The Phnom Penh Post Search

Search form




Logo of Phnom Penh Post newspaper Phnom Penh Post - សាលា​ឧទ្ធរណ៍​បដិសេធ​ការ​សុំ​នៅ​ក្រៅ​ឃុំ​របស់​កម្មករ​សាប្រ៊ីណា

សាលា​ឧទ្ធរណ៍​បដិសេធ​ការ​សុំ​នៅ​ក្រៅ​ឃុំ​របស់​កម្មករ​សាប្រ៊ីណា

សាលា​ឧទ្ធរណ៍​បដិសេធ​ការ​សុំ​នៅ​ក្រៅ​ឃុំ​របស់​កម្មករ​សាប្រ៊ីណា

130712_09b
កម្មការិនីរោងចក្រសាប្រ៊ីណាពេលធ្វើកូដកម្មកាលពីខែមុន ម៉ៃ វីរៈ

ភ្នំពេញៈ សាលា​ឧទ្ធរណ៍​បាន​ច្រាន​ចោល​សំណើ​សុំ​នៅ​ក្រៅ​ឃុំ​របស់​សមាជិក​សហជីព និង​កម្មករ​ចំនួន​៨នាក់ របស់​សហជីព​សេរី​កម្មករ ដែល​ត្រូវ​បាន​ចាប់​ឃុំ​ខ្លួន​នៅ​ពន្ធនាគារ​ខេត្ត​កំពង់ស្ពឺ ដើម្បី​ធ្វើការ​ស៊ើប​អង្កេត ក្រោម​ការ​ចោទ​ប្រកាន់​ពី​បទ​ញុះ​ញង់​ក្នុង​អំពើ​ហិង្សា​នៅ​រោងចក្រ​សាប្រ៊ីណា កាល​ពី​ដើម​ខែ​មិថុនា។

លោក កៅ ទី មេធាវី​ចុង​ចោទ នៃ​សហជីព​សេរី​កម្មករ​បាន​ថ្លែង​ថា សាលា​ឧទ្ធរណ៍​បាន​សម្រេច​តម្កល់​ការ​សម្រេច​របស់​សាលា​ដំបូង​ខេត្ត​កំពង់ស្ពឺ ដោយ​បដិសេធ​សំណើ​នៅ​ក្រៅ​ឃុំ​របស់​ចុង​ចោទ​៨​នាក់​បន្ទាប់​ពី​សវនាការ​អសាធារណៈ​កាល​ពី​ថ្ងៃ​សុក្រ​មុន។

លោក​មេធាវី បញ្ជាក់​ថា​ការ​បដិសេធ​សំណើ​សុំ​ឲ្យ​កូន​ក្តី​នៅ​ក្រៅ​ឃុំ​នេះ​ចៅក្រម សំអាង​ថា បើ​ដោះ​លែង​ពួកគេ​ទាំង​៨​នាក់​ឲ្យ​នៅ​ក្រៅ​ឃុំ អាច​នឹង​បង្ក​បញ្ហា​ជា​ថ្មី​ទៀត តែ​លោក​គិត​ថា​បើ​ពួកគេ​នៅ​ក្រៅ​ឃុំ​គេ​អាច​រក​ចម្លើយ​ថ្មី​បាន។

លោក កៅ ទី បាន​សង្កត់​ធ្ងន់​ថា លោក​នឹង​បន្ត​ប្តឹង​សារទុក្ខ​ទៅ​តុលាការ​កំពូល​ទៀត​។ លោក​ថ្លែង​ថា​៖«យើង​នឹង​មិន​ប្រឆាំង​នឹង​ការ​សម្រេច​ឃុំ​ខ្លួន​របស់​តុលាការ​ទេ បើ​ពួក​គេ​ពិត​ជា​បង្ក​ឬ​បំផ្លាញ​ទ្រព្យ​សម្បត្តិ​ក្រុមហ៊ុន​មែន ប៉ុន្តែ ពួក​គេ​មិន​បាន​ធ្វើ​ដូច្នោះ​ទេ​។ យើង​សង្ឃឹម​ថា តុលាការ​កំពូល​នឹង​ពិចារណា​ហើយ​យល់​ព្រម​ដោះ​លែង​ពួក​គេ​តាម​សំណើ​យើង»។

លោក ឆែម រិទ្ធី ចៅក្រម​សាលា​ដំបូង​ខេត្ត​កំពង់ស្ពឺ​ដែល​កាន់​រឿង​ក្តី​នេះ បាន​ប្រាប់​ថា លោក​មិន​អនុញ្ញាត​ឲ្យ​មន្រ្តី​សហជីព​និង​កម្មករ​ទាំង​៨​នាក់​នោះ នៅ​ក្រៅ​ឃុំ​បាន​ទេ ពី​ព្រោះ​ដំណើរ​ការ​ស៊ើប​អង្កេត​មិន​ទាន់​បាន​បញ្ចប់​នៅ​ឡើយ។

លោក បញ្ជាក់​ថា​៖«​ដំណើរ​ការ​នៃ​ការ​សាក​សួរ​ដើម​ចោទ​និង​សាក្សី​ក្នុង​ករណី​រោងចក្រ​សាប្រ៊ីណា មិន​ទាន់​ចប់​ទេ ដូច្នេះ​យើង​មិន​អាច​ដោះ​លែង​ពួក​គេ​ឲ្យ​នៅ​ក្រៅ​ឃុំ​បាន​ឡើយ ព្រោះ​វា​អាច​បង្ក​ការ​ប៉ះ​ពាល់​ឬ​រំខាន​ដល់​ការ​ស៊ើប​អង្កេត​របស់​តុលាការ»។

លោក ឆែម រិទ្ធី បន្ត​ថា លោក​មិន​ទាន់​បាន​កំណត់​ថ្ងៃ​បើក​សវនាការ​លើ​រឿង​ក្តី​នេះ​នៅ​ឡើយ​ទេ​ព្រោះ​ការ​ស៊ើប​អង្កេត​មិន​ទាន់​ចប់​ហើយ​លោក​នឹង​បន្ត​ហៅ​សាក្សី​ជា​ច្រើន​ទៀត ដើម្បី​មក​សាកសួរ​ពួក​គេ​អំពី​រឿង​នេះ។

អ្នក​ស្រី Susan Chen ប្រធាន​រោងចក្រ​កាត់​ដេរ​សាប្រ៊ីណា បាន​អំពាវនាវ​ក្នុង​ប្រព័ន្ធ​ឃោសនា​ក្នុង​ស្រុក​ឲ្យ​រាជ​រដ្ឋាភិបាល​កម្ពុជា​«ប្រកាន់​ខ្ជាប់​ខ្ជួន នូវ​សិទ្ធិ​របស់​វិនិយោគិន​ដែល​ជា​អ្នក​គោរព​ច្បាប់​ពិត​ប្រាកដ ដូចជា ករណី​ក្រុមហ៊ុន​សាប្រ៊ីណា​នេះ ជា​ដើម។

អ្នក​ស្រី​បាន​កត់​សម្គាល់​ថា៖ «ប្រសិន​បើ​វិនិយោគិន​មិន​ត្រូវ​គេ​ផ្តល់​ការ​ការពារ​ខាង​ផ្លូវ​ច្បាប់ តាម​ដែល​ពួក​យើង​សម​នឹង​ទទួល​ទេ​នោះ វា​អាច​នឹង​ប៉ះ​ពាល់​ខ្លាំង​ដល់​មុខ​មាត់​របស់​ព្រះ​រាជាណាចក្រ​កម្ពុជា ហើយ​វា​ក៏​នឹង​ធ្វើ​ឲ្យ​រាំងស្ទះ​ទៅ​ដល់​ដំណើរ​ការ​វិនិយោគ នៅ​ក្នុង​ប្រទេស​កម្ពុជា​របស់​វិនិយោគិន​ដែល​មក​ពី​ទូទាំង​ពិភពលោក​ផង​ដែរ»៕ NR

អត្ថបទគួរចាប់អារម្មណ៍

  • កោះកុងៈ កូនអណ្តើក​ហ្លួង​ចំនួន ៣០ ​ក្បាល​បាន​ញាស់​ចេញពី​សម្បុក​នៅលើ​ឆ្នេរ​ខ្សាច់​សិប្បនិម្មិត​ក្នុង​មជ្ឈមណ្ឌល​អភិរក្ស​សត្វ​ល្មូន​ខេត្តកោះកុង កាលពី​សប្តាហ៍​កន្លងទៅ ហើយ​នេះ​គឺជា​លើក​ទី​ ២ ​ហើយ ដែល​អណ្តើក​ហ្លួង​ចិញ្ចឹម​ក្នុង​មជ្ឈមណ្ឌល​នេះ​បាន​ពង​កូន​។ នេះ​បើតាម​អង្គការ​សមាគម​អភិរក្ស​សត្វព្រៃ​នៅ​កម្ពុជា (WCS)​។

  • ភ្នំពេញៈ ការបញ្ចូល​មីក្រូ​សារជាតិ​ក្នុង​អង្ករ គឺជា​ជំហាន​ចម្បង​មួយ​ក្នុងការ​ដោះស្រាយ​បញ្ហា​អាហារូបត្ថម្ភ​ក្នុង​ប្រទេស​កម្ពុជា ដែល​ប្រជាជន​ភាគច្រើន​ទទួលទាន​បាយ ក្នុង​បរិមាណ​ច្រើន​ជា​រៀងរាល់ថ្ងៃ​។ នេះ​បើតាម​មន្ត្រី​ក្រុមប្រឹក្សា​ស្តារ​អភិវឌ្ឍន៍​វិស័យ​កសិកម្ម និង​ជនបទ​។

  • ភ្នំពេញ: ក្នុង​ចំណោម​ភោជនីយដ្ឋាន​ពោរពេញ​ដោយ​សិល្បៈ​ចម្អិន​ម្ហូបអាហារ ការ​គិតគូរ​ពី​និរន្តរភាព​បរិស្ថាន​ភព​ផែន​ដី និង​បង្កប់​រឿង​រ៉ាវ​ប្រពៃណី​វប្បធម៌​ដ៏​អស្ចារ្យ​នៅ​អេស្ប៉ាញ ប៉េរូ​សហរដ្ឋអាមេរិក​ ថៃ ដាណឺម៉ាក​ នូវែលសេឡង់ ចិន ជប៉ុន អ៊ីតាលី និង​ម៉ិកស៊ិក អាហារ​នៅ​​ផ្ទះ​ប្រពៃណី​បុរាណ​មួយ​​​តាម​ដង​ទន្លេ​មេគង្គ

  • ភ្នំពេញៈ ទាំង​អ្នកនយោបាយ អ្នកវិភាគ និង​ស្ថាប័ន​គណៈកម្មាធិការ​ជាតិ​រៀបចំ​ការបោះឆ្នោត​បានចាត់ទុក​ដំណើរការ​ឃោសនា​រក​សំឡេងឆ្នោត ក្នុង​រយៈពេល ៣ ​ថ្ងៃ​របស់​គណបក្ស​នយោបាយ ដែល​បាន​ចុះបញ្ជី​បេក្ខជន​ចូលរួម​បោះឆ្នោត​ជ្រើសរើស​ក្រុមប្រឹក្សាឃុំ សង្កាត់​អាណត្តិ​ទី​ ៥ ដែល​នឹង​ប្រព្រឹត្តទៅ​នៅ​ថ្ងៃទី​ ៥ ខែមិថុនា ថា មាន​ភាពចាស់ទុំ​ផ្នែក​នយោបាយ និង​មិនមាន​អំពើហិង្សា​ណាមួយ​កើតឡើង​នោះ

  • ភ្នំពេញៈ សាលាឧទ្ធរណ៍​ភ្នំពេញ​នៅ​ថ្ងៃទី​ ២៣ ​ឧសភា បានប្រកាស​សាលដីកា​កំបាំង​មុខមន្ត្រី​សមាគម​ការពារ​សិទ្ធិមនុស្ស​អាដហុក​ ៤ ​រូប និង​អតីត​មន្ត្រី​ ១ ​រូប​ទៀត​សម្រេច​តម្កល់​សាលក្រម​របស់​សាលាដំបូង​រាជធានី​ភ្នំពេញ​ដដែល បន្ទាប់ពី​បាន​កាត់ក្តី​ឱ្យ​ពួកគេ​ជាប់ពន្ធនាគារ​ក្នុង​ម្នាក់​ ៥ ​ឆ្នាំ តែ​ឱ្យ​អនុវត្ត​ទោស ​១៤ ​ខែ​ពាក់ព័ន្ធ​បទចោទ​សូកប៉ាន់​សាក្សី និង​សមគំនិត​សូកប៉ាន់​សាក្សី​ដល់​ នាង ខុម ចាន់តារាទី ហៅ​ ស្រីមុំ​។

  • បន្ទាយមានជ័យៈ ក្នុង​មួយ​ថ្ងៃៗ​មាន​ប្រជាពលរដ្ឋ​នៅតាម​ព្រំដែន ជាពិសេស​ពលករ​ខ្មែរ​ពី ​៤០០ ទៅ​ ៥០០​ នាក់​បាន​ទៅ​ស្នើសុំ​ធ្វើ​បណ្ណ​ឆ្លងដែន ដើម្បី​បាន​ចូលទៅ​ធ្វើការ ឬ​លក់ដូរ​ស្របច្បាប់ នៅក្នុង​ប្រទេស​ថៃ បន្ទាប់ពី​ភាគី​ទាំង​ ២​ បាន​ឯកភាព​គ្នា​បើក​ច្រកព្រំដែន​ឡើងវិញ កាលពី​ថ្ងៃទី​ ១ ខែឧសភា ក្នុង​កម្រិត​ថ្នាក់​តំបន់​។