The Phnom Penh Post Search

Search form




Logo of Phnom Penh Post newspaper Phnom Penh Post - អាង​ជា​ទាហាន​ផឹក​​ស្រវឹង​ខឹង​ឪ​ស្តី​ឲ្យ​​ក៏​បាញ់​​សម្លាប់




អាង​ជា​ទាហាន​ផឹក​​ស្រវឹង​ខឹង​ឪ​ស្តី​ឲ្យ​​ក៏​បាញ់​​សម្លាប់

អាង​ជា​ទាហាន​ផឹក​​ស្រវឹង​ខឹង​ឪ​ស្តី​ឲ្យ​​ក៏​បាញ់​​សម្លាប់

កំពង់ឆ្នាំងៈ អនុសេនីយ៍​ទោ​កង​ទ័ព​ម្នាក់​ប្រចាំ​ការ​នៅ​ចំណុច​៥ មករា ខេត្ត​ព្រះ​វិហារ ត្រូវ​នគរបាល​ខេត្ត​កំពង់​ឆ្នាំង​ចាប់​បញ្ជូន​ទៅ​សាលា​ដំបូង​ខេត្ត​នៅ​ថ្ងៃ​ទី១១ តុលា​នេះ បន្ទាប់​ពី​បាញ់​សម្លាប់​ឪពុក​បង្កើត ដែល​ស្តី​បន្ទោស​ខ្លួន​នៅ​ក្នុង​វង់​ផឹក​ស៊ី​ពី​ថ្ងៃ​អង្គារ។

លោក នូ ស៊ីរោ អធិការ​នគរបាល​ស្រុក​រលា​ប្អៀរ​ពី​ម្សិល​មិញ បាន​ប្រាប់​ថា ជន​សង្ស័យ​ឈ្មោះ រឹម សា​រ៉េន អាយុ​២៧​ឆ្នាំ ជា​ស័ក្តិ ២ ទាហាន​ប្រចាំ​ការ​នៅ​ខេត្ត​ព្រះ​វិហារ ត្រូវ​បាន​ចាប់​ខ្លួន​បន្ទាប់​ពី​បាន​បាញ់​សម្លាប់​កសិករ​ជា​ឪពុក​ឈ្មោះ រឹម រ៉េត អាយុ​៤៤​ឆ្នាំ នៅ​ភូមិ​អណ្តូង​ឫស្សី ឃុំ​ស្រែ​ថ្មី ស្រុក​រលា​ប្អៀរ ខេត្ត​កំពង់​ឆ្នាំង នឹង​ត្រូវ​នគរ​បាល​ខេត្ត​នាំ​ខ្លួន​ទាំង​យប់​ទៅ​សាក​សួរ។

លោក ជឹម ប៊ុនធឿន នាយ​ការិយា​ល័យ​ព្រហ្ម​ទណ្ឌ​កម្រិត​ធ្ងន់​នៃ​ស្នង​ការ ដ្ឋាន​នគរ​បាល​ខេត្ត​កាល​ពី​ម្សិល​មិញ​ឲ្យ​ដឹង​ថា ជន​សង្ស័យ​ត្រូវ​បញ្ជូន​ទៅ​សាលា​ដំបូង​ខេត្ត នៅ​ថ្ងៃ​១១ តុលា ក្រោម​ការ​ចោទ​ប្រកាន់ ពី​បទ​មនុស្ស​ឃាត។

លោក​ឲ្យ​ដឹង​ថា​តាម​ចម្លើយ​ជន​សង្ស័យ​ថា​នៅ​យប់​ថ្ងៃ​អង្គារ ម៉ោង​ប្រមាណ​ជាង​៨ គេ​បាន​ផឹក​ស៊ី​ជាមួយ​មិត្ត​ភក្តិ​៤នាក់ នៅ​ក្រោម​ផ្ទះ ពេល​នោះ​ឪពុក​ដែល​ទើប​ត្រឡប់​មក​ពី​ស្រែ​វិញ ក៏​ស្តី​បន្ទោស​ថា​អង្គុយ​តែ​ផឹក​«អាអត់​បាន​ការ»។ ដោយ​ជាតិ​ស្រវឹង​ជ្រាប​ពេញ​ខ្លួន គេ​ខឹង​នឹង​ឪពុក​យ៉ាង​ខ្លាំង។ ភ្លាម​នោះ​កូន​អប្រិយ​ម្នាក់​នេះ ក៏​ឡើង​ទៅ​ទាញ​យក​កាំភ្លើង​លើ​ផ្ទះ​ដែល​មាន​គ្រាប់​ពេញ​បង់ ៣០ គ្រាប់ បាញ់​រះ​គំរាម​បុក​ទៅ​នឹង​ដី​បង្ខុស​ចំនួន​១១​គ្រាប់ ប៉ុន្តែ​ចៃដន្យ​អាក្រក់ កាំភ្លើង​រេ​កា​ណុង​មក​ត្រូវ​ឪពុក​ខ្លួន ២​គ្រាប់ ចំ​ដោះ​ខាង​ស្តាំ​១គ្រាប់​និង​១​គ្រាប់​ទៀត ត្រូវ​ចំ​ភ្លៅ​ខាង​ស្តាំ​ស្លាប់​ភ្លាម​នៅ​នឹង​កន្លែង។

លោក​បញ្ជាក់​ថា ជន​សង្ស័យ​ចូល​ធ្វើ​ទាហាន​តាំង​ពី​ថ្ងៃ​ទី៥ មិថុនា​ឆ្នាំ​២០១១​មក និង​ជា​ទាហាន​ទៅ​ប្រចាំ​ការ​នៅ​ទី​បញ្ជា​ការ​នៅ​ចំណុច​៥​មករា តំបន់​ប្រាសាទ​ព្រះ​វិហារ ក្នុង​ភូមិ​កន្ទួត ឃុំ​កន្ទួត ស្រុក ជាំ​ក្សាន្ត ខេត្ត​ព្រះ​វិហារ មាន​ឋានៈ​ជា​អនុ​សេនីយ៍​ទោ មាន​អត្ត​លេខ ២០២៤៥៤។

លោក​បន្ត​ថា៖ «ជន​សង្ស័យ​បាន​មក​លេង​ផ្ទះ តាំង​ពី​ថ្ងៃ​អាទិត្យ ដោយ​មិន​បាន​សុំ​ច្បាប់​ពី​មេ​បញ្ជា​ការ​គេ​ទេ មិន​តែ​ប៉ុណ្ណោះ​គេ​បាន​យក​កាំ​ភ្លើង​អាកា​ស្វ័យ​បត់​១ដើម លេខ​៨០៥១ ដាក់​នៅ​ក្នុង​វ៉ាលិស ខោ​អាវ​និង​មាន​គ្រាប់​ចំនួន​៦០​គ្រាប់​មក​ជាមួយ​ផង»។

មេ​បញ្ជា​ការ​របស់​យោធិន​ម្នាក់​នេះ ឧត្តម​សេនីយ៍ យឹម ពឹម កាល​ពី​ម្សិល​មិញ​មិន​លើក​ទូរស័ព្ទ​ដែល​ទាក់​ទង​សុំ​បញ្ជាក់​ពី​ជន​នេះ​ទេ។

លោក ចាន់ បូរ៉ា មេ​នគរបាល​ប៉ុស្តិ៍​ឃុំ​ស្រែ​ថ្មី ប្រាប់​ពី​ម្សិល​មិញ​ដែរ​ថា ឈ្មោះ រឹម សារ៉េន កាល​ពី​មុន គេ​ជា​មនុស្ស​មាន​អត្តចរិត​ស្លូត​បូត​ទេ ហើយ​ថែម​ទាំង​ធ្លាប់​បួស​៥-៦​វស្សា​ផង ប៉ុន្តែ គេ​ក្លាយ​ជា​មនុស្ស​ចិត្ត​ឆេវឆាវ​ដោយ​សារ​តែ​ត្រូវ​ជាតិ​ស្រា​ស្រវឹង​ទើប​ទប់​ចិត្ត​មិន​បាន ក៏​កើត​រឿង​បែប​នេះ។

លោក យ៉ង់ គឹមអេង ប្រធាន​មជ្ឈមណ្ឌល​ប្រជា​ពលរដ្ឋ​ដើម្បី​ការ​អភិវឌ្ឍន៍​និង​សន្តិភាព​យល់​ថា ការ​បាត់​បង់​សីល​ធម៌​សង្គម​ពាក់​ព័ន្ធ​នឹង​យុវជន កំពុង​តែ​កើត​មាន ហើយ​មិន​ត្រឹម​តែ​យុវជន​ទេ សូម្បី​តែ​មនុស្ស​ចាស់ ក៏​មាន​ដែរ។

លោក​បន្ត​ថា៖​«ការ​ប្រើ​ប្រាស់​គ្រឿង​ស្រវឹង គ្រឿង​ញៀន​ជា​បញ្ហា​ទី១ ហើយ​អំពើ​សាហាវ​ដែល​កំពុង​តែ​កើត​មាន​ស្ទើរ​តែ​មិន​អាច​ទប់​ស្កាត់​បាន​នោះ គឺ​ដោយ​សារ​តែ​យុវជន​យើង​ឃើញ​នូវ​រូប​ភាព​ពី​ការ​កាប់​សម្លាប់ ការ​ធ្វើ​ទារុណ​កម្ម គឺ​បាន​ធ្វើ​ឲ្យ​មនុស្ស​លែង​គិត​និង​ផ្តល់​តម្លៃ​ដល់​មនុស្ស​ដូច​គ្នា រួម​នឹង​កត្តា​រួច​ទោស​ផ្សំ​ផង»៕

អត្ថបទគួរចាប់អារម្មណ៍

  • ស្ដង់ដា​គណនេយ្យ ជា​ធាតុ​ផ្សំ​ដ៏សំខាន់​មួយ​ក្នុង​ក្របខ័ណ្ឌ​គណនេយ្យ និង​ការរាយការណ៍​ហិរញ្ញវត្ថុ ព្រមទាំង​ជួយ​សម្រួល​ដល់​ក្រុមហ៊ុន​/​សហគ្រាស និង​ថ្នាក់ដឹកនាំ​របស់​ក្រុមហ៊ុន ដើម្បី​កំណត់​ឱ្យ​បាន​ច្បាស់លាស់​ពី​ស្តង់ដា​ដែល​ក្រុមហ៊ុន​បាន​ប្រើប្រាស់​សម្រាប់​ការរៀបចំ​របាយការណ៍​ហិរញ្ញវត្ថុ​។

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។