The Phnom Penh Post Search

Search form




Logo of Phnom Penh Post newspaper Phnom Penh Post - លប​ទៅ​​ចាប់​នាង​ប្អូន​ច្រឡំ​ប៉ះ​នាង​បង​ត្រូវ​ជាប់​ខ្នោះ




លប​ទៅ​​ចាប់​នាង​ប្អូន​ច្រឡំ​ប៉ះ​នាង​បង​ត្រូវ​ជាប់​ខ្នោះ

លប​ទៅ​​ចាប់​នាង​ប្អូន​ច្រឡំ​ប៉ះ​នាង​បង​ត្រូវ​ជាប់​ខ្នោះ

ភ្នំពេញៈ ជន​សង្ស័យ​ជា​កម្មករ​រោងចក្រ​កាត់​ដេរ​ត្រូវ​សមត្ថកិច្ច​នគរបាល​ខណ្ឌ ពោធិ៍​សែន​ជ័យ​ចាប់​ឃាត់​ខ្លួន កាល​ពី​ព្រឹក​ម្សិល​មិញ នៅ​សង្កាត់​កាកាប​បន្ទាប់​ពី​ជន​ម្នាក់​នេះ​លប​ចូល​ទៅ​ក្នុង​បន្ទប់​នារី រងគ្រោះ​នៅ​ពាក់​កណ្តាល​អ្រធាត្រ​ថ្ងៃ​ទី៣ មករា បម្រុង​ចាប់​ប្អូន​តែ​ចៃដន្យ​ទៅ​រាវ​ប៉ះ​ចំនាង​បង ក៏​ស្រែ​ឆោឡោ​ធ្វើ​ឲ្យ​បែក​ការណ៍។

លោក សាន ប៉ែត នាយ​ប៉ុស្តិ៍​នគរបាល​ប៉ុស្តិ៍​សង្កាត់​កាកាប​ឲ្យ​ដឹង​ថា សមត្ថកិច្ច​បាន​ឃាត់​ខ្លួន​ជន​សង្ស័យ​ម្នាក់ កាល​ពី​ម្សិលមិញ​ដោយ​សង្ស័យ​ថា ពាក់ព័ន្ធ​នឹង​បទ​រំលោភ ហើយ​ត្រូវ​ខាង​នគរបាល​ព្រហ្ម​ទណ្ឌ​បញ្ជូន​ទៅ​អធិការ​ខណ្ឌ​ពោធិ៍សែន​ជ័យ ភ្លាមៗ​ដែរ ដើម្បី​សាក​សួរ។

មន្ត្រី​នគរបាល​ព្រហ្មទណ្ឌ​ដែល​ចុះ​ទៅ កន្លែង​ឃាត់​ខ្លួន​ជន​សង្ស័យ បាន​ឲ្យ​ដឹងថា តាម​សម្តី​នារី​រងគ្រោះ​ករណី​នេះ គឺ​ជន​សង្ស័យ​ជា​កម្មករ​រោងចក្រ​បាន​លួច​ស្រឡាញ់​នាង​ប្អូន ដោយ​មាន​បោះ​ពាក្យ​សម្តី​ឌឺដង​ដាក់​នាង​ផង​តែ​នាង​មិន​បាន​ចាប់​អារម្មណ៍​ទេ លុះ​ដល់​ពាក់​​កណ្ដាល​អ្រធាត្រ​ថ្ងៃទី​៣ ខែ​មករា​ជន​សង្ស័យ​បាន​លប​លួច​ចូល​ទៅ​បម្រុង​ចាប់​រំលោភ ខណៈ​ដែល​នារី​រងគ្រោះ​កំពុង​សម្រាក ប៉ុន្តែ​ជន​សង្ស័យ​រាវ​មិន​ប៉ះ​ចំនារី​ដែល​ខ្លួន​ស្រឡាញ់​នោះ​ទេ គឺ​ទៅ​ប៉ះចំ​នារី​ជា​បង​បង្កើត​នាង​វិញ ធ្វើ​ឲ្យ​នាង​​ស្រែក​ឆោឡោ​ឡើង​ផ្អើល​អ្នក​ជិត​ខាង​មក​មើល​លាន់ លុះ​ព្រឹក​ឡើង​នាង​ក៏​រាយ​ការណ៍​ប្រាប់​ប៉ូលិស​តែម្តង។

មន្រ្តីនគរបាល ខណ្ឌ​បន្ត​ថា​ហេតុការណ៍ នេះ​បាន​កើត​ឡើង​កាល​ពី​ម៉ោង​ជាង ១២ រំលង​អ្រធាត្រ ថ្ងៃ​ទី៤ ខែ​កុម្ភៈ​ នៅ​បន្ទប់​ផ្ទះ​ជួល​ស្ថិត​ក្នុង​ភូមិ​ចំការ​ឪឡឹក សង្កាត់​កាកាប ខណ្ឌ​ពោធិ៍​សែន​ជ័យ។ នារី​រងគ្រោះ​មាន អាយុ​២៥​ឆ្នាំ មុខ​របរ​កម្មករ​រោងចក្រ ស្នាក់​នៅ​ភូមិ​ទ្រា៤ សង្កាត់​ស្ទឹង​មាន​ជ័យ​ ខណ្ឌ​មានជ័យ។ ចំណែក​នារី​ជា​ប្អូន​ដែល​ជន​សង្ស័យ​ស្រឡាញ់​នោះ​មាន​ឈ្មោះ ស្រី​លក្ខ ស្នាក់​នៅ​ផ្ទះ​ជួល​ភូមិ​កើត​ហេតុ។ ជន​ជាប់​ចោទ​ឈ្មោះ ណាត ប៊ុណ្ណា ​ភេទ​ប្រុស អាយុ​២៣​ឆ្នាំ​មុខរបរ​កម្មករ​រោងចក្រ​ស្នាក់​នៅ​ផ្ទះ​ជួល សង្កាត់​ភ្នំពេញ​ថ្មី ខណ្ឌ​សែន​សុខ។

នគរបាលឲ្យ​​ដឹង​​ថា​ មុន​​កើ​ត​ហេតុ​​ជន​រង​គ្រោះ​​បាន​មក​ដេក​លេង​ស្នាក់នៅ​ជាមួយ​ប្អូនស្រី​មួយ ​យប់​ អំឡុង​ពេលនោះ​ជន​សង្ស័យ​បាន​ស្កាត់​ពី​សង្កាត់​ភ្នំពេញ​ថ្មី​មក​ដេក​នៅផ្ទះ​ មិត្តភក្ដិ​ដែល​នៅ​ម្តុំផ្ទះ​នារីរង​គ្រោះ​​មួយ​​យប់​​ដែរ​ និងដេ​ក​ជាមួ​យ​គ្នា​​ក្នុង​​បន្ទប់​តែមួយ​ ដោយ​មិន​បាន​ដាក់​គន្លឹះទ្វារ​ឲ្យ​បាន​ត្រឹមត្រូវ​នោះ​ទេ​ហើយ​​ដល់​រំលង​ អ្រធាត្រ​ក៏​ជួប​ហេតុការណ៍​នេះតែ​ម្តង​។

តាម​មន្រ្តី​នគរ​បាល​ប្រាប់​​ ដែរ​ថា​ ជន​​ជាប់​សង្ស័យ​ ​ទំនង ដោយ​សារ​យប់​​ង​ងឹត​​ពេល​បាន​ចូលទៅ​​ចាប់​ឱប​ច្រ​ឡំពោប​ពី​លើ​នាង​ជា​បង​ ស្រី​ដែលគេ​បាន​សា​សង​សម្តី​គ្នា​ពី​ថ្ងៃ ភ្លាម​ៗ​នោះ​​ជន​សង្ស័យ​ក៏​រត់​ត្រឡប់​​ចូល​ផ្ទះ​មិត្ត​ភក្ដិ​ខ្លួន​វិញ​ ទាំង​យប់​៕

អត្ថបទគួរចាប់អារម្មណ៍