The Phnom Penh Post Search

Search form




Logo of Phnom Penh Post newspaper Phnom Penh Post - ក្មេង​អាយុ​៧​ខែ​អាច​ជិះ​ស្គី​លើ​ទឹក​បាន​គួរ​ឲ្យ​ភ្ញាក់​ផ្អើល

ក្មេង​អាយុ​៧​ខែ​អាច​ជិះ​ស្គី​លើ​ទឹក​បាន​គួរ​ឲ្យ​ភ្ញាក់​ផ្អើល

ក្មេង​អាយុ​៧​ខែ​អាច​ជិះ​ស្គី​លើ​ទឹក​បាន​គួរ​ឲ្យ​ភ្ញាក់​ផ្អើល

130517_20b
130517_20b

ជា​ទូទៅ​ពេល​ក្មេង​មាន​អាយុ​៧​ខែ​នោះ​វា​ជា​វ័យ​ក្មេង​ខ្ចី​និង​ពិបាក​ណាស់​សម្រាប់​ឲ្យ​គេ​ប្រើ​ជើង​ទាំង​គូ​ទ្រទ្រង់​កាយ​សម្បទា​ខ្លួន​ដើរ​តេះ​តះ កុំ​ថា​ឡើយ​ទៅ​ជិះ​ស្គី​នោះ​។ តែ​នេះ​ប្រហែល​ជា​មក​ពី​អព្ភូតហេតុ​ចម្លែក​ទៀត​ហើយ សម្រាប់​ក្មេង​ប្រុស​វ័យ​៧​ខែ រៃឌ័រ ប្ល៊ែរ (Ryder Blair) អាច​មាន​សមត្ថភាព​ពិសេស និង​ហ៊ាន​ជិះ​ស្គី​លើ​ទឹក​បាន​ដូច​ជា​មនុស្ស​ធំ​ពេញ​វ័យ​ដែរ។

ក្មេង​ប្រុស​៧​ខែ​ជិះ​ស្គី​ទឹក​នេះ​បាន​ត្រូវ​បាន​គេ​ថត​ជា​ខ្សែ​វីដេអូ​បង្ហោះ តាម​ប្រព័ន្ធ Youtube មាន​សកម្មភាព​សប្បាយ​រីក​រាយ​និង​សើច​ឲ្យ​គ្រហើៗ​នឹង​ការ​រៀន​ជិះ​ស្គី​របស់​គេ​នៅ​ឯ​អាង​ហែល​ទឹក Lake Dyer នៅ​ក្នុង​ទី​ក្រុង​គ្វីនឡេនដ៍ (Queensland) ប្រទេស​អូស្រ្តាលី។

ម្តាយ​កូន​ង៉ែត​នោះ​សរសេរ​ថា ជំហ៊ាន​បន្ទាប់​នាង​នឹង​ឲ្យ​កូន​៧​ខែ​របស់​នាង​នេះ​រៀន​ជិះ​ស្គី​នៅ​ក្បែរ​ទូក​តែ​ម្តង​ដើម្បី​ងាយ​ស្រួល​ការពារ​សុវត្ថិភាព​គេ​នា​រដូវ​កាល​ក្រោយ។ នាង​ក៏​នឹង​ប្រើ​ប្រព័ន្ធ GoPro​ដើម្បី​ចាប់​យក​រូបភាព​និង​សកម្ម​នានា​ពី​គេ​បាន។ ចំណែក​ខ្សែ​វីដេអូ​ក្មេង​៧​ខែ​រៀន​ជិះ​ស្គី​នោះ​ត្រូវ​បាន​គេ​ចូល​ទៅ​មើល​ជាង​មួយ​ម៉ឺន​ដង​ហើយ​ដែរ។ តែ​វា​ក៏​មិន​មែន​ជា​រឿង​លើក​ទីមួយ​ដែរ សម្រាប់​កូន​ក្មេង​បាន​បញ្ចេញ​សមត្ថភាព​ដ៏​អស្ចារ្យ​របស់​ពួក​គេ​ទាំង​វ័យ​ក្មេង​ខ្ចី​បែប​នេះ​នោះ។

កន្លង​មក​មាន​រឿង​ចម្លែក​ពាក់​ព័ន្ធ​នឹង​ក្មេងៗ​ដែរ​ដូច​ជា​ក្មេង​ប្រុស​ម្នាក់​មាន​វ័យ​១០​ឆ្នាំ បាន​បើក​រថយន្ត​ម៉ាក Ferrari F430 យ៉ាង​សង្ហា​នោះ​៕ PR

អត្ថបទគួរចាប់អារម្មណ៍