The Phnom Penh Post Search

Search form




Logo of Phnom Penh Post newspaper Phnom Penh Post - រថយន្ត​ដឹក​និស្សិត​ស្ម័គ្រ​ចិត្ត​វាស់​ដី​បុក​មនុស្ស​ស្លាប់​នៅ​ក្រុង​សៀមរាប




រថយន្ត​ដឹក​និស្សិត​ស្ម័គ្រ​ចិត្ត​វាស់​ដី​បុក​មនុស្ស​ស្លាប់​នៅ​ក្រុង​សៀមរាប

រថយន្ត​ដឹក​និស្សិត​ស្ម័គ្រ​ចិត្ត​វាស់​ដី​បុក​មនុស្ស​ស្លាប់​នៅ​ក្រុង​សៀមរាប

130215_09b
រថយន្តដែលដឹកក្រុមនិស្សិតស្ម័គ្រចិត្តចុះវាស់វែងដីធ្លីជូនប្រជាពលរដ្ឋ កាលពីក្នុងឆ្នាំ២០១២ ហេង ជីវ័ន

សៀមរាបៈ រថយន្ត​របស់​ក្រុម​និស្សិត​វាស់​ដីធ្លី​ដែល​បាន​បុក​ស្រ្តី​ម្នាក់​ស្លាប់ នៅ​ក្រុង​សៀមរាប​កាល​ពី​ថ្ងៃ​ទី១៣ ខែ​កុម្ភៈ​ហើយ​ត្រូវ​ខាង​នគរបាល​ចរាចរ​ផ្លូវ​គោក​ខេត្ត​ឃាត់​ខ្លួន​អ្នក បើកបរ​និង​ស្ទូច​យក​រថយន្ត​ទៅទុក​នៅ​ការិយា​ល័យ​ចរាចរណ៍​ខេត្ត ហើយ​ត្រូវ​អះ​អាង​ថា​កំពុង​កសាង​សំណុំ​រឿង​តាម​ផ្លូវ​ច្បាប់​តែមិន​ដឹង​ថា នឹង​បញ្ជូន​ទៅ​តុលាការ​ឬ​ក៏​ដោះ​ស្រាយ​គ្នា​ទេ។

លោក ជឹម សុវណ្ណ នាយ​ការិល័យ​នគរបាល​ចរាចរណ៍​ផ្លូវ​គោក​ខេត្ត​ឲ្យ​ដឹង​ពី​ម្សិល​មិញ​ថា រថយន្ត​ដឹក​ក្រុម​និស្សិត​ដែល​បង្ក​គ្រោះ​ថ្នាក់​បុក​ស្រ្តី​ម្នាក់ ស្លាប់​នៅ​ក្រុង​សៀមរាប មក​ដល់​ពេល​នេះ​មិន​ទាន់​មាន​ចំណាត់​ការ​នៅ​ឡើយ​ទេ ដោយ​គ្រាន់​តែ​ឃាត់​រថយន្ត​ទុក​សិន​ដើម្បី​រង់ចាំ​ការ​ដោះស្រាយ។

លោកថ្លែងថា៖ «ក្រោយ​បង្ក​ហេតុ​អ្នក​បើក​រថយន្ត​មិន​បាន​រត់​គេច​ទៅ​ណាទេ មន្ត្រី​បាន​ឃាត់​ខ្លួន​ទៅតាម​ច្បាប់​និង​បាន​យក​រថយន្ត​និង​ម៉ូតូ​ជន​រងគ្រោះ​ទៅ​រក្សា​ទុក ដើម្បី​កសាង​សំណុំ​រឿង​តែ​ខ្ញុំ​មិន​ទាន់​ច្បាស់​ថា នឹង​បញ្ជូន​ទៅ​តុលាការ ឬ​យ៉ាង​ណា​ទេ»។

មន្រ្តីអធិការដ្ឋាន​នគរបាល ក្រុង​សៀមរាប​បាន​រំឭក​ថា គ្រោះ​ថ្នាក់​ចរាចរណ៍​នេះ​កើត​ឡើង​ពី​រសៀល ថ្ងៃទី​១៣ ខែ​កុម្ភៈ នៅ​ផ្លូវកែង​ស្ដុប​អតីត​ស្ដាត​ចាស់ ក្នុង​ភូមិ​សាលា​កន្សែង សង្កាត់​ស្វាយ​ដង្គុំ ក្រុង​សៀមរាប។ ក្រោយ​ពី​កើត​ហេតុ រថយន្ដ​នោះ​បាន​បើក​រត់ ហើយ​ត្រូវ​សមត្ថកិច្ច​ចាប់​បាន​នៅ​ចំណុច​ស្ដុប​ឡាប៉េ ផ្សារ​កណ្ដាល ក្នុង​ក្រុង​សៀមរាប។ មន្រ្តី​ដដែល​នេះ​បន្ត​ថា រថយន្ដ​បង្ក​ពាក់​ស្លាក​លេខ ខ.ម 052 ពណ៌​ត្រេអ៊ី​សម្រាប់​ដឹក​ក្រុម​និស្សិត​ប្រចាំ​នៅ​ខេត្ដ​សៀមរាប​បាន​បុក ម៉ូតូ​ស្រ្តី​រងគ្រោះ​ចំ​ពី​ក្រោយ​ស្លាប់ ពេល​បញ្ជូន​ទៅ​មន្ទីរ​ពេទ្យ​ខេត្ត។ ឯស្ដ្រី​រងគ្រោះ​ឈ្មោះ លឹម រី​ណា អាយុ​៤៧ឆ្នាំ បាន​ជិះ​ម៉ូតូ​ម៉ាក​វ៉េវ ពណ៌​ខ្មៅ​ពាក់​ស្លាក​លេខ សៀមរាប ២L-១៥៥២ នៅ​ភូមិ​វត្ដ​ស្វាយ សង្កាត់​សាលា​កំរើក ក្រុង​-​ខេត្ដ​សៀមរាប។

មន្រ្តីនគរបាល​ក្រុង​ប្រាប់​ថា រឿង​នេះ​ប្រហែល​ជា​ត្រូវ​បញ្ចប់​គ្នា​ដោយ​ការ​សម្រុះ​សម្រួល​មិន​បញ្ជូន​ទៅ​តុលាការ​ទេ​ព្រោះ​គិត​ថា​ជា​គ្រោះថ្នាក់​ចៃដន្យ៕

អត្ថបទគួរចាប់អារម្មណ៍