The Phnom Penh Post Search

Search form




Logo of Phnom Penh Post newspaper Phnom Penh Post - មេ​ខ្យល់​នាំ​មនុស្ស​ឆ្លង​ដែន​ម្នាក់​ត្រូវ​ចាប់​ខ្លួន​នៅ​កោះកុង




មេ​ខ្យល់​នាំ​មនុស្ស​ឆ្លង​ដែន​ម្នាក់​ត្រូវ​ចាប់​ខ្លួន​នៅ​កោះកុង

មេ​ខ្យល់​នាំ​មនុស្ស​ឆ្លង​ដែន​ម្នាក់​ត្រូវ​ចាប់​ខ្លួន​នៅ​កោះកុង

130102_10b
មេខ្យល់នាំមនុស្សឆ្លងដែនទៅថៃ រូប សហការី

កោះកុងៈ ជន​សង្ស័យ​ជា​មេ​ខ្យល់​ម្នាក់​ត្រូវ​មន្ទីរ​ស្រាវ​ជ្រាវ​កង​រាជ​អាវុធ​ហត្ថ​ខេត្ត​កោះ​កុង​ចាប់​ខ្លួន តាម​ដីកា​សាលា​ដំបូង​ខេត្ត​ពី​បទ​នាំ​មនុស្ស​ឆ្លង​ដែន​ចេញ​មិន​ស្រប​ច្បាប់​និង​បាន​បញ្ជូន​ទៅ​ឃុំ​ខ្លួន​នៅ​ពន្ធនាគារ​ខេត្ត​កាល​ពី​ម្សិល​មិញ។

លោល រស់ សុខខឿន ប្រធាន​មន្ទីរ​ស្រាវ​ជ្រាវ​និង​យុត្តិធម៌​នៃ​កង​រាជ​អាវុធ​ហត្ថ​ខេត្ត​បាន​ប្រាប់​ថា ជន​សង្ស័យ​ឈ្មោះ ម៉ក់ ទន ហៅ តាក្របី អាយុ​៤៦​ឆ្នាំ ​នៅ​ភូមិ​ចាំ​យាម ឃុំ​ប៉ាក់​ខ្លង ស្រុក​មណ្ឌល​សីមា​ត្រូវ​បាន​ចាប់​ខ្លួន និង​បញ្ជូន​ទៅ​ពន្ធនាគារ​ខេត្ត​ហើយ​កាល​ពី​ម្សិល​មិញ។

លោកឲ្យដឹង​ថា ជន​សង្ស័យ​ត្រូវ​តុលាការ​បង្គាប់​ឲ្យ​ចាប់ ព្រោះ​កាល​ពី​ថ្ងៃ​ទី​៣១ ខែ​តុលា ឆ្នាំ​២០១២ ជន​នេះ​បាន​នាំ​ឈ្មោះ​ហ៊ឹម ស៊ុង, ភាក់, លី សៀក ជួន ហន,ជា ចាយ,ផាន ប៊ុនលី និង​ផាន ងួន នាំ​ឆ្លង​ដែន​ទៅ​ធ្វើ​ការ​នៅ​ថៃ​តាម​ម៉ូតូ​ឌុប តែ​ត្រូវ​សមត្ថកិច្ច​ហៅ​ស្រាប់​តែ​ជន​សង្ស័យ​ជិះ​ម៉ូតូ​គេច​ខ្លួន​បាត់។

តាម​ដីកា​បង្គាប់​នោះ ថា​ការ​នាំ​មនុស្ស​ឆ្លង​ដែន​នេះ​ជន​សង្ស័យ​បាន​ទារ​លុយ​ក្នុង​ម្នាក់ៗ​១​ពាន់​បាត ជា​ថ្នូរ​នឹង​ការ​នាំ​ចេញ​រក​ការងារ​ឲ្យ​ធ្វើ។ លោក​បញ្ជាក់​ថា ជន​សង្ស័យ​ត្រូវ​ពាក់​ព័ន្ធ​នឹង​បទ​ល្មើស​ព្រហ្ម​ទណ្ឌ​ដែល​មាន​ចែង​ឲ្យ​ផ្តន្ទា​ទោស​តាម​មាត្រា​១១​នៃ​ច្បាប់​ស្តីពី​ការ​បង្រ្កាប​ការ​ជួញ​ដូរ​មនុស្ស​និង​ការ​ធ្វើ​អាជីវកម្ម​ផ្លូវ​ភេទ៕

អត្ថបទគួរចាប់អារម្មណ៍