The Phnom Penh Post Search

Search form

Logo of Phnom Penh Post newspaper Phnom Penh Post - យុ​វជន​ម្នាក់​លោត​សម្លាប់​ខ្លួន​​ពី​ជាន់​ទី​៤​​ ផ្សារ​សូរិយា




យុ​វជន​ម្នាក់​លោត​សម្លាប់​ខ្លួន​​ពី​ជាន់​ទី​៤​​ ផ្សារ​សូរិយា

យុ​វជន​ម្នាក់​លោត​សម្លាប់​ខ្លួន​​ពី​ជាន់​ទី​៤​​ ផ្សារ​សូរិយា

ភ្នំពេញៈ យុវជន​ម្នាក់​លោត​សម្លាប់​ខ្លួន​ពី​ជាន់​ទី៤​ ​ក្នុង​ផ្សារ​ទំនើប​សូរិយាក្រោយ​ពី​គេឮ​និយាយ​​ទូរស័ព្ទ​ផ្តែ​ផ្តាំ​ទៅ​មនុស្ស​ម្នាក់​​ កាល​ពី​ម៉ោង​ជាង​៨យប់​ថ្ងៃ​ទី៥​ ខែមីនា នៅក្នុង​សង្កាត់​ផ្សារ​ថ្មី​ទី​១ រាជធានី​ភ្នំពេញ​។

លោក​ សេង​ វុត្ថា​ នាយ​ប៉ុស្តិ៍​នគរ​បាល​ផ្សារ​ថ្មី​ទី១ បានឲ្យ​ដឹង​ពី​ម្សិល​​មិញ​ថា​ ជនរង​​គ្រោះជា​អ្នក​រស់នៅ​ជាយ​ដែន​ ព្រោះ​ក្រោយ​លោតសម្លា​ប់​ខ្លួន​គេ​បាន​រក​ឃើញ​លិខិត​តូច​​មួយ​ក្នុង​ហោប៉ៅ​ឈ្មោះ​ ពៅ រ​ស្មី អាយុ​២៤​ឆ្នាំ​ រស់នៅ​ភូមិ​បាលិលេយ្យ​ សង្កាត់-ក្រុង​ប៉ោយ​ប៉ែត​ ខេត្ត​បន្ទាយ​មាន​ជ័យ។​

តាម​សាក្សី​ឃើញ​ហេតុ​ការណ៍​​ប្រាប់​លោកមេ​ប៉ុ​ស្តិ៍ថា​ ជនរ​ង​គ្រោះ​​ស្លៀក​ខោខូ​វ​ប៊យ​ជើង​វែង​ពណ៌​ទឹក​ប៊ិក ពាក់​អាវយឺត​ពណ៌​ខ្មៅ​ដៃខ្លី​ ដោយ​មុន​ពេល​លោត​សម្លាប់​ខ្លួន​គេបាន​​ឃើញ​ជន​រង​គ្រោះបា​ន​ដើរឡើង​ទៅ​ដល់​ជាន់​ទី​៤កន្លះ​ ហើយ​ក៏​ឈរ​ចុច​​ទូរ​ស័ព្ទ និយាយ​យ៉ាង​យូរ ​​ហើយការ​សន្ទនា​គ្នា​​តាម​ទូ​រ​ស័ព្ទ មាន​​គេ​ឮជ​ន​រង​គ្រោះនិ​យា​យ​ថា​៖​«​យើង​បញ្ចប់​រឿង​យើង​ត្រឹម​ប៉ុណ្នឹង​ចុះ​ » ហើយ​គេក៏​លោត​ទម្លាក់​ខ្លួន​មកតែ​ម្តង​។

លោក​មេ​ប៉ុ​ស្តិ៍ ​ប្រាប់​ដែរ​ថា​យុវ-​ជន​នោះ​បាន​លោតពី​លើជ​ណ្តើរ​ជើង​ ធ្លាក់មក​បែក​លលាដ៍​ក្បាល​ បាក់​ជើ​ង​និង​រយះសា​ច់​ភ្លៅ ដេក​ស្លាប់​ផ្ងា​រគួរ​ឲ្យ​អាណោ​ច​អាធ័ម​​ណាស់។​ បើតាម​សមត្ថកិច្ច​​ចុះ​​ពិ​និត្យ​​សាក​សព ​បាន​រ​​ក​ឃើញស​ន្លឹក​ប័ណ្ណ​ជាប់​នឹង​ខ្លួន​ នោះ​សន្និដ្ឋាន​ថា ​ជន​រង​គ្រោះ​ជា​អ្នក​ចេញ​ចូល​ក្នុង​ផ្សារ​រុង​ក្លឿ ក្នុ​ង​ប្រទេស​ថៃ​ហើយ​សព​យុវជ​ន​ត្រូវ​សមត្ថ​កិច្ចយក​ទៅ​តម្កល់​ទុក​នៅ​ក្នុង​វត្ត​ស្ទឹង​មាន​ជ័យ​ ​ដើម្បី​រង់​ចាំ​សាច់​ញាតិ​មក​ទទួល​យក​ ​យ៉ាង​យូរ​​ត្រឹម​៧ថ្ងៃ​ តែ​បើ​គ្មាន​​​​សាច់​ញាតិ​​មិនមក​ទេនឹង​បូ​ជា​ហើយ​។

មិន​អាច​ស្វែង​រក​ព័ត៌មាន​លម្អិត​ពី​ខាង​សន្តិសុខ​ និង​អ្នក​លក់នៅ​ក្នុង​ផ្សារសូរិយាដែល​បាន​ឃើញ​ហេតុ​ការណ៍​នោះ​​បញ្ជាក់​បាន​ទេ​​កាល​ពី​ម្សិល​មិញ​៕

អត្ថបទគួរចាប់អារម្មណ៍