The Phnom Penh Post Search

Search form




Logo of Phnom Penh Post newspaper Phnom Penh Post - ឡាន​ក្រុង​ប៉ះ​គ្នា​នៅ​ស្វាយរៀង​របួស​៤នាក់




ឡាន​ក្រុង​ប៉ះ​គ្នា​នៅ​ស្វាយរៀង​របួស​៤នាក់

ឡាន​ក្រុង​ប៉ះ​គ្នា​នៅ​ស្វាយរៀង​របួស​៤នាក់

ស្វាយរៀងៈ អ្នក​ដំណើរ​ជា​ជន​ជាតិ​វៀតណាម​៣នាក់​របួស​ធ្ងន់​និង​ម្នាក់​បាន​រង​របួស​ស្រាល​នៅ​ក្នុង​គ្រោះ​ថ្នាក់​ចរាចរណ៍​បង្ក​ដោយ​រថយន្ត​ក្រុង​បុក​ម៉ូតូ​១គ្រឿង​រួច​រេចង្កូត​ជ្រុល​ទៅ​បុក​រថយន្ត​ក្រុង​មួយ​ទៀត ដែល​បើក​បញ្ច្រាស​ទិស​គ្នា នៅ​លើ​កំណាត់​ផ្លូវ​ជាតិ​លេខ១ ក្នុង​ស្រុក​ស្វាយ​ទាប ខេត្ត​ស្វាយ​រៀង កាល​ពី​ថ្ងៃ​ទី២០ ខែ​តុលា។

លោក អ៊ុច សារ៉ន មន្ត្រី​ប៉ូលិស​ចរាចរណ៍​ផ្លូវ​គោក​ខេត្ត​ស្វាយ​រៀង​បាន​ប្រាប់​ថា គ្រោះ​ថ្នាក់​ចរាចរណ៍​នេះ​កើត​ឡើង​នៅ​ម៉ោង​៩:២០​នាទី​ព្រឹក​ថ្ងៃ​សៅរ៍ រវាង​រថយន្ត​ក្រុង​នៃ​ក្រុម​ហ៊ុន​អេស​អេច ពាក់​ស្លាក​ភ្នំពេញ 3B-6966 និង​ម៉ូតូ សង់​125 បើក​លើ​ផ្លូវ​ជាតិ​លេខ១ ឆ្ពោះ​ទៅ​ទិស​ខាង​លិច និង​រថយន្ត​ក្រុម​ហ៊ុន​ក្រុង​វ៉ារិច​ពាក់​ស្លាក​ភ្នំពេញ 3B -9993 ដែល​បញ្រ្ចាស​ទិស​គ្នា​និង​មាន​ផ្ទុក​អ្នក​ដំណើរ​ពេញ​ដូច​គ្នា។

លោក​បន្ត​ថា ទេសចរ​ជន​ជាតិ​វៀតណាម​ដែល​រង​គ្រោះ មាន ឈ្មោះ កឹង ទៀង​ហ្វឿង អាយុ​៣៩​ឆ្នាំ​មក​ពី​ក្រុង​ហូជីមិញ, ង្វៀង មិន​ថាន់ អាយុ ៣៥ឆ្នាំ មក​ពី​ក្រុង​ហូ ជីមិញ និង យឿង វ៉ាង​ថ្វាត អាយុ ៣១ឆ្នាំ មក​ពី​ខេត្ត​ត្រា​វិញ អ្នក​ទាំង​បី​បន្ទាប់​ពី​បាន​បញ្ជូន​ទៅ​សង្គ្រោះ​បន្ទាន់​នៅ​មន្ទីរ​ពេទ្យ​ខេត្ត​ រួច ក៏​បាន​បញ្ជូន​បន្ត​ទៅ ប្រទេស​វៀត​ណាម​ក្នុង​ថ្ងៃ​ដដែល​នោះ។

លោក​បន្តថា៖ «រថយន្ត​ទាំង​២គ្រឿង និង​ម៉ូតូ​១​គ្រឿង​កំពុង​រក្សា​ទុក​នៅ​អធិការ​ដ្ឋាន​នគរបាល​ចរាចរណ៍​ក្រុង​ស្វាយ​រៀង ដើម្បី​ធ្វើ​ការ​ដោះ​ស្រាយ​តាម​ច្បាប់»។

លោកឡឹក នាង អធិការ​រង​នគរបាល​ស្រុក​ស្វាយ​ទាប​បាន​ឲ្យ​ដឹង​ដែរ​ថា គ្រោះ​ថ្នាក់​ចរាចរណ៍​នេះ​បង្ក​ឡើង​ពី​រថយន្ត​ក្រុង SH បើក​លឿន​ជ្រុល​ទៅ​កៀរ​ម៉ូតូ​មួយ​គ្រឿង រួច​ជ្រុល​ទៅ​បុក​រថយន្ត​បញ្ច្រាស​ទិស​គ្នា ធ្វើ​ឲ្យ​រថយន្ត​ទាំង​២​កំពិត​ជញ្ជាំង​និង​បែក​កញ្ចក់​ចំហៀង។

ម្ចាស់​ម៉ូតូ​ត្រូវ​រថយន្ត​កៀរ​ឈ្មោះ ប៊ូ សារុន អាយុ ៥៦​ឆ្នាំ​រស់​នៅ​ភូមិ ចុង​ព្រែក សង្កាត់​-ក្រុង ស្វាយ​រៀង ប្រាប់​ថា គាត់​ជិះ​ម៉ូតូ​មក​ពី​ក្រុង​បាវិត ក៏ត្រូវ​ឡាន​កៀរ​ពី​ក្រោយ​សន្លប់​មួយ​សន្ទុះ​ធំ​ដែរ​តែ​មិន​ធ្ងន់ធ្ងរ​ទេ។

បុគ្គលិក​ក្រុម​ហ៊ុន​វ៉ារិច​មិន​ឲ្យ​បញ្ចេញ​ឈ្មោះប្រាប់​ថា រថយន្ត​៤៥​កៅអី​របស់​ក្រុម​ហ៊ុន​ត្រូវ​បែក​កញ្ចក់​មួយ​ចំហៀង​ខាង​ឆ្វេង​ទាំង​ស្រុង រីឯ​អ្នក​របួស​ម្នាក់​ត្រូវ​កញ្ចក់​ខ្ទាត​ចូល​ភ្នែក និង​២នាក់​ត្រូវ​ប៉ះ​ក្បាល​នឹង​អំបែង​កញ្ចក់ ត្រូវ​ក្រុម​ហ៊ុន​ចេញ​ថ្លៃ​ព្យាបាល​ឲ្យ​ទាំង​ស្រុង។ រីឯ​ក្រុម​ហ៊ុន​SH​មិន​អាច​ទាក់​ទង​បាន​ទេ​ពី​ម្សិលមិញ៕

អត្ថបទគួរចាប់អារម្មណ៍

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។

  • ភ្នំពេញៈ ក្រសួង​អប់រំ យុវជន​ និង​កីឡា​កំពុង​សហការ​ជាមួយ​ក្រសួង​ប្រៃសណីយ៍ និង​ទូរគមនាគមន៍ ព្រមទាំង​ដៃគូ​អភិវឌ្ឍន៍ និង​វិស័យ​ឯកជន ដើម្បី​រៀបចំ​តភ្ជាប់​ប្រព័ន្ធ​អ៊ីនធឺណិត​ដល់​គ្រឹះស្ថានសិក្សា​សាធារណៈ​​ក្នុង​រយៈពេល​ ៤ ​ឆ្នាំ​ (​ឆ្នាំ​ ២០២០-២០២៣) ​ដើម្បី​ផ្ដល់​ការរៀន​ និង​ការបង្រៀន​តាមបែប​ឌីជីថល​​ដែល​ការអនុវត្ត​ត្រូវធ្វើ​ឡើងជា​ជំហានៗ​ចាប់ពី​ចុងឆ្នាំ​នេះ​ទៅ​។