The Phnom Penh Post Search

Search form

Logo of Phnom Penh Post newspaper Phnom Penh Post - ស្រី្ត​ម្នាក់​ត្រូវ​ចាប់​បញ្ជូន​ទៅ​តុលាការ​ពី​បទ​រួម​ភេទ​នឹង​ក្មេង ១៣ ឆ្នាំ

ស្រី្ត​ម្នាក់​ត្រូវ​ចាប់​បញ្ជូន​ទៅ​តុលាការ​ពី​បទ​រួម​ភេទ​នឹង​ក្មេង ១៣ ឆ្នាំ

ស្រី្ត​ម្នាក់​ត្រូវ​ចាប់​បញ្ជូន​ទៅ​តុលាការ​ពី​បទ​រួម​ភេទ​នឹង​ក្មេង ១៣ ឆ្នាំ

បាត់ដំបងៈ សមត្ថកិច្ច​ស្រុក សំពៅលូន ខេត្ត បាត់ដំបង បាន​ឃាត់​ខ្លួន​ស្រី​ខ្ទើយ​អាយុ ២៩ ឆ្នាំ​ម្នាក់ បញ្ជូន​ទៅ​តុលាការ​កាល​ពី​ល្ងាច​ថ្ងៃ​ចន្ទ ពី​បទ​បោក​ប្រាស់​ក្មេង​ស្រី​វ័យ ១៣ ឆ្នាំ​ម្នាក់​យក​ទៅ​រួម​ភេទ​ក្នុង​ទឹក​ដី​ថៃ។

លោក ឈិត សេង អធិការ​រង​ស្រុក សំពៅលូន ឲ្យ​ដឹង​ថា ម្ដាយ​ក្មេង​ស្រី​រងគ្រោះ​បាន​ដាក់​ពាក្យ​ប្តឹង​មក​អធិការដ្ឋាន​នគរបាល​ស្រុក បន្ទាប់​ពី​កូន​ស្រី​ទូរស័ព្ទ​ពី​ថៃ​មក​ប្រាប់​ឲ្យ​ជួយ ខណៈ​ត្រូវ​ជន​សង្ស័យ​នាំ​ទៅ​បង្ខំ​រួម​ភេទ។

លោក​បន្ត​ថា ឈ្មោះ ជៀម សុឃីម បាន​នាំ​ក្មេង​ស្រី​នេះ​ពី​ផ្ទះ​កាល​ពី​ថ្ងៃ​ទី២២ ខែ កក្កដា បាន​ទៅ​ដល់​ប្រទេស​ថៃ ថ្ងៃ​ទី២៥ ខែ កក្កដា ហើយ​បាន​បង្ខំ​ក្មេង​ស្រី​រូប​នេះ​ឲ្យ​រួម​ភេទ​ជាមួយ​ខ្លួន។

លោក ឈិត សេង ប្រាប់​ថា៖ «ម្ដាយ​បាន​ទៅ​នាំ​នាង​ត្រឡប់​មក​កម្ពុជា​វិញ​កាល​ពី​ថ្ងៃ ទី២៩ ខែ កក្កដា និង​បាន​ដាក់​ពាក្យ​បណ្ដឹង​មក​យើង​។ ក្មេង​ស្រី​នេះ​ប្រាប់​ខ្ញុំ​ថា សុឃីម ជា​ស្រី​ខ្ទើយ​បាន​បង្ខំ​និង​គំរាម​វាយ​ដំ​នាង បើ​សិន​នាង មិន​ព្រម​រួម​ភេទ​ជាមួយ​គេ​ទេ»។

លោក​អធិការ​រង​អះអាង​ថា៖ «បន្ទាប់​ពី​បាន​ទទួល​ពាក្យ​បណ្ដឹង និង​សួរ​នាំ​ក្មេង​ស្រី​រួច យើង​បាន​ស៊ើប​រក​ជន​សង្ស័យ ហើយ​បាន​ចាប់​ខ្លួន​នាង​ពី​ថ្ងៃ​ចន្ទ​នេះ​ពេល​ត្រឡប់​ចូល​មក​កម្ពុជា​វិញ»។

លោក សេង បញ្ជាក់​ថា ជន​សង្ស័យ​សារភាព​ពី​អ្វី​ដែល​ខ្លួន​បាន​ប្រព្រឹត្ត ហើយ​ថា នេះ​មិន​មែន​ជា​លើក​ដំបូង​របស់​ខ្លួន​ទេ នាង​បាន​ប្រព្រឹត្ត​បែប​នេះ​ជាមួយ​ស្រីៗ​ជាច្រើន​ទៀត​ផង​ដែរ។

លោក ជេត វណ្ណនី ស្នងការ​រង​ខេត្ត បាត់ដំបង ពី​ម្សិលមិញ​បាន​ឲ្យ​ដឹង​ថា លោក​នឹង​បញ្ជូន​ជន​សង្ស័យ​ទៅ​តុលាការ​នៅ​ល្ងាច​ថ្ងៃ​ចន្ទ។ លោក​បន្ត​ថា៖ «ខ្ញុំ​កំពុង​រៀបចំ​ឯកសារ​មួយ​ចំនួន រួម​នឹង​ជន​សង្ស័យ​បញ្ជូន​ទៅ​តុលាការ​នៅ​ល្ងាច​នេះ ដើម្បី​ចាត់​វិធានការ​ទៅ​តាម​ផ្លូវ​ច្បាប់»។

លោក​បន្ថែម​ថា ករណី​នេះ​មិន​អាច​សម្រប​សម្រួល​បាន​ទេ ដោយ​សារ​ជន​សង្ស័យ​បាន​ប្រព្រឹត្ត​ល្មើស​ទៅ​លើ​ក្មេង​ក្រោម​អាយុ ១៥ ឆ្នាំ ហើយ​លោក​បាន​ចោទ​ប្រកាន់​បឋម​ពី​បទ​រំលោភ​ផ្លូវ​ភេទ​លើ​អនីតិជន តែ​មិន​ដឹង​ថា តុលាការ​នឹង​ចាត់​ការ​យ៉ាង​ណា​ទេ ករណី​នេះ៕ PN

អត្ថបទគួរចាប់អារម្មណ៍