The Phnom Penh Post Search

Search form




Logo of Phnom Penh Post newspaper Phnom Penh Post - រដ្ឋ​មន្ត្រី​ឲ្យ​នគរបាល​រក​ពី​មូលហេតុ​កើន​ចោរ

រដ្ឋ​មន្ត្រី​ឲ្យ​នគរបាល​រក​ពី​មូលហេតុ​កើន​ចោរ

រដ្ឋ​មន្ត្រី​ឲ្យ​នគរបាល​រក​ពី​មូលហេតុ​កើន​ចោរ

ភ្នំពេញៈ បន្ទាប់​ពី​មាន​តួលេខ​បង្ហាញ​អំពី​ការ​កើន​ឡើង​ជាង ១០០ ភាគរយ​នៃ​បទល្មើស​លហុ​ទៅ​លើ​ជន​បរទេស​រដ្ឋ​មន្រ្តី​ក្រសួង មហាផ្ទៃ លោក ស ខេង កាល​ពី​ម្សិលមិញ​បាន​ឲ្យ​មន្ត្រី​ស្រាវជ្រាវ​រក​មូលហេតុ។

លោក ស ខេង បាន​ថ្លែង​ថា៖ «យើង​នឹង​បន្ត​ស៊ើប​អង្កេត​និង​ស្វែង​រក​មូល​ហេតុ​អំពី​បទ​ល្មើស​ហើយ​ថា ក្នុង​នោះ​មាន​ទាំង​ការ​ឆក់​កាបូប​អ្នក​ទេសចរ​បរទេស​និង​ជន​បរទេស។ លោក​បន្ត​ថា តំណាង​សហភាព​អឺរ៉ុប​បាន​ប្តឹង​ពី​បញ្ហា​នេះ។

លោក Nicolas Baudouin អ្នក​នាំ​ពាក្យ​នៅ​ស្ថានទូត បារាំង ថ្លែង​ថា ក្នុង​កិច្ច​ប្រជុំ​រវាង​លោក ស ខេង និង​មន្ត្រី​ទូត​អឺរ៉ុប​ប្រចាំ កម្ពុជា ពី​សប្តាហ៍​មុន​មន្រ្តី​ទូត​បាន​បង្ហាញ​អំពី​ក្តី​បារម្ភ​ពាក់ព័ន្ធ​នឹង​កំណើន​បទល្មើស​ដូចជា ឆក់​កាបូប​ទៅ​លើ​ពលរដ្ឋ​អឺរ៉ុប​ដែល​មក​លេង​ឬ​ស្នាក់នៅ កម្ពុជា»។

តួលេខ​របស់​សហភាព​អឺរ៉ុប​គឺ​ផ្អែក​ទៅ​លើ​របាយ​ការណ៍​នៃ​លិខិត​ឆ្លង​ដែន​ដែល​ត្រូវ​គេ​លួច​បាន​បង្ហាញ​ពី​ការ​កើន​ឡើង​នូវ​ការ​លួច​លិខិត​ឆ្លង​ដែន​ពី ១៣៩ ក្នុង ឆ្នាំ​២០១១ កើន​ដល់ ១៩០ ក្នុង ឆ្នាំ​២០១២ និង​រហូត ៣៣២ កាល​ឆ្នាំ​មុន។

លោក ស ខេង ថ្លែង​ដែរ​ថា ការ «សន្និដ្ឋាន​បឋម​របស់​លោក» ចំពោះ​ការ​កើន​នូវ​បទ​ល្មើស​ទ្រង់​ទ្រាយ​តូច​នេះ​គឺ​មក​ពី​ខ្វះ​កម្លាំង​នគរបាល ព្រោះ​តែ​ត្រូវ​បង្វែរ​ទៅ​រក្សា​សណ្តាប់ធ្នាប់​នៅ​កន្លែង​បាតុកម្ម​របស់​គណបក្ស​សង្គ្រោះ​ជាតិ។ លោក​ថ្លែង​ដែរ​ថា ជន​បរទេស​មួយ​ចំនួន​អាច​នឹង​ធ្វើ​ជា​បាត់​លិខិត​ឆ្លង​ដែន​ដើម្បី​ចៀស​ពី​ការ​បង់​ថ្លៃ​ទិដ្ឋាការ​ដែល​អស់​សុពលភាព។

លោក យឹម សុវណ្ណ អ្នក​នាំ​ពាក្យ​របស់​គណបក្ស​ប្រឆាំង បាន​ច្រាន​ចោល​ការ​លើក​ឡើង​ដំបូង​របស់​លោក ស ខេង។

លោក​ថ្លែង​ថា៖ «ខ្ញុំ​សូម​អះអាង​ថា នគរបាល​ជាច្រើន​ល្អ ប៉ុន្តែ​មួយ​ចំនួន​តូច​អនុញ្ញាត​ឲ្យ​មាន​អំពើ​ល្មើស​បែប​នេះ​កើត​មាន​ហើយ​បន្ទាប់​មក​យក​ប្រាក់​ពី​ចោរ ពីព្រោះ​ប្រាក់​ខែ​របស់​ពួក​គាត់​តិច​តួច»៕ PS

អត្ថបទគួរចាប់អារម្មណ៍