The Phnom Penh Post Search

Search form

Logo of Phnom Penh Post newspaper Phnom Penh Post - សង្ឃ​មួយអង្គ​ទើប​មន្ត​មកពី​ថៃ ចងក​សុគត​




សង្ឃ​មួយអង្គ​ទើប​មន្ត​មកពី​ថៃ ចងក​សុគត​

សង្ឃ​មួយអង្គ​ទើប​មន្ត​មកពី​ថៃ ចងក​សុគត​

បាត់​ដំបងៈ សង្ឃ​មួយ​អង្គ​ទើប​ត្រឡប់​​មកពី​ប្រទេស​ថៃ​ ត្រូវ​គេ​ប្រទះ​ឃើញ​ចងក​នឹង​សំពត់​ងូត ទៅ​នឹង​ដើម​ក្រសាំង​សុគត កាល​ពី​ថ្ងៃទី​២៤ ​មីនា​ នៅក្នុង​ភូមិ​ត្បូង​បឹង​ ឃុំ​ស្រង់​ ស្រុក​គងពិសី​ ខេត្តកំពង់ស្ពឺ​ បន្ទាប់​ពី​វិលមក​ស្រុក​វិញ​ហើយ​ចេះ​តែ​​​​ដើរ​ប្រាប់​គេ​ឯង​ថា លោក​បាន​ធ្វើ​ខុស​ ហើយ​​​ចង់​តែស្លាប់​។

លោក​ សំ សាក់​ នាយ​ការិ​​យា​ល័យ​នគរបាល​​ព្រហ្ម​ទណ្ឌ​ខេត្ត​ឲ្យ​​ដឹងថា ​​ករណី​សង្ឃ​​ច​ង​ក​សម្លាប់​ខ្លួន​នោះ សមត្ថកិច្ច​​​ស្រាវ​ជ្រាវ​នៅ​មិនទាន់​​ដឹង​ថា ​មក​ពី​មូលហេ​តុអី​ប្រាកដ​ទេ​​។

លោក​ថ្លែង​ថា​៖ «​សមត្ថ​កិច្ច​បាន​​ធ្វើ​កោ​សល្យ​​វិច័យ​សា​ក​សព​រួច​ហើយ​ ហើយ​ក៏​មិន​មាន​ស្លាក​ស្នាម​អ្វី​អាច​ឲ្យស​មត្ថកិច្ច​សន្និ​ដ្ឋាន​ថា​ ជា​អំពើ​ឃាតកម្ម​ដែរ​ ក្រៅ​ពី​បង្ហាញ​ថា​ ​សង្ឃ​​អង្គ​នោះ ​​ធ្វើ​អត្ត​ឃាត​ពិត​មែន​»។

លោក​ អ៊ំ​ មែន ​ជាឪពុក​មា​​របស់​សង្ឃ​ធ្វើ​អត្ត​ឃាត​​ប្រាប់​ថា លោក​​ក្មួយ ​ឈ្មោះ ម៉ែ​ន សា​វីន​ អាយុ​២៤​ឆ្នាំ​ ជា​កូន​កំព្រាឪ​ពុក​ម្តាយ​បាន​គាត់​យក​មក​ចិញ្ចឹម​នៅ​ភូមិ​ត្បូង​ បឹង​ឃុំស្នំ​ក្រពើ​ ស្រុក​គង​ពិសី​ ខេត្ត​កំពង់​ស្ពឺ​ ​​ទើប​មន្ត​ត្រឡប់​មក​ពី​រៀន​​នៅខេត្ត​សុរិន្ទ​ ប្រទេស​ថៃ​។

លោកថា មកដល់​ភ្លាមលោក​ក្មួយ​ប្រាប់​​ថា មិន​ដឹង​ខ្លួន​ថា​មក​ដោយ​របៀប​ណា​ទេ ព្រោះ​ដឹង​ខ្លួន​​ឡើង​ស្រាប់​​តែនៅឯ​ខេត្ត​បាត់​ដំបង​ទៅ​ហើយ​ ហើយ​ក៏​ជិះ​ឡាន​​មក​ផ្ទះនៅ​ខេត្តកំពង់​ស្ពឺ​ ប៉ុន្តែ​នៅ​បាន​តែ​មួយ​ថ្ងៃ​ក៏ប្រាប់​គាត់​ថា គិត​មន្ត​​ទៅ​ថៃវិញ​ ព្រោះ​លោក​​ត្រូវ​ខ្មែ​រ​ខេត្ត​សុរិន្ទ​តែង​តាំង​ឲ្យធ្វើ​ជាសង្រ្ឃាជវត្ត​ ដូច្នេះគ្មា​ន​​ន​រ​​ណា​មើល​ខុ​ស​ត្រូ​វ​វ​ត្ត​ទេ​បើ​លោក​មិន​នៅ។

​ប៉ុន្តែ​ លោកក្មួយ​ដើរ​​​ប្រាប់​គេ​ថា ​លោកមាន​កំ​ហុស​​និងចង់​តែ​ស្លា​ប់​ទេ​ ​នៅ​ថ្ងៃទី​២៣ មីនា ​ក៏​​បាត់​ខ្លួន​ ប៉ុន្តែ ពេល​យប់​​ទូរ​ស័ព្ទ​មក​ប្រាប់​គេ​ឯង​ថា លោក​ចង់​តែ​ស្លាប់​ ​និង​ចេះ​តែ​និយាយ​ថា​ខ្លួន​បាន​ធ្វើ​ខុស តែ​មិន​ដឹង​ខុស​​អី ​ហើយ​នៅ​ថ្ងៃទី២៤ ខែ​មីនា ក៏​ឮដំណឹង​ថា ឃើញ​ចងក​សុគត នៅ​​នឹង​ដើម​ក្រសាំង​ជិត​ភូមិ​៕

អត្ថបទគួរចាប់អារម្មណ៍