The Phnom Penh Post Search

Search form




Logo of Phnom Penh Post newspaper Phnom Penh Post - ឧទ្ធរណ៍​ជំនុំ​ជម្រះ​រឿង​វាយ​សម្លាប់​ព្រោះ​សុំ​លុយ​មិន​ឲ្យ

ឧទ្ធរណ៍​ជំនុំ​ជម្រះ​រឿង​វាយ​សម្លាប់​ព្រោះ​សុំ​លុយ​មិន​ឲ្យ

ឧទ្ធរណ៍​ជំនុំ​ជម្រះ​រឿង​វាយ​សម្លាប់​ព្រោះ​សុំ​លុយ​មិន​ឲ្យ

20140320_09
ជនជាប់ចោទពីបទឃាតកម្ម ផល្លី ផល្លា ពេលនាំឡើងសវនាការឧទ្ធរណ៍ ម៉ៃ វីរៈ

ភំ្នពេញៈ សាលា​ឧទ្ធរណ៍​កាល​ពី​ថ្ងៃ​ពុធ​បាន​បើក​សវនាការ​ជំនុំ​ជម្រះ សំណុំ​រឿង​បុរស​ម្នាក់​ដែល​តុលាការ​ថ្នាក់​ក្រោម​កាត់​ឲ្យ​ជាប់​ទោស ១២​ឆ្នាំ ក្រោម​ការ​ចោទ​ប្រកាន់​ពី​បទ​ឃាតកម្ម និង​ការ​មិន​រាង​ចាល។ ប៉ុន្តែ​សាលដីកា​រឿង​ក្តី​នេះ​នឹង​ប្រកាស​នៅ ថ្ងៃ​ទី២៧ ខែ​មីនា។

លោក ងួន អ៊ីម ប្រធាន​ក្រុម​ប្រឹក្សា​ជំនុំ​ជម្រះ​ថ្លែង​ថា ផល្លី ផល្លា ភេទ​ប្រុស អាយុ ២២​ឆ្នាំ មាន​ទីលំនៅ​ក្នុង ក្រុម​៦ ភូមិ​ទួលគោក សង្កាត់​ទួលសង្កែ ខណ្ឌ​ឫស្សីកែវ ជាប់​ចោទ​ពី​បទ​ឃាតកម្ម និង​មិន​រាង​ចាល។

តាម​អង្គហេតុ​កាល​ពី​ថ្ងៃ​ទី១៦ ខែ​ធ្នូ ឆ្នាំ​២០១២ នៅ​ម៉ោង ២:៤០ នាទី​ជន​រងគ្រោះ​ឈ្មោះ សុទ្ធ សាហារ៉ា (ប្រុស) អាយុ ១៨​ឆ្នាំ និង​គូកន​បាន​នាំ​គ្នា​ទៅ​ទិញ​ថ្នាំ​ញៀន​នៅ​ម្តុំ​អង់តែន ក៏​បាន​ជួប​នឹង​ឈ្មោះ ផល្លី ផល្លា ស្ទាក់​ផ្លូវ​សុំ​លុយ ពេល​សុំ​មិន​បាន ក៏​ទាញ​ដំបង​ដេញ​វាយ​ជន​រងគ្រោះ​ចំ​ជើង​ដួល ក៏​វ៉ៃ​ថែម​រហូត​ដល់​ស្លាប់។

ករណី​នេះ​ត្រូវ​បាន​សាលា​ដំបូង​រាជធានី បើក​សវនាការ​ជំនុំ​ជម្រះ​ផ្តន្ទាទោស ផល្លី ផល្លា ដាក់​ពន្ធនាគារ ១២​ឆ្នាំ ដោយ​កែប្រែ​ពី​បទ​ឃាតកម្ម​គិត​ទុក​ជា​មុន​តាម​មាត្រា ២០០ មក​ជា​បទ​ឃាតកម្ម​តាម​មាត្រា ១៩៩ នៃ​ក្រម​ព្រហ្មទណ្ឌ​និង​បទ​មិន​រាង​ចាល​តាម​មាត្រា​មួយ​ចំនួន​នៃ​ក្រម​ព្រហ្មទណ្ឌ។

ក្នុង​សវនាការ ផល្លី ផល្លា ប្រាប់​ថា នៅ​ពេល​នោះ​ជន​រងគ្រោះ​មា​នគ្នា ២​នាក់ ខ្លួន​គ្រាន់​តែ​ការពារ​ខ្លួន​តែ​បាន​ជ្រុល​ដៃ​វាយ​ជន​រងគ្រោះ​ស្លាប់។ ផល្លា បន្ត​ថា៖ «ខ្ញុំ​ពិត​ជា​វាយ​សម្លាប់​ជន​រងគ្រោះ​ហើយ​ការ​ប្តឹង​ឧទ្ធរណ៍​សុំ​ឲ្យ​បន្ធូរ​បន្ថយ​ទោស»។

តំណាង​មហា​អយ្យការ​លោក ហ៊ាន រិទ្ធ ថ្លែង​ថា រឿង​នេះ​ពិត​ជា​ឃាតកម្ម​ដោយ​ចេតនា​និង​ការ​មិន​រាង​ចាល​ហើយ​ថា រឿង​នេះ​មិន​អាច​បន្ធូរ​បន្ថយ​ទោស​បាន​ទេ លោក​សុំ​ឲ្យ​ក្រុម​ប្រឹក្សា​តម្កល់​ទុក​នៅ​ដដែល។

ប៉ុន្តែ​មេធាវី​ការពារ​ជន​ជាប់​ចោទ​ថា កូន​ក្តី​បាន​ទទួល​ស្គាល់​កំហុស​ដូច្នេះ​លោក​សុំ​ឲ្យ​តុលាការ​បន្ធូរ​បន្ថយ​ទោស៕

អត្ថបទគួរចាប់អារម្មណ៍