The Phnom Penh Post Search

Search form




Logo of Phnom Penh Post newspaper Phnom Penh Post - អតីត​សង្ឃ​ចាក់​សម្លាប់​គ្រូ​សូត្រ វត្ត​សាមគ្គី​រង្សី​​ ត្រូវ​ឃុំ​ខ្លួន​នៅ​គុកព្រៃស




អតីត​សង្ឃ​ចាក់​សម្លាប់​គ្រូ​សូត្រ វត្ត​សាមគ្គី​រង្សី​​ ត្រូវ​ឃុំ​ខ្លួន​នៅ​គុកព្រៃស

ប៉ូ​លិស​អូស​ដៃ​អតីត​សង្ឃដែល​ធ្វើ​គត​់​គ្រូ​សូត្រ​ឆ្វេង​ វត្ត​​សាមគ្គីរង្សី ទៅឃុំ​នៅ​គុកព្រៃស​។ រូបថត ផា លីណា
ប៉ូ​លិស​អូស​ដៃ​អតីត​សង្ឃដែល​ធ្វើ​គត​់​គ្រូ​សូត្រ​ឆ្វេង​ វត្ត​​សាមគ្គីរង្សី ទៅឃុំ​នៅ​គុកព្រៃស​។ ផា លីណា

អតីត​សង្ឃ​ចាក់​សម្លាប់​គ្រូ​សូត្រ វត្ត​សាមគ្គី​រង្សី​​ ត្រូវ​ឃុំ​ខ្លួន​នៅ​គុកព្រៃស

ភ្នំពេញៈ ព្រះ​សង្ឃ​ដែល​ចាក់​សម្លាប់​សង្ឃ​កម្ពុជា​ក្រោម​ដូច​គ្នា​ នៅ​វត្ត​សាមគ្គី​រង្សី ​ក្នុង​ខណ្ឌ​មានជ័យ​ ត្រូវ​បាន​តុលាការ​ចោទ​ប្រកាន់​ពី​បទ​ «ហិង្សា​មាន​ស្ថាន​ទម្ងន់​ទោស​» តាម​មាត្រា​ ២២៤ ​នៃ​ក្រម​ព្រហ្ម​ទណ្ឌ​ដែល​អាច​​ជាប់​ពន្ធនាគារ​រហូត​ដល់​ ១៥ ​ឆ្នាំ​ ហើយ​បញ្ជូន​ទៅ​ឃុំ​ខ្លួន​បណ្តោះ​អាសន្ន​នៅ​ពន្ធនាគារ​ព្រៃស ​កាល​ពី​ម្សិល​មិញ។

មន្ត្រី​តុលាការ​បាន​ឲ្យ​ដឹង​ថា ​ជន​ដៃ​ដល់​ឈ្មោះ ​លី ​ទឹង ​អាយុ​ ១៧ ​ឆ្នាំ ​ត្រូវ​ចៅ​ក្រ​ម​សម្រេច​ឃុំ​ខ្លួន​នៅ​ពន្ធនាគារ​ក្រោយ​ពី​បាន​បញ្ចប់​ការ​សាក​សួរ​ពី​រសៀល​ថ្ងៃ​ពុធ ​ទី​១៤​ ខែ​មករា​នេះ។

លោក​ ជា​ ម៉េត​ ព្រះ​រាជ​អាជ្ញារងអមសាលា​ដំបូង​រាជធានី​ប្រាប់​ភ្នំពេញ​ប៉ុស្តិ៍​ពី​ម្សិល​មិញ​ថា លោក​បាន​សម្រេច​ចោទ​ប្រកាន់​ជន​ដៃ​ដល់​រួច​ហើយ។

លោកប​ន្ត​ថា​៖ ​«ខ្ញុំ​ធ្វើ​ការ​ចោទ​ប្រកាន់​ពី​បទ​ប្រើ​ហិង្សា​ដោយ​មាន​ស្ថាន​ទម្ងន់​ទោស​ បណ្តាល​ឲ្យ​ជន​រងគ្រោះ​ស្លាប់​ តាម​មាត្រា​ ២២៤ ​ នៃ​ក្រម​ព្រហ្មទណ្ឌ»។​ បទ​ចោទ​មួយ​នេះ​ ដូច​នឹង​អ្វី​ដែល​នគរបាល​ខណ្ឌ​មាន​ជ័យ ​បាន​ធ្វើ​ការ​ចោទ​ប្រកាន់​ជា​បឋម​ដែរ ​ដែល​អាច​នឹង​ជាប់ ពន្ធនាគារ​ពី​ ៧ ​ ដល់ ១៥ ឆ្នាំ។

ព្រះសង្ឃព្រះ​នាម ​ថាច់ ​ខាន់ ​ព្រះជន្ម​ ៣៤ ​វស្សា​ ជា​សង្ឃ​ខ្មែរ​កម្ពុជ​ក្រោម​មាន​ដើម​កំណើត​នៅ​ខេត្ត​ឃ្លាំង​ ត្រូវ​ព្រះ​សង្ឃ​វ័យ​ក្មេង ​ចាក់​នឹង​កាំបិត​ចិត​ផ្លែ​ឈើ​ចំ​កញ្ចឹងក ​និង​ត្រូវ​ដៃ​ បណ្តាល​ឲ្យ​រងគ្រោះ​ដល់​ស្លាប់​នៅ​ពេល​បញ្ជូន​ដល់​មន្ទីរ​ពេទ្យ​ ក្នុង​ជម្លោះ​រឿង​វិន័យ​ក្នុង​វត្ត​ កាល​ពី​ថ្ងៃទី​១២ ខែ​មករា។

ទោះយ៉ាងណា​ក្រោយ​ការ​ចាប់​ខ្លួន ​ជន​ដៃ​ដល់​បាន​ឆ្លើយ​ប្រាប់​សមត្ថកិច្ច​ថា​ ខ្លួន​ក៏​ត្រូវ​លោក​គ្រូ​សូត្រ​ឆ្វេង​អង្គ​នេះ​វាយ​ទាត់​ធាក់​ស្ទើរ​រាល់​ថ្ងៃ​ដែរ​ដោយសារ​តែ​ចោទ​ថា​ ខ្លួន​ជា​អ្នក​បង្ក​បក្ខ​ពួក​ប្រឆាំង​នឹង​លោក។

ព្រះតេជគុណ ​ថាច់ ​ខាន់​ តែង​ចូលរួម​យ៉ាង​សកម្មភាព​ធ្វើការ​តវ៉ា​ក្នុង​សង្គម ​ទាក់​ទិន​នឹង​បញ្ហា​ជម្លោះ​ដីធ្លី សិទ្ធិ​មនុស្ស ​និង​ការ​ចូលរួម​តវ៉ា​នៅ​មុខ​ស្ថានទូត​ វៀតណាម​ ដូចគ្នា​នឹង​សង្ឃ​ដទៃ​ទៀត ​​នៅ​ក្នុង​វត្ត​ដែល​សុទ្ធ​តែ​សង្ឃ​ខ្មែរ​កម្ពុជា​ក្រោម​នេះដែរ។

ទោះយ៉ាង​ណា សមាគម​ខ្មែរ​កម្ពុជា​ក្រោម​ បាន​ស្នើ​ទៅ​សមត្ថកិច្ច​ឲ្យ​ធ្វើ​ការ​ស៊ើប​អង្កេត​បន្ត​ ព្រោះ​គេ​យល់ថា ​អាច​មាន​អ្នក​នៅ​ពី​ក្រោយ​ ហើយ​សុំ​ឲ្យ​ស្វែង​រក​ចាប់​ខ្លួន​ជន​នៅ​ពី​ក្រោយ​ មក​ដាក់​ទោស​តាម​ច្បាប់៕

អត្ថបទគួរចាប់អារម្មណ៍