The Phnom Penh Post Search

Search form




Logo of Phnom Penh Post newspaper Phnom Penh Post - ស្លៀក​លីអូ​ប៉ង​ទៅ​ចាប់​រំលោភ​ត្រូវ​ស្ត្រី​រង​គ្រោះ​ចាប់​ដាក់​ខ្នោះ




ស្លៀក​លីអូ​ប៉ង​ទៅ​ចាប់​រំលោភ​ត្រូវ​ស្ត្រី​រង​គ្រោះ​ចាប់​ដាក់​ខ្នោះ

ស្លៀក​លីអូ​ប៉ង​ទៅ​ចាប់​រំលោភ​ត្រូវ​ស្ត្រី​រង​គ្រោះ​ចាប់​ដាក់​ខ្នោះ

ភ្នំពេញៈ ជន​សង្ស័យ​ស្លៀក​លីអូ​ចូល​ផ្ទះ​ស្រ្តី​រង​គ្រោះ​ប៉ង​រំលោភ​មិន​បាន​សម្រេច ហើយ​ត្រូវ​បាន​ស្រ្តី​រង​គ្រោះ​ដឹង​ខ្លួន​ខ្ទប់​ទ្វារ​ចាក់​សោ​និង​ចាប់​ខ្លួន កាល​ពី​យប់​ថ្ងៃ​ទី១ មករា ត្រូវ​សមត្ថកិច្ច​បញ្ជូន​ទៅ​សាលា​ដំបូង​ភ្នំពេញ​ហើយ។

លោកមុំ សុវត្ថិ អធិការ​នគរបាល​ខណ្ឌ​ដង្កោ​បាន​ឲ្យ​ដឹង​ពី​ម្សិល​មិញ​ថា យុវជន​សង្ស័យ​ត្រូវ​សមត្ថកិច្ច​ចាប់​ខ្លួន​បន្ទាប់​ពី​គេ​ស្លៀក​តែ​ខោលី​អូប៉ង​ចាប់​រំលោភ​ហើយ​ត្រូវ​ស្រ្តី​រង​គ្រោះ​ដឹង​ខ្លួន​ទាន់។

លោក​បន្ត​ថា៖​«ជន​សង្ស័យ​ត្រូវ​បញ្ជូន​ទៅ​សាលា​ដំបូង​មិន​លើស​ពី​៤៨​ម៉ោង​នោះ​ទេ​បន្ទាប់​ពី​សមត្ថកិច្ច​កសាង​សំណុំ​រឿង​ហើយ»។

លោក អ៊ុល សំអុល នាយ​ប៉ុស្តិ៍​នគរបាល​ព្រៃស​បាន​រំឭក​ប្រាប់​ថា​មុន​កើត​ហេតុ ជន​សង្ស័យ​ឈ្មោះ​សុខ ពៅ អាយុ​២១​ឆ្នាំ​នៅ​ភូមិ​រកា​កុះ សង្កាត់​ព្រៃស ផឹក​ស្រា​ស្រវឹង​ហើយ​ចូល​ទៅ​បន្ទប់​ស្ត្រី​រង​គ្រោះ​អ៊ុំ កុសល អាយុ​៣៣​ឆ្នាំ​ជា​កម្មការិនី​កាត់​ដេរ។ ប៉ុន្តែ​ពេល​ទៅ​ដល់​ក្បែរ​មាត់​ទ្វារ​មុខ​ក៏​ស្រាត​ខោ​ដោះ​អាវ​ទុក​នៅ​លើ​ពាង​ទឹក​នៅ​សល់​តែ​ខោ​លី​អូ តែ​ចូល​មិន​រួច ក៏​ដើរ​ទៅ​ក្រោយ​វិញ។ លោក​ថា​ពេល​នោះ​គេ​បាន​គាស់​ទ្វារ​ផ្ទះ​ខាង​ក្រោយ​លូន​ចូល​ទៅ​ប៉ង​ចាប់​រំលោភ​នាង តែ​ដោយ​ងងឹត​មើល​មិន​ឃើញ​ជន​សង្ស័យ​បាន​លូក​ដៃ​រាវ​ប៉ះ​ជើង​ធ្វើ​ឲ្យ​នាង​ស្រែក​ឆោ​ឡោ និង​រត់​ចេញ​ក្រៅ​ហើយ​ចាក់​សោ​ខ្ទប់​ជន​នោះ​នៅ​ក្នុង​ផ្ទះ។

ស្រ្តីរងគ្រោះ​ប្រាប់​ប៉ូលិស​ថា មុន​ពេល​កើត​ហេតុ​នាង​បាន​បិទ​ទ្វារ​ផ្ទះ​ចូល​ដេក នៅ​ម៉ោង​ជាង​១០​យប់​កំពុង​តែ​ដេក​លក់ ស្រាប់​តែ​គេ​គាស់​ទ្វារ​ខាង​ក្រោយ​ចូល​មក​រាវ​ចាប់​កជើង​នាង​ទាំង​២​ជាប់ ធ្វើ​ឲ្យ​នាង​ភ្ញាក់​ហើយ​ឃើញ​ជន​នោះ​ស្លៀក​តែ​ខោលី​អូ​អត់​ពាក់​អាវ។

ភ័យ​ពេក​នាង​ក៏​ស្ទុះ​ងើប​ទៅ​បើក​ទ្វារ​រត់​ចេញ​មក​ក្រៅ​ផ្ទះ​ស្រែក​ឆោ​ឡោ​ឡើង និង​ប្តឹង​នគរបាល​ឲ្យ​ចាប់​ខ្លួន​ជន​សង្ស័យ​តែ​ម្តង៕

អត្ថបទគួរចាប់អារម្មណ៍