The Phnom Penh Post Search

Search form




Logo of Phnom Penh Post newspaper Phnom Penh Post - ស្រវឹង​ខឹង​មិន​បញ្ចាំង​វីដេអូ​បំផ្លាញ​ទ្រព្យ​ក្នុង​វត្ត​ត្រូវ​ឃុំ​ខ្លួន




ស្រវឹង​ខឹង​មិន​បញ្ចាំង​វីដេអូ​បំផ្លាញ​ទ្រព្យ​ក្នុង​វត្ត​ត្រូវ​ឃុំ​ខ្លួន

ស្រវឹង​ខឹង​មិន​បញ្ចាំង​វីដេអូ​បំផ្លាញ​ទ្រព្យ​ក្នុង​វត្ត​ត្រូវ​ឃុំ​ខ្លួន

ពោធិ៍សាត់ៈ ជន​ស្រវឹង​ម្នាក់​ដែល ទៅ​វាយ​បំផ្លាញ​សម្បត្តិ​វត្ត​ស្រែ​បុណ្យ ព្រោះ​ខឹង​វត្ត​មិន​បញ្ចាំង​វីដេអូ​ឲ្យ​មើល ត្រូវ​សាលា​ដំបូង​ខេត្ត​បញ្ជូន​ទៅ​ឃុំ​ខ្លួន​នៅ​ពន្ធនាគារ​ខេត្ត កាល​ពី​ថ្ងៃ​ម្សិល​មិញ​បន្ទាប់​ពី​សាក​សួរ​និង​ចោទ​ប្រកាន់។

លោក យូ យឺននី ព្រះ​រាជ​អាជ្ញារង​អម​សាលា​ដំបូង​ខេត្ត​បាន​ឲ្យ​ដឹង​ថា ឈ្មោះ ឆិល សុខជា អាយុ​២១​ឆ្នាំ ដែល​ប៉ូលិស​ព្រហ្ម​ទណ្ឌ​ខេត្ត​ពោធិ៍​សាត់​បញ្ជូន​មក​តុលា​ការ​ពី​ថ្ងៃ​អង្គារ បាន​បញ្ជូន​ទៅ​ឃុំ​ខ្លួន​នៅ​ពន្ធនាគារ​ខេត្ត​ហើយ។

លោកបន្ត​ថា៖​«យើង​បាន​ចោទ​ប្រកាន់ បន្ទាប់​ពី​ជន​នេះ​សារភាព​ថា ពិត​ជា​បាន​វាយ​បំផ្លាញ​ទ្រព្យ​សម្បត្តិ​ក្នុង​វត្ត​នេះ​មែន»។

លោក ម៉ូ លីដា មន្ត្រី​នគរ​បាល នៃ​ស្នង​ការ​ដ្ឋាន​នគរបាល​ខេត្ត​បាន​ប្រាប់​ថា ជន​សង្ស័យ​ឈ្មោះ ឆិល សុខជា អាយុ​២១​ឆ្នាំ រស់​នៅ​ភូមិ​អង្រ្គង ឃុំ​សំរោង ស្រុក​ភ្នំ​ក្រវាញ ត្រូវ​នគរ​បាល​ស្រុក​ឃាត់​ខ្លួន​និង​បញ្ជូន​ទៅ​ស្នង​ការ​ខេត្ត កាល​ពី​ថ្ងៃ​អង្គារ បន្ទាប់​ពី​ជន​នោះ​ទៅ​វាយ​ស្គរ​ពេល​ព្រះ​សង្ឃ​កំពុង​សូត្រ​ធម៌ រួច​ចុះ​មក​វាយ​បំបាក់​ផ្កា​ឈូក​ស៊ីម៉ងត៍​ក្នុង​វត្ត​ចំនួន​៣ និង​រូប​ទេព​ប្រណម្យ​មួយ​ផង។

លោក មាស សាវេន អធិការ​នគរ​បាល​រង​ស្រុក​ភ្នំ​ក្រវាញ​ប្រាប់​ដែរ​ថា ជន​សង្ស័យ​ត្រូវ​ឃាត់​ខ្លួន​ភ្លាមៗ នៅ​ល្ងាច​ថ្ងៃ​ទី៨ ខែ​តុលា និង​បញ្ជូន​ទៅ​ស្នង​ការ​ខេត្ត បន្ទាប់​ពី​អាចារ្យ​វត្ត​ស្រែ​បុណ្យ​(ហៅ​វត្ត​ច័ន្ទ​សេរី)​ដាក់​ពាក្យ​ប្តឹង។

លោកបន្ត​ថា ជន​សង្ស័យ​បាន​ប្រាប់​ថា ខ្លួន​ផឹក​ស្រា​ស្រវឹង​ពី​ផ្ទះ បាន​ដើរ​ទៅ​វត្ត​បម្រុង​មើល​វីដេអូ​ដែល​វត្ត​បញ្ចាំង​ក្នុង​ពិធី​កាន់​បិណ្ឌ​ដូច​សព្វ​ដង តែ​ទៅ​ដល់​វត្ត​បែរ​ជា​ពុំ​មាន​បញ្ចាំង​ទៅ​វិញ គេ​ខឹង​ក៏​វាយ​បំផ្លាញ​របស់​ក្នុង​វត្ត​ទៅ»៕

អត្ថបទគួរចាប់អារម្មណ៍

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។

  • ភ្នំពេញៈ ក្រសួង​អប់រំ យុវជន​ និង​កីឡា​កំពុង​សហការ​ជាមួយ​ក្រសួង​ប្រៃសណីយ៍ និង​ទូរគមនាគមន៍ ព្រមទាំង​ដៃគូ​អភិវឌ្ឍន៍ និង​វិស័យ​ឯកជន ដើម្បី​រៀបចំ​តភ្ជាប់​ប្រព័ន្ធ​អ៊ីនធឺណិត​ដល់​គ្រឹះស្ថានសិក្សា​សាធារណៈ​​ក្នុង​រយៈពេល​ ៤ ​ឆ្នាំ​ (​ឆ្នាំ​ ២០២០-២០២៣) ​ដើម្បី​ផ្ដល់​ការរៀន​ និង​ការបង្រៀន​តាមបែប​ឌីជីថល​​ដែល​ការអនុវត្ត​ត្រូវធ្វើ​ឡើងជា​ជំហានៗ​ចាប់ពី​ចុងឆ្នាំ​នេះ​ទៅ​។