខ្យល់​ទាំង​ ៤​នាក់​ក្នុង​នោះ ​មាន​បុរស​ជនជាតិ​ចិន​ម្នាក់ ខ្មែរ​ ៣នាក់​ ដោយ​មាន​ស្រី​ម្នាក់ និង​បុរស​ជន​ជាតិ​ចិន​ម្នាក់​ ត្រូវ​បាន​កងកម្លាំង​នគរបាល​ការិយាល័យ​ប្រឆាំង​ការ​ជួញ​ដូរ​មនុស្ស ​និង​ការពារ​អនីតិជន​រាជ​ធានី​ ភ្នំពេញ​ និង​លោក​ព្រះរា​ជអាជ្ញារង មាស​ ច័ន្ទ​ពិសិដ្ឋ ឃាត់​ខ្លួន​ពួក​គេ​នៅក្នុង​ផ្ទះ​សំណាក់​ នីតា កាល​ពី​ល្ងាច​ថ្ងៃ​ទី​៣ ខែ​មេសា​នៅ​ចំណុច​ផ្លូ​វចូល​វត្ត​តាំងក្រសាំង ​ក្នុង​សង្កាត់​កាកាប​ ខណ្ឌ​ពោធិ៍សែនជ័យ​និង​បាន​រំដោះ​នារី​រង​គ្រោះ​បាន​ចំនួន​១០​នាក់ ក្នុង​នោះ​មាន​ម្នាក់​មិន​ទាន់​គ្រប់​អាយុ​រៀប​ការ​ តែ​ត្រូវ​គេ​កែ​អាយុ។

ចំណែក​ស្ត្រី​ចំនួន​៨​នាក់​ទៀត​ត្រូវ​បាន​សមត្ថកិច្ច​ដោះ​លែង​បន្ទាប់​ពី​សាក​សួរ​រួច។

លោក ​ប្រាប់​ទៀត​ថា​ ជន​រង​គ្រោះ​ទាំង​នោះ​បាន​មក​តាម​មេ​ខ្យល់​ដោយ​ស្ម័គ្រ​ចិត្ត​តាម​ការ​អូស​ ទាញ​និង​​ការ​បោក​បញ្ឆោត​របស់​ពួក​មេខ្យល់​ក្នុង​បំណង​នាំ​ក្រុម​នារី​ទាំង​ នោះ​​បម្រុង​ឆ្លង​ដែន​ទៅ​កាន់​ប្រទេស​ចិន​ដើម្បី​រៀប​ការ​​ជា​មួយ​បុរស​ជន​ ជាតិ​ចិន​ឬ​ក៏​យក​ទៅ​ធ្វើ​ជា​កម្មករ​ ដែល​អាច​ប្រឈម​ទៅ​នឹង​គ្រោះ​ថ្នាក់​ចំពោះ​ពួក​គេ​យ៉ាង​ខ្លាំង​។

មន្រ្តី ​ចូល​រួម​ក្នុង​ការ​បង្ក្រាប​ម្នាក់​ប្រាប់​ថា​ ​មាន​បុរស​ជន​ជាតិ​ចិន​ជាមេ​ខ្យល់​ធំ​នៅ​ប្រទេស​កម្ពុជា ជា​អ្នក​ធ្វើ​ការ​ទាក់ទង​ទៅ​កាន់​ប្រទេស​ចិន​ ហើយ​ជន​ជាតិ​ខ្មែរ​ គឺជា​អ្នក​ដើរ​ប្រមូល​ និង​ទាក់ទង​នារី​មក​ពី​តាមបណ្ដាខេត្ត នានា​ដូចជា ខេត្ត​កណ្តាល ខេត្ត​កំពង់ចាម និង​មក​ពី​ខេត្ត​មួយ​ចំនួន​ទៀត​។​

តាម ​ប្រ​ភព​ដដែល​បាន​ឲ្យដឹង​ថា ជន​សង្ស័យ​បាន​រត់​ការ​ឱ្យ​មេភូមិ មេឃុំ ជួយ​ធ្វើ​ការ​លិខិត​បញ្ជាក់​ថា ពួក​គេ​ពី​មាន​អាយុ​គ្រប់​រៀបការ ប៉ុន្ដែ​រូបថត​នារី​រង គ្រោះ​និង​ឈ្មោះ​ផ្សេង​គ្នា៕

អត្ថបទគួរចាប់អារម្មណ៍