The Phnom Penh Post Search

Search form

Logo of Phnom Penh Post newspaper Phnom Penh Post - អាជ្ញាធរ​ខេត្ត​កំពង់ធំ​បង្ក្រាប​អ្នក​ឆក់​ត្រី​បញ្ជូន​ទៅ​តុលាការ




អាជ្ញាធរ​ខេត្ត​កំពង់ធំ​បង្ក្រាប​អ្នក​ឆក់​ត្រី​បញ្ជូន​ទៅ​តុលាការ

អាជ្ញាធរ​ខេត្ត​កំពង់ធំ​បង្ក្រាប​អ្នក​ឆក់​ត្រី​បញ្ជូន​ទៅ​តុលាការ

130329_9b
សកម្មភាពអ្នកធ្វើនេសាទត្រីប្រើឧបករណ៍ឆក់ នៅស្រុកជលគិរី ខេត្តកំពង់ឆ្នាំង នប.ជក

កំពង់ធំៈ ជន​សង្ស័យ​៣នាក់​ពាក់​ព័ន្ធ​បទ​ល្មើស​ឆក់​ត្រី​ដែល​រដ្ឋបាល​ជល​ផល​ខេត្ត កំពង់​ធំ​ឃាត់​ខ្លួន​បាន​កាល​ពី​ថ្ងៃ​ទី​២៧​មីនា នៅ​ចំណុច​បឹង​បន្ទាយ ស្រុក​សន្ទុក​ខេត្ត​កំពង់ធំ ត្រូវ​ខាង​រដ្ឋបាល​ជល​ផល​ខេត្ត បញ្ជូន​ទៅ​សាលា​ដំបូង​ខេត្ត​កាល​ពី​ថ្ងៃ​ទី​២៨ ខែ​មីនា​ម្សិល​មិញ។

លោក ប៉ែន សុវណ្ណរិទ្ធ នាយ​ខណ្ឌ​រដ្ឋបាល​ជល​ផល​ខេត្ត បាន​ឲ្យ​ដឹងថា ជន​សង្ស័យ​ដែល​សមត្ថកិច្ច​រដ្ឋបាល​ជល​ផល​ចាប់​ឃាត់​ខ្លួន នោះ​ឥឡូវ​បាន​កសាង​សំណុំ​រឿង​និង​ត្រូវ​បញ្ជូន​ពួកគេ​ទៅ​សាលា​ដំបូង​ខេត្ត កំពង់ធំ ហើយ​កាល​ពី​ម្សិល​មិញ។ លោក​បញ្ជាក់​ថា ការ​ឃាត់​ខ្លួន​អ្នក​នេសាទ​ល្មើស​ច្បាប់​បី​នាក់​នេះ ធ្វើ​ឡើង​ខណៈ​ពួកគេ​កំពុង​ដើរ​ឆក់​ត្រី​នៅ​ក្នុង​តំបន់​ហាម​ឃាត់ និង​ប្រើ​ប្រាស់​ឧបករណ៍​នេសាទ​ដែល​ច្បាប់​ហាម​ឃាត់។

លោកថ្លែងថា៖«​ពួកគេ​នឹង​ត្រូវ​ប្រឈម​ចំពោះ​មុខ​ច្បាប់​និង​ជាប់​ចោទ​ពី​បទ​ប្រើ​ប្រាស់​ឧបករណ៍​ឆក់​ខុស​ច្បាប់ ព្រោះ​ឧបរណ៍​ទាំង​នេះ​មិន​ត្រឹម​តែ​បំផ្លាញ​ត្រីធំ​ទេ សូម្បី​តែ​កូន​ត្រី​បន្ត​ពូជ​ក៏​ត្រូវ​ពាយ​អស់​ពី​បឹង​ធម្មជាតិ​ដែរ»។

លោកប្រាប់​ឲ្យ​ដឹងដែរថា ជន​សង្ស័យ​ចំនួន ៣នាក់ មាន​ទី១.ឈ្មោះ គិត លាន ភេទ ប្រុស អាយុ ៣១​ឆ្នាំ ទី២. ឈ្មោះ ហាក់ ហូ ភេទ ប្រុស អាយុ ៤១​ឆ្នាំ ​ទី៣. ឈ្មោះ ហាន ថា​ត ភេទ ប្រុស អាយុ ៣១​ឆ្នាំ​ អ្នក​ទាំង​៣​ រស់នៅ​ភូមិ ​ត្នោតជុំ ឃុំ ត្នោត​ជុំ ស្រុក​សន្ទុក ខេត្ត​កំពង់​ធំ ហើយ វត្ថុ​តាង​ដែល​សមត្ថកិច្ច​រឹប​អូស​បាន មាន​អាគុយ ៤០ អំ​ពែ ៣​គ្រឿង អាំង​វ៉ិចទ័រ​៣​គ្រឿង និង​ឧបករណ៍​មួយ​ចំនួន​ទៀត។

ជាមួយគ្នាដែរ​ក្នុង​ភូមិ​សាស្ត្រ​ខេត្ត​កំពង់​ឆ្នាំង នៅចំណុច​អន្លង់ធំ អន្លង់​តូច បឹងធំ ក្នុង​ភូមិ​ព្រែក​ឆ្តោរ ឃុំ​កំពង់​អុស និង​បឹង​ព្រែក​មួយ​ចំនួន​ក្នុង​ភូមិ​ដូនវៀត ភូមិ​កោះ​ក្អែក ពិសេស​នៅ​ក្នុង​អតីត​ឡូត៍​លេខ​១១ ក្នុង​ស្រុក​ជលគិរី ក៏​មាន​សកម្មភាព​ឆក់​ត្រី​ប្រមាណ​ជាង ៥០ ​ឧបករណ៍​ឆក់​ក្តៅ និង​ឆក់​ត្រជាក់ កំពុង​ធ្វើ​សកម្មភាព​ឆក់​ត្រី​មួយ​ថ្ងៃៗ​មិន​តិច​ជាង​២​ទៅ​៣​តោន​ទេ។

មន្ត្រីជលផលខេត្ត​កំពង់​ឆ្នាំង​អះអាង​ថា ការ​បង្ក្រាប​អ្នក​ឆក់ត្រី​ជាការ​ពិបាក​បន្តិច អាជ្ញាធរ​កំពុង​ផ្សព្វ​ផ្សាយ​អប់រំឲ្យ​គាត់​យល់​ដឹង អំពី​ទោស​ទណ្ឌ ច្បាប់​ជល​ផល​និង​ឲ្យ​ពួក​គាត់​ប្រគល់​ឧបករណ៍​ឆក់​ឲ្យ​អាជ្ញាធរ​ហើយ​ថា​កន្លង​មក អាជ្ញាធរ​ក៏​បាន​ខិត​ខំ​បង្ក្រាប​បន្ត​បន្ទាប់​ដែរ៕

អត្ថបទគួរចាប់អារម្មណ៍