The Phnom Penh Post Search

Search form

Logo of Phnom Penh Post newspaper Phnom Penh Post - ស្រ្តី​ជា​ម្តាយ​រឹត​ក​សម្លាប់​កូន ព្រោះ​ខឹង​ប្តី​មិន​ផ្ញើ​លុយ​ឲ្យ




ស្រ្តី​ជា​ម្តាយ​រឹត​ក​សម្លាប់​កូន ព្រោះ​ខឹង​ប្តី​មិន​ផ្ញើ​លុយ​ឲ្យ

Content image - Phnom Penh Post
សមត្ថកិច្ចត្រួតពិនិត្យកន្លែង​កើត​ហេតុ ករណី​ច្របាច់​ក​កូន​ខ្លួន​ឯង​នៅ​ស្រុក​ស្វាយលើ ខេត្ត​សៀមរាប​កាល​ពី​ម្សិលមិញ។ CPU

ស្រ្តី​ជា​ម្តាយ​រឹត​ក​សម្លាប់​កូន ព្រោះ​ខឹង​ប្តី​មិន​ផ្ញើ​លុយ​ឲ្យ

សៀមរាប៖ ទារិកា​អាយុ​ទើប​តែ​បាន ៦ ខែ​ម្នាក់​បាន​ស្លាប់ និង​បង​ប្រុស​អាយុ ​៣ ឆ្នាំ​របស់​នាង ​កំពុង​តែ​ទទួល​ការ​ព្យាបាល​នៅមណ្ឌល​សុខភាព បន្ទាប់​ពីត្រូវ​បាន​ម្តាយ​របស់​ពួកគេ​បាន​រឹត​ក​​និង​កន្សែង​ពោះ​គោ​នៅក្នុង​លំនៅឋាន​មួយ​​ដែល​ស្ថិត​នៅ​ស្រុក ​ស្វាយលើ នៃ​ខេត្តសៀម​រាប កាល​ពី​ម្សិល​មិញ។ នេះ​បើ​យោង​​តាម​ការ​ឲ្យ​ដឹង​របស់ លោក​ សឹង ម៉េង ​អធិការរង​ស្រុក។

លោក ម៉េង ​ប្រាប់​​ថា ម្តាយ​ជា​ស្រ្តី​ជាប់​សង្ស័យ​ឈ្មោះ ជឿន ផូ បានទទួល​រង​សម្ពាធ​ផ្លូវ​ចិត្ត​ជ្រុល រហូត​ពេទ្យ​ចេញ​វេជ្ជបញ្ជា​ឲ្យ​ទិញ​ថ្នាំ​លេប ហើយ​ម្តាយ​របស់​ស្រ្តី​ជាប់​ចោទ​បាន​ប្រាប់​សមត្ថកិច្ច​ថា គ្រួសារ​របស់​នាង​ពុំ​ដែល​ហ៊ាន​ទុក​នាង​ឲ្យ​នៅ​តែ​ឯង​ជាមួយ​នឹង​កូនៗ​នោះ​ឡើយ។

លោក James McCabe ​ប្រធាន​អង្គភាព​ការពារ​កុមារ​បាន​ឲ្យ​ដឹង​ដែរ​​ថា អ្នក​ជិត​ខាង​បាន​ប្រញាប់​ស្ទុះ​ទៅ​ផ្ទះ​របស់​គ្រួសារ​ស្រ្តី​សង្ស័យ​បន្ទាប់​ពី​បាន​លឺ​សម្រែក​របស់​ទារិកា​ឈ្មោះ លេជ វណ្ណី អាយុ ៦ ខែ និង កុមារា លេជ វណ្ណា អាយុ ៣​ឆ្នាំ ដែល​ជា​កូនៗ​របស់​ស្រ្តី​​សង្ស័យ។

​អ្នក​ជិត​ខាង​បាន​ជួយ​កុមារា វណ្ណា ទាន់​ពេល​វេលា ហើយ​ពេល​នេះ​រូប​គេ​កំពុង​តែ​សម្រាក​​ព្យាបាល​​នៅ​មណ្ឌល​សុខភាព​បង្អែក​ស្រុក និង​បាន​ឆ្លង​ផុត​ពី​ស្ថានភាព​ធ្ងន់ធ្ងរ​ហើយ។ ប៉ុន្តែ ជា​អកុសល ទារិកា វណ្ណី​ បាន​បាត់បង់​ជីវិត​ទៅ​ហើយ​នៅ​ពេល​ដែល​ក្រុម​សមត្ថកិច្ច​ចុះ​ទៅ​ដល់​កន្លែង​កើត​ហេតុ។​

លោក McCabe បាន​ឲ្យ​ដឹង​ថា ស្រ្តី​ជាប់​សង្ស័យ ឈ្មោះ ផូ បាន​សារភាព​ថា ខ្លួន​ពិត​ជា​បាន​រឹត​ក​សម្លាប់​កូន​ខ្លួន​ឯង​ពិត​មែន ដោយ​សារ​តែ​នាង​ខឹង​ប្តី​ដែល​ពុំ​បាន​ផ្ញើ​ប្រាក់​មក​ផ្ទះ។ លោក​អធិការ​រង សឹង​ ម៉េង​ បាន​បញ្ជាក់​ថា ប្តី​របស់​នាង​បាន​ចេញ​ទៅ​ធ្វើ​ការ​នៅឯ​ក្រុង​ប៉ោយប៉ែត កាល​ពី ១១ ថ្ងៃ​មុន។

លោក​និយាយថា៖ «​វា​គ្រាន់​តែ​ជា​ស្ថានភាព​មួយ​ទៀត​នៃ​ក្តី​អស់​សង្ឃឹម និង​ភាព​ក្រី​ក្រ​តែប៉ុណ្ណោះ»៕ Jack Davies/ TN

អត្ថបទគួរចាប់អារម្មណ៍