ឆ្លង​កាត់​ឧបសគ្គ និង​ការ​លំបាក​ជា​ច្រើន​ជំពូក​ កាសែត ភ្នំពេញ ប៉ុស្តិ៍ ដ៏​ក្មេង​ខ្ចី​​កាល​ពី​ប៉ុន្មាន​ឆ្នាំ​មុន បាន​ធំ​ដឹង​ក្តី​ និង​រឹងមាំ​នៅ​ពេល​នេះ ហើយ​នៅ​ថ្ងៃ​ទី​៦ ខែ​កក្កដា ឆ្នាំ​២០១២ គឺ​ជា​ថ្ងៃ​ខួប​២០​ឆ្នាំ​របស់​កាសែត​ដែល​ទទួល​ពាន​រង្វាន់​អន្តរ​ជាតិ​ដ៏​ ច្រើន​មួយ​នេះ​។ ក្នុង​ថ្ងៃ​ខួប​ដ៏​សប្បាយ​រីក​រាយ​នោះ ក្រៅ​ពី​វត្ត​មាន​មន្ត្រី​រដ្ឋាភិបាល មន្ត្រី​ទូត និង​បណ្តា​ថ្នាក់​ដឹក​នាំ​ក្រុម​ហ៊ុន​នានា ក៏​មាន​វត្ត​មាន​សិល្បករ សិល្ប​ការិនី​ល្បីៗ​ប្រចាំ​ប្រទេស​ជា​ច្រើន​រូប​ផង​ដែរ​៕