The Phnom Penh Post Search

Search form




Logo of Phnom Penh Post newspaper Phnom Penh Post - សមត្ថកិច្ច​កំពុង​តាម​ប្រមាញ់​បុរស​ម្មាក់​សម្លាប់​លោក​តា​អាយុ ៧៤ឆ្នាំ

សមត្ថកិច្ច​កំពុង​តាម​ប្រមាញ់​បុរស​ម្មាក់​សម្លាប់​លោក​តា​អាយុ ៧៤ឆ្នាំ

សមត្ថកិច្ច​កំពុង​តាម​ប្រមាញ់​បុរស​ម្មាក់​សម្លាប់​លោក​តា​អាយុ ៧៤ឆ្នាំ

ពោធិ៍សាត់៖ សមត្ថកិច្ច​កំពុង​តាម​ប្រមាញ់​រក​បុរស​អាយុ ២៨ ឆ្នាំ​ម្នាក់​ ពាក់ព័ន្ធ​នឹង​បទ​ឃាតកម្ម​សម្លាប់ លោកតា​ចំណាស់​ម្នាក់​កាល​ពី​យប់​ថ្ងៃ​អាទិត្យ បន្ទាប់​ពី​បាន​វាយ​សម្លាប់​យ៉ាង​ឃោរឃៅ​ដែល​ជន​រងគ្រោះ​ស្ទើរ​តែ​ត្រូវ​បាន​កាត់​ដាច់​ក្បាល និង​លិង្គ​យ៉ាង​សាហាវ។

ជន​រងគ្រោះ​ឈ្មោះ ហាក់ ហ៊ន អាយុ ៧៤ ឆ្នាំ បាន​ប្រទះ​ឃើញ​ស្លាប់​ ក្នុង​ផ្ទះ​ស្ថិត​នៅ​ស្រុក​បាកាន ប្រមាណ​ជា​ម៉ោង ៨ ព្រឹក​ម្សិលមិញ។ សមត្ថកិច្ច​បាន​ដាក់​ការ​សង្ស័យ​លើ​ឈ្មោះ ត្រែង បូរី ដែល​ត្រូវ​បាន​គេ​រាយការណ៍​ថា បាន​រស់​នៅ​ជាមួយ​នឹង​ជន​រងគ្រោះ ក្នុង​ដំបូង​ផ្ទះ​តែ​មួយ​ជាង​ពីរ​ខែ​មក​ហើយ បន្ទាប់​ជន​រងគ្រោះ បាន​អាច​អនុញ្ញាត​ឲ្យ​ជន​សង្ស័យ​គ្មាន​ផ្ទះ​សម្បែង​នេះ​បាន​ជ្រក​កោន​ជាមួយ។

លោក នាង វុទ្ធ មេ​ប៉ូលិស​ស្រុក​បាកាន បាន​ឲ្យ​ដឹង​ថា តាម​ការ​រាយការណ៍​ពី​អ្នក​ជិត​ខាង ឃាតកម្ម​នេះ​កើត​ចេញ​ពី​ការ​ឈ្លោះ​ប្រកែក​គ្នា ដោយសារ​លោក​តា ហ៊ន អត់​ឲ្យ​ជន​សង្ស័យ​ចូល​ផ្ទះ​ដោយសារ​រូប​គេ​ស្រវឹង​ស្រា។

លោក​ថ្លែង​ថា «លោក ហ៊ន បាន​បណ្តេញ ត្រែង បូរី ឲ្យ​ចេញ​ពី​ផ្ទះ​របស់​គាត់ និង​ស្រែក​ជេរ​ប្រមាថ​ទៅ​ជន​រងគ្រោះ​ដោយ​ប្រើ​ពាក្យ «ក្ត»។

លោក វុទ្ធ បន្តថា បើ​តាម​អ្នក​ជិត​ខាង​ម្នាក់​ទៀត​រាយការណ៍​ថា បូរី ជួន​កាល​តែង​តែ​ត្រឡប់​មក​ផ្ទះ​យឺត ចន្លោះ​ពី​យប់​ម៉ោង​៧ ដល់​ម៉ោង ៨ យប់ ដែល​អំឡុង​ពេល​នោះ ប៉ូលិស​សង្ស័យ​ថា បុរស​នោះ​បាន​សម្លាប់​លោក​តា ហ៊ន រួច​ក៏​ជិះ​កង់​ចាក​ចេញ​ទៅ​ពេល​នោះ។

កម្លាំង​សមត្ថកិច្ច​កំពុង​តាម​ចាប់​ខ្លួន​ជន​សង្ស័យ​នោះ មក​ផ្តន្ទទោស​តាម​ច្បាប់៕

អត្ថបទគួរចាប់អារម្មណ៍