The Phnom Penh Post Search

Search form




Logo of Phnom Penh Post newspaper Phnom Penh Post - មេ​ទាហាន​ម្នាក់​រំលោភ ក្មេង​ស្រី​នៅ​ក្នុង​បន្ទាយ




មេ​ទាហាន​ម្នាក់​រំលោភ ក្មេង​ស្រី​នៅ​ក្នុង​បន្ទាយ

មេ​ទាហាន​ម្នាក់​រំលោភ ក្មេង​ស្រី​នៅ​ក្នុង​បន្ទាយ

បាត់ដំបងៈ មេ​បញ្ជា​ការ​រង​វរ​ការពារ​ព្រំ​ដែន​៥២៥ ត្រូវ​ឃាត់​ខ្លួន​បញ្ជូន​ទៅ​កង​ពល​តូច​ថ្មើរ​ជើង​លេខ​៥២ កាល​ពី​ម្សិល​មិញ បន្ទាប់​ពី​ត្រូវ​ឪពុក​ម្តាយ​ទៅ​ទាន់​កំពុង​តែ​ចាប់​រំលោភ​កូន​ស្រី​ផ្ទាល់​នឹង​ភ្នែក។

លោក ហេង ប៊ុនហៀង មេ​បញ្ជាការ​វរការពារ​ព្រំដែន​គោក​លេខ​៥២៥​ប្រាប់​ថា ជន​សង្ស័យ សាយ គឹមប៉ុង ជា​មេ​បញ្ជាការ​រង​អង្គភាព​៥២៥ ត្រូវ​កម្លាំង​កង​ពល​លេខ​៥២ នាំ​ខ្លួន​ទៅ​ស៊ើប​សួរ​បន្ទាប់​ពី​មាន​បណ្តឹង​ថា រំលោភ​ក្មេង​រង​គ្រោះ​វ័យ​១២​ឆ្នាំ រៀន​ថ្នាក់​ទី៤។

លោក ម៉ែន រីម អធិការ​រង​ស្រុក​សំឡូត​ថា ករណី​នេះ​កើត​ពី​ថ្ងៃ​ទី​១៤ ខែ​មករា​នៅ​ក្នុង​អង្គភាព​៥២៥ នៅ​ភូមិ​កញ្ចាំង ឃុំស៊ុង ស្រុក​សំឡូត ខេត្ត​បាត់​ដំបង។ ក្មេង​ស្រី​រង​គ្រោះ​វ.ដ.វ អាយុ​១២​ឆ្នាំ​ជា​កូន​មន្ត្រី​យោធា​ក្នុង​អង្គភាព​នេះ​ដែរ។

លោក​បន្តថា ជន​សង្ស័យ​នឹង​ត្រូវ​ធ្វើ​ទៅ​តាម​ឋានានុ​ក្រម​របស់​យោធា​និង​អនុវត្ត​ទៅ​តាម​ច្បាប់​កង​ទ័ព៕

អត្ថបទគួរចាប់អារម្មណ៍