The Phnom Penh Post Search

Search form

Logo of Phnom Penh Post newspaper Phnom Penh Post - ឧត្ដមសេនីយ៍​ម្នាក់​បើក​ឡាន​ក្រឡាប់​ស្លាប់​ភរិយា និង​រងរបួស ៤ នាក់




ឧត្ដមសេនីយ៍​ម្នាក់​បើក​ឡាន​ក្រឡាប់​ស្លាប់​ភរិយា និង​រងរបួស ៤ នាក់

ឧត្ដមសេនីយ៍​ម្នាក់​បើក​ឡាន​ក្រឡាប់​ស្លាប់​ភរិយា និង​រងរបួស ៤ នាក់

ព្រះវិហារៈ ស្ត្រី​ជា​ភរិយា​បាន​ស្លាប់​រីឯ​លោក​ឧត្តមសេនីយ៍ឯក​យោធា​ជា​មេបញ្ជាការ​រង​កង​អង្គរក្ស​លោក​នាយករដ្ឋមន្ត្រី​ ហ៊ុន ​សែន ឈ្មោះ អ៊ុំ សំអាត និង​សមាជិក​គ្រួសារ​ ៤ នាក់​ទៀត​បាន​របួស​ធ្ងន់​ស្រាល​ក្នុង​ករណី​ក្រឡាប់​រថយន្ត​តាម​ផ្លូវ​លេខ​ ៦២ ក្នុង​ឃុំ​រំដោះ​ស្រុក​ជាំក្សាន្ត​ ខេត្ត​ព្រះវិហារ​កាលពី​ម្សិលមិញ។

លោក ស៊ី គិរី ស្នងការ​នគរបាល​ខេត្ត​ព្រះវិហារ​បាន​ថ្លែង​កាលពី​ម្សិលមិញ​ថា​រថយន្ត​ម៉ាក​តូយ៉ូតា វីហ្គោ របស់​លោក អ៊ុំ សំអាត ដែល​ជា​យោធា​ទទួល​បន្ទុក​សមរភូមិ​នៅ​ទិស​ស្រអែម​បាន​ក្រឡាប់​ដោយសារ​លោក​បាន​បើក​ក្នុង​ល្បឿន​លឿន​កាច់​ស្តាំ​លើ​ផ្លូវ​កោង​មួយ​​នេះ​បាន​​ធ្វើ​ឲ្យ​ភរិយា​របស់​លោក​ឧត្តម​សេនីយ៍​បាន​ស្លាប់​ភ្លាម។ ពួកគេ​បាន​​បើកបរ​ក្នុង​ទិសដៅ​ពី​ភ្នំពេញ​ទៅ​ព្រះវិហារ។

លោក​ស្នងការ​ថ្លែង​ថា៖ «ភរិយា​គាត់​បាន​ស្លាប់​នៅ​កន្លែង​មាន​វ័យ​ជាង​ ៤០ ​ឆ្នាំ​ចំណែក​លោក​ អ៊ុំ សំអាត បាន​របួស​ធ្ងន់​ចំ​ក្បាល។ អ្នក​របួស​ផ្សេង​ទៀត​មាន​បាក់​ដៃ និង​ជើង»។

លោក​បន្ត​ថា៖ «អ្នក​បើកបរ​នេះ​ងោក​មួយ​ភាំង​ហើយ​បើក​ឡាន​ក្នុង​ល្បឿន​លឿន​ផង​កាច់​ចង្កូត​បត់​ក៏​ក្រឡាប់​»។

ស្នងការ​រូប​នេះ​បាន​ឲ្យ​ដឹង​ថា​កន្លង​មក​ចំណុច​គ្រោះថ្នាក់​នេះ​មិនមែន​ជា​ចំណុច​ជើង​កប​នោះ​ឡើយ​តែ​ធ្លាប់​មាន​ករណី​គ្រោះថ្នាក់​ចរាចរណ៍​ដែល​បាន​​ធ្វើ​ឲ្យ​មនុស្ស​រងរបួស​នៅ​ទី​នោះ៕

អត្ថបទគួរចាប់អារម្មណ៍