The Phnom Penh Post Search

Search form




Logo of Phnom Penh Post newspaper Phnom Penh Post - សេដ្ឋី រុស្ស៊ី ដែល​គេ​ចង់​ចាប់​ខ្លួន​បាន​វិល​មក​កម្ពុជា




សេដ្ឋី រុស្ស៊ី ដែល​គេ​ចង់​ចាប់​ខ្លួន​បាន​វិល​មក​កម្ពុជា

សេដ្ឋី រុស្ស៊ី ដែល​គេ​ចង់​ចាប់​ខ្លួន​បាន​វិល​មក​កម្ពុជា

ភ្នំពេញៈ សេដ្ឋី​ជនជាតិ​រុស្ស៊ី​ឈ្មោះ Sergei Polonsky ជា​បុរស​ដែល​គេ​ចង់​ចាប់​ខ្លួន​នៅ​ប្រទេស រុស្ស៊ី ពាក់​ព័ន្ធ​នឹង​គម្រោង​សាង​សង់​បរាជ័យ​មួយ​ដែល​មាន​ទឹក​ប្រាក់ ១៧៦ លាន​ដុល្លារ បាន​ចាក​ចេញ​ពី​ប្រទេស អ៊ីស្រាអែល កាល​ពី​ចុង​សប្តាហ៍​មុន​ឆ្ពោះ​មក​ប្រទេស​កម្ពុជា​។ នេះ​បើ​តាម​ប្រព័ន្ធ​ផ្សព្វ​ផ្សាយ រុស្ស៊ី ដែល​បាន​រាយការណ៍។

ប្រព័ន្ធ​ផ្សព្វ​ផ្សាយ រុស្ស៊ី បាន​រាយការណ៍​ថា Polonsky ដែល​ជា​បុរស​បង្ក​បញ្ហា​ហិង្សា​នៅ​ខេត្ត ព្រះ​សីហនុ​បាន​ចាក​ចេញ​ពី​ប្រទេស អ៊ីស្រាអែល ដែល​ជា​ប្រទេស​គាត់​បាន​ស្នើ​សុំ​ចូល​សញ្ជាតិ​ហើយ​ឥឡូវ​នេះ បាន​ឆ្ពោះ​មក​ប្រទេស​កម្ពុជា​តាម​ទីក្រុង បាងកក។ ការ​រាយការណ៍​មួយ បាន​បង្ហាញ​ថា គាត់​បាន​មក​ដល់​ប្រទេស​កម្ពុជា​រួច​ហើយ។

ស្រ្តី​អ្នក​នាំ​ពាក្យ​ម្នាក់​ពី​ការិយាល័យ​ព័ត៌មាន​ផ្ទាល់​ខ្លួន​របស់​សេដ្ឋី​រូប​នេះ​បាន​បដិសេធ​មិន​ធ្វើ​អត្ថាធិប្បាយ​អំពី​ថា តើ​សេដ្ឋី​រូប​នេះ​កំពុង​ស្ថិត​នៅ​កន្លែង​ណា​នោះ​ទេ​កាល​ពី​ម្សិលមិញ។

លោក​ស្រី​បាន​ថ្លែង​តាម​អ៊ីមែល​ថា៖ «នៅ​ពេល​លោក Polonsky សម្រេច​ធ្វើ​សេចក្តី​ថ្លែង​ការណ៍​ជា​ផ្លូវ​ការ​នោះ​ខ្ញុំ​នឹង​អនុញ្ញាត​ឲ្យ​អ្នក​ដឹង»។

ការ​រាយការណ៍​បាន​ឲ្យ​ដឹង​ថា ប្រទេស រុស្ស៊ី បាន​រៀបចំ​ស្នើ​សុំ​ប្រទេស អ៊ីស្រាអែល ធ្វើ​បត្យាប័ន Polonsky នៅ​ពេល​ទិដ្ឋាការ​ទេសចរ​របស់​គាត់​អស់​សុពលភាព​នៅ​ចុង​ខែ កញ្ញា ហើយ​គាត់​បាន​ចាក​ចេញ​ពី​ប្រទេស​នេះ​ដោយ​សារ​ភ័យ​ខ្លាច​អំពី​បញ្ហា​សុវត្ថិភាព​របស់​គាត់។ សេដ្ឋី​រូប​នេះ​ប្រឈម​នឹង​បទ​ចោទ​ប្រកាន់​ហិង្សា​ដោយ​ចេតនា​នៅ​ប្រទេស កម្ពុជា​ដែល​នាំ​ឲ្យ​គាត់​ជាប់​ពន្ធនាគារ​រយៈ​ពេល ៣ ឆ្នាំ ប៉ុន្តែ​អាជ្ញាធរ បាន​ថ្លែង​ថា ពួក​គេ​នឹង​ដោះស្រាយ​សំណុំ​រឿង​របស់​គាត់​នៅ​ទីនេះ នៅ​មុន​ពេល​ពិចារណា​លើ​សំណើ​ណា​មួយ​ដែល​ស្នើ​សុំ​ធ្វើ​បត្យាប័ន​គាត់៕ PS

អត្ថបទគួរចាប់អារម្មណ៍

  • ភ្នំពេញៈ ប្រទេស​ កាតា បាន​ចុះ​អនុស្សរណៈ​ជាមួយ​ក្រសួង​អប់រំ យុវជន និង​កីឡា​លើ​គម្រោង​អភិវឌ្ឍន៍​ដើម្បី​កុមារ​ដំណាក់កាល​ទី​២ ដោយ​ផ្ដល់​មូលនិធិ​ជា​ថវិកា​ជាង​ ១៣ ​លាន​ដុល្លារ​អាមេរិក ដើម្បី​រួមចំណែក​ពង្រឹង​វិស័យ​អប់រំ​កម្ពុជា​ដោយ​ផ្ដោតលើ​កុមារ​ងាយ​រងគ្រោះ​ក្នុង​ការសិក្សា​នៅ​កម្រិត​បឋមសិក្សា ស្របតាម​គោលដៅ​អភិវឌ្ឍន៍​ប្រកប​ដោយ​ចីរភាព​ឆ្នាំ​ ២០៣០​។

  • ភ្នំពេញៈ ក្រុមហ៊ុន Asiatic Group (Holdings) Ltd ដែលមាន​មូលដ្ឋាន​នៅ​ប្រទេស​សិង្ហបុរី​កំពុង​ស្វែងរក​ការទាមទារ​ទឹកប្រាក់​ចំនួន​ ១៤,៤ ​លាន​ដុល្លារ​ ពី​ក្រុមហ៊ុនតំបន់​សេដ្ឋកិច្ច​ពិសេស​ភ្នំពេញ (PPSP) ​ដែល​ចុះបញ្ជី​នៅ​ក្រុមហ៊ុន​ផ្សារមូលបត្រ​កម្ពុជា (CSX) ចំពោះ​ការចោទប្រកាន់​ដែល​ថា​បាន​រំលោភ​លើ​កិច្ចព្រមព្រៀង​វិនិយោគ​រួម (JV) នៃ​រោងចក្រ​ថាមពល​មួយ​។

  • ភ្នំពេញៈ មន្ត្រី​នៃ​ក្រសួង​ការងារ និង​បណ្តុះបណ្តាល​វិជ្ជាជីវៈ​បាន​អះអាង​ថា កម្ពុជា និង​សិង្ហបុរី​បាន​ប្តេជ្ញា​បន្ត​កិច្ចសហការ​គ្នា​ឱ្យ​កាន់តែ​រឹងមាំ​ថែមទៀត ក្នុង​ការពង្រីក​លើ​វិស័យ​ការងារ និង​បណ្តុះបណ្តាល​ធនធាន​មនុស្ស​របស់​កម្ពុជា​ជាពិសេស​នៅក្នុង​បរិបទ​នៃ​ជំងឺ​​កូវីដ ​១៩​។

  • ភ្នំពេញ៖ ត្រឹមតែ​រយៈពេល ​១០ ​ខែ​ ភោជនីយដ្ឋាន ​Uncle Fu បាន​ធ្វើ​ឱ្យ​ភ្ញៀវ​​ចម្រុះ​ជាតិ​សាសន៍​ជាប់​ចិត្ត​នឹង​រសជាតិ​​ម្ហូប​ម៉ាឡេស៊ី​ និង​សិង្ហបុរី​។

  • កំពតៈ រោងចក្រ​ផលិត​ឥដ្ឋ​ដ៏ធំ​មួយ​ក្នុង​ខេត្តកំពត ដែល​មាន​ទុនវិនិយោគ ៩ ​លាន​ដុល្លារ​ជា​ការវិនិយោគ​រួមគ្នា​រវាង​វិនិយោគិន​ក្នុងស្រុក និង​វិនិយោគិន​មកពី​ប្រទេស​ចិន​បាន​សម្ពោធ​បើក​ដំណើរការ​ជា​ផ្លូវការ​ហើយ​កាលពី​ថ្ងៃអាទិត្យ ដោយ​អាចមាន​សមត្ថភាព​ផលិត​ឥដ្ឋ​បាន​ប្រមាណ ៨០ ​ម៉ឺន​ដុំ​ក្នុង​ ១ ​ថ្ងៃ​។

  • ភ្នំពេញៈ អគ្គស្នងការរង​នគរបាល​ជាតិ លោក ស ថេត ជំរុញ​ឱ្យ កងកម្លាំង​ប្រដាប់អាវុធ និង​មន្ត្រីរាជការ​ត្រូវ​ធ្វើជា​គំរូ​ដ៏ល្អ​សម្រាប់​ប្រជាពលរដ្ឋ​ទូទៅ​ក្នុង​ការគោរព​ច្បាប់​ចរាចរណ៍​នៅលើ​ដងផ្លូវ ដោយ​លោក​ប្រាប់​ឱ្យ​មន្ត្រី​នគរបាល​ចរាចរណ៍​កុំ​ភ័យខ្លាច​ក្នុង​ការអនុវត្ត​ច្បាប់​លើ​មន្ត្រី​ជាន់ខ្ពស់​ណា​ដែល​ប្រព្រឹត្ត​ខុស ខណៈ​ការបើកបរ​ល្មើសច្បាប់​នៅតែ​ជា​បញ្ហា​សម្រាប់​កម្ពុជា​។