The Phnom Penh Post Search

Search form

Logo of Phnom Penh Post newspaper Phnom Penh Post - ឡាន​បែន​ដឹក​ដី​​បុក​ឡានកង់​៦ ស្លាប់​៣​របួស​៦​នាក់​




ឡាន​បែន​ដឹក​ដី​​បុក​ឡានកង់​៦ ស្លាប់​៣​របួស​៦​នាក់​

ឡាន​បែន​ដឹក​ដី​​បុក​ឡានកង់​៦ ស្លាប់​៣​របួស​៦​នាក់​

ប៉ៃលិនៈ មនុស្ស​​៣នាក់​បានស្លាប់​និង​៥នាក់​រងរបួស​ ក្នុង​គ្រោះ​ថ្នាក់​ចរាចរណ៍ រវាង​រថយន្ត​បែន​នឹង​រថយន្ត​ហ៊ីយ៉ាន់​ដាយ​កង់​៦​​បុកគ្នាពេញ​ទំហឹង ដោយ​សារ​រថយន្ត​បែន​បែក​កង់​​ ​នៅផ្លូវ​ជាតិ​លេខ​៥៧​ក្នុង​ភូមិដី​ក្រហម​ក្រុង​ប៉ៃលិន​ ខេត្ត​ប៉ៃលិន ​កាល​ពី​ថ្ងៃទី​១៦ ​មីនា​។

លោក​ ហែម​ គុជ​ មន្ត្រី​នគរ​បាល​​ចរាចរ​ផ្លូវ​គោក​​ខេត្ត​ឲ្យដឹងថា ក្នុងឧ​ប្បតិ​្តហេតុ​គ្រោះ​ថ្នាក់​នោះមាន​អ្នក​ស្លាប់​រហូត​ដល់​៣​នាក់​ រួម​ទាំង​តៃ​កុងឡា​នបែន​ម្នាក់​ផង ​ឯ ៦​នា​ក់ទៀត​រង​រ​បួស​ធ្ងន់​ស្រាល ​ឥឡូវ​កំពុង​សម្រាក​ព្យាបាល​នៅ​មន្ទី​រពេទ្យប​ង្អែក​ខេត្ត​។

លោកថ្លែងថា៖ «​​មូល​ហេតុ​បង្ក​​ពីរថយន្ត​បែនបែ​កក​ង់ហើ​យ​រេ​ចង្កូត​ឆ្លង​ទៅ​ចំណែ​កផ្លូវ​​ម្ខាង​​ ​ប៉ុន្តែ​​ ភាគី​ទាំងពីរ​បាន​​ចូលខ្លួន​ដោះស្រាយ​ហើយ​»។លោកថា ​ករណី​​នេះ បើ​ទោះ​​ភាគីទាំង​ពីរ​ប​ញ្ចប់​គ្នាក្រៅ​តុលាការ​ក្តី ​តាម​ច្បាប់​សមត្ថកិ​ច្ច​ត្រូវ​​ធ្វើកំ​ណត់​ហេតុ​បញ្ជូន​ទៅតុលាការ​ធ្វើ​ការ​វិនិ​ច្ឆ័​យដែរ​។

លោក​រំឭ​ក​ឲ្យដឹង​ថា​ គ្រោះ​ថ្នាក់​ចរាចរណ៍​នេះកើត​ឡើង​​នៅព្រឹក​​ថ្ងៃទី​​១៦​ ខែ​​មីនាលើ​​កំណាត់ផ្លូវ​ជាតិ​លេខ​៥៧ ​ក្នុង​ភូមិ​ដីក្រហម សង្កាត់​អូរ​តា​វ៉ៅ ក្រុងប៉ៃលិន​ ដោយ​រថយន្ត​បែន​ម៉ាក​ហ៊ីយ៉ាន់ដាយ ពណ៌​ស ពាក់​ស្លាក​លេខ 3A-2359 ​បើកបរ​ពី​ខេត្ត​ប៉ៃលិនឆ្ពោះទៅ​ភ្នំពេញ តែដល់​ចំណុចកើតហេតុក៏​បែកកង់​មុខ​ឆ្វេង​រេ​ចង្កូត​ទៅបុក​រថយន្ត​​ដឹក​ផ្លែស្វាយ​ម៉ាក​ហ៊ីយ៉ាន់ដាយ ពាក់​ស្លាក​លេខ​ កំពត 3A-0039 បើកបរ​ពី​ទិស​ខេត្តបាត់ដំបង ឆ្ពោះទៅ​ភូមិ​ផ្សារ​ព្រំ សង្កាត់​ស្ទឹង​កាច់ ច្រកទ្វារ​អន្តរជាតិ​ព្រំ ដើម្បី​លក់​ទៅ​ថៃ​ ចំ​ពីមុខ​តែម្ដង​។

លោក ​ហែម ​គុជ ​ប្រាប់​ថា ​​ស្រ្តីម្នាក់​បាន​កៀប​ជាប់​ស្លាប់​ក្នុង​រថយន្ត​និង​មនុស្ស​២នាក់​​រងរបួស​ធ្ងន់​​បាន​​ស្លាប់​ក្រោយ​ពេល​បញ្ជូន​ដល់​មន្ទីរ​ពេទ្យ​។

អ្ន​ករង​គ្រោះ​​ស្លាប់​មាន​ឈ្មោះ ​អ៊ួ​ន យ៉ាន ភេទ​ស្រី អាយុ ៧៨​ឆ្នាំ នៅ​ខណ្ឌ​សែន​សុខ រាជធានី​ភ្នំពេញ​ ឡេង វណ្ណ​នី ភេទ​ប្រុស អាយុ ២៦​ឆ្នាំ ស្លាប់​នៅ​មន្ទីរពេទ្យ​ ជា​អ្នក​បើកបរ​រថយន្ត​បែន នៅ​ក្រុងប៉ៃលិន។ ​ឯ​ម្នាក់​ទៀត​ស្លាប់​នៅ​មន្ទីរ​ពេទ្យដែរ​​​​សមត្​ថកិច្ច​នៅមិន​ទាន់​​ស្គាល់ឈ្មោះ​ទេ​។​ ឯអ្នក​របួស​​ស្នាក់​ព្យាបាល​​នៅ​មន្ទី​ពេទ្យ​នៅឡើយ​​ ចំណែក​រថយន្ត​បង្កទាំង២ ត្រូវ​ប៉ូលិស នាំ​យកទៅ​រក្សាទុកនៅ​​ស្នងការដ្ឋាន​នគរបាលខេត្ត​៕​

អត្ថបទគួរចាប់អារម្មណ៍