The Phnom Penh Post Search

Search form




Logo of Phnom Penh Post newspaper Phnom Penh Post - ៦ នាក់​ស្លាប់​ដោយសារ​គ្រោះថ្នាក់​ចរាចរណ៍

៦ នាក់​ស្លាប់​ដោយសារ​គ្រោះថ្នាក់​ចរាចរណ៍

៦ នាក់​ស្លាប់​ដោយសារ​គ្រោះថ្នាក់​ចរាចរណ៍

ពោធិ៍សាត់ៈ គ្រោះថ្នាក់​ចរាចរណ៍​មួយ​នៅលើ​ផ្លូវជាតិ​លេខ​ ៥ ក្នុង​ស្រុក​បាកាន​កាលពី​ព្រឹក​ថ្ងៃ​សៅរ៍​រវាង​រថយន្ត​ក្រុង និង​គោយន្ត​បាន​បណ្តាល​ឲ្យ​​ស្លាប់​ ៣ នាក់​​ និង​របួស ១០​ នាក់​ ខណៈ​ដែល​គ្រោះថ្នាក់​ចរាចរណ៍​មួយ​ទៀត​ក្នុង​ខេត្ត​បាត់ដំបង​បាន​បណ្តាល​​ឲ្យ​ស្លាប់ ៣ ​របួស​ ៣ ​នាក់​។

លោក យ៉ែម យឿន អធិការរង​​ស្រុក​បាកាន​បាន​ពន្យល់​ថា​៖ «​​មាន​អ្នកភូមិ ១៧​ នាក់​​នៅលើ​គោយន្ត​​នៅ​ពេល​ដែល​កង់​គោយន្ត​មួយ​របូត​ហើយ​អ្នក​បើក​បាត់​ម្ចាស់ការ​»​។

រថយន្ត​មួយ​បាន​បុក​គោយន្ត​នោះ​ពី​ក្រោយ​ហើយ​បន្ទាប់មក​រថយន្ត​​ក្រុង​បុក​ពី​ក្រោយ​ទៀត​ដោយ​បាន​កិន​អ្នកភូមិ​។ បើ​តាម​លោក យឿន អ្នក​បើក​រថយន្ត​ និង​ឡាន​ក្រុង​បាន​រត់​គេច​ខ្លួន​ពី​កន្លែង​កើតហេតុ​។ ឡាន​ និង​រថយន្ត​ទាំងនោះ​ត្រូវ​អូស​យក​ទៅ​រក្សា​ទុក​ហើយ​នគរបាល​កំពុង​ធ្វើការ​ស្រាវជ្រាវ​រក​អ្នក​បើកបរ។

ទន្ទឹម​នេះ​មាន​ករណី​ស្លាប់​បី​នាក់ និង​បី​នាក់​របួស​ដោយសារ​រថយន្ត​មួយ​​បើក​ធ្លាក់​ចូល​ទៅក្នុង​ប្រឡាយ​ទឹក​ក្នុង​ស្រុក​បាណន់​ខេត្ត​បាត់ដំបង​កាល​ល្ងាច​ថ្ងៃ​សុក្រ​។

អធិការរង​នគរបាល​ស្រុក​បាណន់ លោក សាត សៀត ថ្លែង​​ថា​៖ «​មាន​ឡាន​មួយ​គ្រឿង​បើក​ក្នុង​ល្បឿន​លឿន​នៅ​តាម​​មាត់​ទំនប់​កំពីង​ពួយ​ហើយ​បាន​ឆ្លាក់​ចូល​ទៅក្នុង​ប្រឡាយ​​»។

លោក សាត​បាន​ថ្លែង​បន្ត​ថា៖ «សាកសព​ត្រូវ​បាន​បញ្ជូន​ទៅ​ផ្ទះ​របស់​ជនរងគ្រោះ​ហើយ​អ្នក​រងរបួស​ត្រូវ​បាន​បញ្ជូន​ទៅ​មន្ទីរពេទ្យ​ដើម្បី​ព្យាបាល​។ អ្នក​បើក​​រថយន្ត​ដែល​រងរបួស​ស្រាល​បាន​រត់​គេច​ខ្លួន​»៕ PS

អត្ថបទគួរចាប់អារម្មណ៍