The Phnom Penh Post Search

Search form




Logo of Phnom Penh Post newspaper Phnom Penh Post - លោកម៉ក់ ជីតូ ចុះ​ស៊ើប​រឿង​ស្រី​បារាំង​ស្លាប់​នៅ​កំពត




លោកម៉ក់ ជីតូ ចុះ​ស៊ើប​រឿង​ស្រី​បារាំង​ស្លាប់​នៅ​កំពត

លោកម៉ក់ ជីតូ ចុះ​ស៊ើប​រឿង​ស្រី​បារាំង​ស្លាប់​នៅ​កំពត

កំពតៈ ក្រុម​សមត្ថកិច្ច​ស៊ើប​អង្កេត​ករណី​ស្លាប់​ស្រ្តី​ទេសចរ​ជាតិ​បារាំង​បាន អះ​អាង​ពី​ម្សិល​មិញ​ថា ក្នុង​រយៈ​ពេល​នៃ​ការ​អង្កេត​​រក​ក្រុម​អ្នក​ពាក់​ព័ន្ធ​នឹង​ការ​ធ្វើ​ឃាត លើ​ស្រ្តី​​ជាតិ​បារាំង​នៅ​កំពតនេះ ​សមត្ថ​កិច្ច​បាន​រក​ឃើញ​ពន្លឺ​ខ្លះ​ៗហើយ ​ហើយ​ប្រហែល​ជា​បើក​កិច្ច​ប្រជុំ​មួយ​នៅខេត្ត​កំ​ពត​ ក្រោម​ការ​ដឹក​នាំ​ដោយ​លោក​ ម៉ក់​ ជីតូ​ ប្រធាន​នាយក​ដ្ឋាន​កណ្តាល​យុត្តិធម៌​នៅ​ថ្ងៃ​ព្រហស្បតិ៍​នេះ។

លោក អ៊ិន ជីវ៉ា ស្នងការ​រង​ខេត្ត​ឲ្យ​ដឹង​ពី​ម្សិល​មិញ​ថា ​នៅ​ថ្ងៃ​ព្រហស្បត៍​អាច​នឹង​មាន​កិច្ច​ប្រជុំ​មួយ ​ដែល​ដឹក​នាំ​ប្រជុំ​ដោយ​ប្រធាន​ព្រហ្មទណ្ឌ​លោក ម៉ក់ ជីតូ ផ្ទាល់​នៅ​ស្នងការ​ខេត្ត​កំពត​ ដើម្បី​វិភាគ​ទៅ​លើ​លទ្ធ​ផល​នៃ​ការ​ស្រាវ​ជ្រាវ​បាន​ធ្វើ​រួច។

លោក បញ្ជាក់ថា​ ៖ «​ពីម្សិល​មិញ​កម្លាំង​សមត្ថ​កិច្ច​ដែល​មាន​ខាង​មន្រ្តី​ប៉ូលិស​ជំនាញ​ ព្រហ្ម​ទណ្ឌ​ក្រសួង​មហា​ផ្ទៃនិង​កម្លាំង​ខេត្ត​បាន​ជួល​ទូក ឲ្យ​ទម្លាក់​អួន​អូស​រក​កង់​ស្រ្តី​រងគ្រោះ​នៅ​ក្នុង​ព្រែក​ តែនៅ​តែ​មិន​ឃើញ»។

លោក​ស្នង​ការ​រងបាន​ប្រាប់​ថា ​​លទ្ធផល​អាច​មាន​តម្រុយ​ខ្លះ​ហើយ ​ប៉ុន្តែ​លោក​សុំ​មិន​ធ្វើ​ការ​អធិប្បាយ​លម្អិត​ទេ ព្រោះ​នេះ​ជា​បច្ចេក​ទេស​របស់​សមត្ថ​កិច្ច​ ស៊ើប​អង្កេត។​ចំណែក​ការ​អង្កេត​សាក​សព​នៅ​មន្ទីរពេទ្យ​កាល់​ម៉ែត​កាល​ ពីម្សិល​មិញ​ មន្រ្តី​ប៉ូលិ​ស​ជំនាញបច្ចេ​ក​ទេស ​ក៏​នៅ​មិន​ទាន់​អាច​អះ-​អាង​បញ្ជាក់​ថា ​លទ្ធផល​ការ​ធ្វើ​កោសល​វិច័យ​យ៉ាង​ម៉េច​នៅឡើ​យ​ដែរ​។

លោក ​បន្ត​ថា​ ប៉ុន្មាន​ថ្ងៃម​ក​នេះ​លោក​បាន​ប្រកាស​អាសន្ន​ដោយ​បញ្ជាឲ្យ​គ្រ​ប់ប៉ូ​លិស​ ដែល​ មាន​ភូមិ​សាស្រ្តនៅ​ជា​ប់មា​ត់ព្រែក​ទាំង​អស់​ឲ្យចា​ត់​កម្លាំ​ងរុ​ក​រក​ គ្រប់​ច្រក​ល្ហកដោយ​សកម្ម​ជាង​មុន​ទៅ​ទៀត​។

លោក​ អ៊ុក​ ណារិន អនុ​ប្រធាន​នាយក​ដ្ឋាន​បច្ចេ​កទេ​សវិ​ទ្យាសា​ស្រ្តបា​ន​ប្រាប់​ថា ក្រុម​ជំនាញ​នៅ​មិន​ទាន់​បញ្ជាក់​ប្រាប់​ពី​លទ្ធផល​បាន​ទេ។ ប៉ុន្តែ​កាល​ពី​ថ្ងៃ​ទី​១២ ​ខែ​កុម្ភៈ​លោក​បាន​ប្រាប់​ថា មិន​ទាន់​រក​ឃើញ​ថាជា​ករណី​អី​នោះនៅ​ឡើយ​ទេ តែ​ក្រោយ​ការ​ធ្វើ​កោសល​វិច័យ​យើង​បាន​លទ្ធ​ផល​មួយ​ចំនួន​ជា​ជំហាន​ទី១ ប៉ុន្តែ យើង​នៅ​រង់ចាំ​ការ​ជួប​គ្នា​ដើម្បី​កំណត់​រក​លទ្ធផល​ពិត​ប្រាកដ​នៅ​ ដំណាក់​កាល​ទី២​ទៀត តែ​ស្លាក​ស្នាម​របស់​សាកសព ពិត​ជា​ករណី​ឃាតកម្ម​ហើយ។

ស្រ្តីរងគ្រោះឈ្មោះ Ophelie អាយុ ២៥​ឆ្នាំ ជា​ទេសចរ​ជន​ជាតិ​បារាំង ត្រូវ​គេ​ប្រទះ​ឃើញ​ស្លាប់​អណ្តែត​ទឹក​នៅ​ក្នុង​ព្រែក​មួយ​ក្នុង​ក្រុង​កំពត កាល​ពី​ថ្ងៃអា​ទិត្យ​កន្លង​ទៅ​ក្រោយ​ពី​បាន​បាត់​ខ្លួន​នាង​មួយ​យប់​ ខណៈ​នាង​ជិះ​កង់​ចេញ​ពីផ្ទះ​សំណាក់​តែ​ម្នាក់ឯង។ នាង Ophelie និង​មិត្តភក្តិ​នាង​បាន​ចូល​មក​ស្នាក់​នៅ​ផ្ទះ​សំណាក់ Les Manguiers នៅ​ក្រុង​កំព​ត ​កាលពី​ថ្ងៃ​ទី៤ កុម្ភៈ ក្នុង​ឋានៈ​ជា​ភ្ញៀវ​ទេសចរ ហើយ​អ្នក​ទាំង​ពីរ​គ្រោង​នឹង​ចាក​ចេញ​វិញ​នៅ​ថ្ងៃអាទិត្យ។

លោក ម៉ក់ ជីតូ ពីម្សិល​មិញ​មិន​អាច​ទាក់​ទង​សុំ​ការ​បញ្ជាក់បាន​ទេ​៕

អត្ថបទគួរចាប់អារម្មណ៍